Post Tagged with: "成功上樓"

【有片】日本喵星人成功上樓 3隻一齊被收養Twitter熱傳
by / on 25/10/2019 at 7:54 am

【有片】日本喵星人成功上樓 3隻一齊被收養Twitter熱傳

太好嘞!終於有喵星人成功上樓,仲係一次過3隻!事緣有日本網民上星期日去便利店途中見到3隻貓仔俾烏鴉襲擊,當時唔見貓仔嘅父母,所以趕走咗烏鴉之後,佢決定帶埋3隻喵仔返屋企,睇見貓仔搵到新主人真係好令人開心,而且之後呢位日本網民食雪條中獎呀,真係貓之報恩呀!大家有機會都收養吓流浪貓,俾佢哋一個家啦。入嚟有多啲相同片睇,好可愛!

Read more ›

【成功上樓】流浪喵主動瞓人肚腩 事主瞓醒決定收養
by / on 12/03/2019 at 7:24 am

【成功上樓】流浪喵主動瞓人肚腩 事主瞓醒決定收養

又一隻喵星人成功上樓!事發地點係澳洲嘅坎培拉,Ali Safa呢位被選中嘅孩子喺郊外休息緊,玩玩吓電話仲瞓著咗,點知一覺醒咗發現有隻貓居然喺佢個肚腩上面瞓著咗!佢忍唔住影埋相放上Reddit,網民爭相問佢隻貓做緊咩同埋有咩新進展,最後Ali幫隻喵沖完涼再帶佢去睇獸醫,然後帶咗返自己屋企正式收養。呢隻係Ali人生第一隻寵物,網民都恭喜佢成為貓奴,入嚟有多啲相同片睇。

Read more ›
【成功上樓】小黑喵變大黑喵 被領養喵星人超幸福
by / on 25/05/2018 at 7:51 am

【成功上樓】小黑喵變大黑喵 被領養喵星人超幸福

有得上樓嘅喵星人真係幸福,仲要喺上海喎!呢隻黑喵本來要喺上海街頭流浪,好彩有新主人收養,當時嘅佢又瘦,雙眼又受到感染,之後經過獸醫治療後好返晒,主人仲每日都會帶埋佢返工,眨吓眼佢已經由小貓變咗做大貓,唯一無變係頸嗰個位都係有執白色毛,好似著咗禮服咁,好有型,入嚟有多啲佢嘅生活照睇。

Read more ›
【成功上樓】流浪狗狗慘變皮包骨 獲救後成功被領養
by / on 22/02/2018 at 7:39 am

【成功上樓】流浪狗狗慘變皮包骨 獲救後成功被領養

好開心又有一隻狗狗成功上樓!呢隻叫Frodo嘅狗狗身世好坎坷,之前喺克羅埃西亞做流浪狗,俾人發現時唔止瘦到皮包骨,仲有一隻眼因為受細菌感染而盲咗,全身都係蜱蟲、跳蚤。好彩有人救咗佢然後送去動物醫院,經過悉心照顧,最後佢變返靚仔,仲搵到新家庭收養佢,而家超幸福。大家睇完如果想養狗,都記住選擇領養,等多啲動物可以成功上樓啦。

Read more ›
【成功上樓】日本喵星人奇招上樓 天花板從天而降
by / on 02/12/2017 at 7:33 am

【成功上樓】日本喵星人奇招上樓 天花板從天而降

喵星人上樓嘅方法層出不窮,啱啱日本有隻小貓就搵到個古怪新奇嘅方法,就係喺近天花板嘅牆身個窿度跌入屋。有網民返返吓工收到朋友嘅相,話喺屋企牆身聽到小貓嘅叫聲,之後忍唔住開咗個洞,就有隻貓好似由天花板跌落嚟咁。啱啱又放咗張新貓相出嚟,睇見隻貓玩到反晒肚,似乎已經慶祝緊成功上樓嘞。

Read more ›
【有片】喵星人「成功上樓」靠進擊 主動跳上車唔願走
by / on 15/05/2017 at 11:26 am

【有片】喵星人「成功上樓」靠進擊 主動跳上車唔願走

喵星人為咗上樓可以去到幾盡?之前日本都有唔少成功例子,可能喺網上睇到,呢隻土耳其嘅流浪貓Leo都有樣學樣,而佢嘅方法就係跳上每日嚟餵流浪貓嘅義工架車度嘞。首先喺車入面嘅車頭位置邊晒太陽邊瞓覺,之後坐埋上司機位,再之後直情去埋車尾嘅位置瞓覺兼舔毛。咁進擊,人類即時被徹底融化,而家佢成功上樓好幸福,證明幸福係要靠自己爭取架!而佢嘅進擊過程亦被拍片兼放上YouTube,片尾仲有個訊息:「Never give up hope.」好勵志!BTW,各位想養喵嘅朋友,記住選擇領養,等多啲貓貓可以成功上樓喇!

Read more ›

【新片速報】日本喵星人為上樓博到盡 撞腳爬大脾求收養
by / on 18/01/2017 at 7:39 am

【新片速報】日本喵星人為上樓博到盡 撞腳爬大脾求收養

日本好多流浪喵星人靠自己努力成功上樓,最近有呢隻超奮勇嘅小喵,有日本網民放咗段片上網,拍攝低佢喺街頭被喵星人纏腳,見人類無反應,喵星人索性攬住對方嘅大腿一直向上爬,據知最後爬到上膊頭,好勇猛!可惜樓主雖然好想,但最終都無收養佢,因為佢屋企已經養咗隻狗狗。而家天氣咁凍,希望呢隻咁可愛嘅喵星人快啲搵到好心人帶佢返屋企啦!

Read more ›
【圖集】超可愛雙色臉喵星人 「成功上樓」被領養
by / on 03/01/2017 at 7:11 am

【圖集】超可愛雙色臉喵星人 「成功上樓」被領養

三色貓好可愛,如果好似呢隻咁,一半啡一半黑嘅雙色臉,更加好大機會喺網上爆紅。呢隻叫Yana嘅喵星人之前喺網站徵求領養者,擁有一對圓碌碌嘅眼,仲有頸部神秘嘅白三角「領巾」,加埋咁特別嘅臉孔,好快就有人收養佢嘞!而家佢有個錫佢嘅主人,喺IG仲有過萬個followers,生活好幸福,唔怪得之個樣越嚟越可愛啦。

Read more ›
【成功上樓】日本喵星人被收養 11隻貓新家庭網上直播
by / on 30/12/2016 at 7:40 am

【成功上樓】日本喵星人被收養 11隻貓新家庭網上直播

又一隻喵星人成功上樓,好勵志!一個人養10隻貓已經好勁,最近仲要加多個新成員,11隻貓真係何其壯觀。呢隻可愛喵仔本來路經庭園,屋主見佢好可愛,於是餵佢食嘢,之後決定收養埋佢,仲幫佢改咗個名叫「モモ」。睇相見佢有得食有得玩,仲有自己嘅毛公仔,難怪佢加入咗呢個家庭無耐已經覆到毫無戒心。而屋企另外10隻大貓似乎都幾鍾意佢喎,無辦法啦,最細係佢應該會錫到佢燶嘞。想睇佢嘅生活?嚟緊免費日本電視直播app「Abema TV」會有佢嘅節目「10Cats.+ ~新入りした11匹目の猫~」睇,12月29日9點開播!

Read more ›
【成功上樓】喵星人呀愁1小時變呀樂     被收養開心笑
by / on 17/11/2016 at 7:20 am

【成功上樓】喵星人呀愁1小時變呀樂 被收養開心笑

好感人,呢隻叫BenBen嘅喵星人本來好快就要被安樂死,佢之前估計被大型動物襲擊過,脊椎、耳仔甚至步行都有問題,加上本身面部皮膚比較鬆弛,所以睇落好似呀愁咁。可能知道自己好快會被安樂死,BenBen開始唔食唔飲唔郁,就喺佢被安樂死前,附近嘅獸醫診所有個好有愛心嘅女護士決定收養佢,BenBen好似知道自己終於有個舒適嘅屋企,返到新屋唔夠一個鐘已經不停咕嚕咕嚕,仲由原本嘅愁爆樣,變成開心笑晒嘅幸福樣。所以話人類嘅一個小決定,會影響一隻動物嘅一生,有能力嘅就幫吓佢哋,領養吓呢班可愛嘅小動物啦。

Read more ›
【成功上樓】喵星人硬闖電視台直播 男主播淡定回應網民大讚
by / on 21/10/2016 at 7:13 am

【成功上樓】喵星人硬闖電視台直播 男主播淡定回應網民大讚

為咗上樓可以去到幾盡?之前我哋都見唔少喵星人爭取上樓嘅絕技,今次土耳其呢隻仲勁,直踩上電視新聞直播,最後當然成功被收養。當日男主播Kudret Çelebioğlu報報吓天氣,突然出現咗呢隻不速之客,首先喺枱邊裝裝吓,之後一嘢跳上枱,仲施施然喺枱中間橫過,然後坐咗喺部電腦嘅keyboard上面。而男主播唔單止無俾佢嚇窒,反而語調一轉,呼籲電視機前嘅觀眾要善待流浪貓,如果遇到應該要開門俾佢哋同俾少少食物、水呢啲小動物。「專業」表現被網民大讚。最後電視台其中一個職員決定收養,仲幫隻喵改咗名叫Hüsnü,即係Beauty即係靚啦。恭喜恭喜!

Read more ›

【新片速報】喵星人逃出鬼門關     成功上樓感恩狂擦擦
by / on 01/09/2016 at 7:13 am

【新片速報】喵星人逃出鬼門關 成功上樓感恩狂擦擦

成功上樓嘅事件睇幾多次都唔會厭,最近又有位外國喵星人Henry成功搵到主人,今次佢喺鬼門關被救出,喺動物收容所嘅佢仲有幾個鐘就要被人道毁滅,好彩Cat Rescue Newcastle嘅貓義工Adelle去咗救佢,仲幫佢搵到個新主人。當Adelle救出喵喵Henry放上自己架車後,Henry似乎知道佢係救命恩人,不停用個頭擦佢表達感恩之情。所以大家有機會養動物,都記住要選擇領養,俾呢班小動物一個生存機會。

Read more ›
【成功上樓】汪星人被遺棄馬路中心   用垃圾袋裝住勁無良
by / on 31/08/2016 at 7:13 am

【成功上樓】汪星人被遺棄馬路中心 用垃圾袋裝住勁無良

又有汪星人成功上樓,不過今次件事好辛酸,仲令人好嬲。話說外國女士Malissa Sergent Lewis有日揸揸吓車見到路中心有袋黑色嘢,仲見入面好似有嘢郁郁吓,於是佢停低架車打開嚟睇,發現入面竟然有隻狗仔!最後佢帶咗隻狗狗返屋企收養,而家狗狗好開心咁同佢一齊生活。不過有人遺棄狗狗,仲居然用垃圾袋裝住,然後放喺路中心,實在極之不負責任,呢啲人一定會有報應!

Read more ›
【成功上樓後記】被領養中國馬拉松狗狗     突然失踪嚇壞主人
by / on 28/08/2016 at 12:26 pm

【成功上樓後記】被領養中國馬拉松狗狗 突然失踪嚇壞主人

仲記唔記得呢隻成功上樓嘅中國汪星人Gobi?佢突破蒙古戈壁沙漠馬拉松防線,跑足77英里,最後成功感動蘇格蘭跑手Dion Leonard帶佢返屋企。不過由於中國批文需時,Dion就喺家鄉等呀等。點知最近竟然收到通知,話狗狗Gobi走失咗!佢即時飛返中國尋狗,經過連日嚟嘅努力, 好彩最後皇天不負有心人,成功搵返Gobi,狗狗一見到佢仲即時開心到撲向佢,好感人。而家佢決定留喺中國直接等到批文完成,網民都大讚佢係一個好有心嘅領養者,呢啲就係緣份嘞,恭喜Gobi搵到個好主人。

Read more ›
【成功上樓】汪星人死守酒店門口 耐力感動新主人成功被收養
by / on 10/08/2016 at 7:13 am

【成功上樓】汪星人死守酒店門口 耐力感動新主人成功被收養

又有動物成功上樓!今次呢隻汪星人Rubio用嘅係無比嘅耐性。6個月前,德國空姐Olivia Sievers出差去阿根廷首都,喺酒店附近佢發現有隻流浪狗狗,一向有養狗嘅佢買咗啲食物比狗狗,自此隻狗就愛上咗佢,每日喺酒店門口等佢、跟住佢。之後每次佢出差去阿根廷,都會喺酒店門口見到呢隻狗狗,然後照舊跟住佢出出入入,就算佢幫狗狗搵咗間新屋,但狗狗都係要返去搵佢。最後佢決定收養呢隻狗狗嘞,而家仲帶咗佢返德國居住。所以話,成功上樓真係要靠自己努力爭取架。

Read more ›