Post Tagged with: "成功"

【新片速報】日本4個月大天才級曳貓 成功開門鎖Twitter熱傳
by / on 11/02/2020 at 7:12 am

【新片速報】日本4個月大天才級曳貓 成功開門鎖Twitter熱傳

貓仔好貪玩,呢隻仲好聰明添!日本有貓奴偷拍到屋企隻4個月大嘅貓仔嘅惡行,好想開門出去玩嘅佢,跳吓跳吓,最後竟然俾佢成功開到門鎖!之後另一隻貓仔見事成仲走出嚟分享成果,好醒目。入嚟有片睇。

Read more ›

【新片速報】日本男子助跑跳月台路軌 差少少成功睇見都痛
by / on 19/01/2020 at 7:13 am

【新片速報】日本男子助跑跳月台路軌 差少少成功睇見都痛

唔少人都可能幻想過跳過月台間嘅路軌,呢位住喺奈良嘅日本男子就藝高人膽大親身挑戰吓!睇佢助晒跑似乎好有信心,可惜臨門跣腳差少少,睇片都覺得好痛!入嚟有片睇。

Read more ›
日本「勇武」喵星人重獲自由    堅持到底成功逃脫
by / on 19/08/2019 at 7:07 am

日本「勇武」喵星人重獲自由 堅持到底成功逃脫

喵星人逃走嘅能力真係好強,最近喺日本Twitter睇到呢段片,幾隻喵被困喺籠入面,其中一隻喵好勇武好想要自由,不停用手用頭試圖衝擊度門,無論表情同動作都睇得出佢好堅持,最後佢終於成功咗,不過唔係撞開度門,而係成功喺好窄嘅隙縫度擠咗出嚟,be water!入嚟有片睇,留意後面隻花生友個表情都好正。

Read more ›
日本「藪貓」脫出成功連環圖 趣怪表情Twitter熱傳
by / on 06/07/2019 at 7:49 am

日本「藪貓」脫出成功連環圖 趣怪表情Twitter熱傳

多摩動物公園嘅「藪貓」好多fans,之前報導過1月份有隻小藪貓出咗世,天然呆超可愛,入嚟有回帶。無見一排,動物園嘅藪貓似乎生活得好開心,有網民就影到有兩隻藪貓喺度玩追逐,其中一隻被迫到埋樹幹位,最終成功逃脫,仲做咗好趣怪嘅表情,超可愛!

Read more ›
【有片】有一種肥叫幸福肥    日本藝人「菊地亞美」成功減20磅
by / on 17/03/2019 at 12:31 pm

【有片】有一種肥叫幸福肥 日本藝人「菊地亞美」成功減20磅

以前香港都經常有纖體公司搵藝人做代言,示範減肥前減肥後,近期日本呢間公司「Rizap」喺當地好紅,主攻營養飲食加運動,仲搵咗28歲結婚無耐嘅「菊地亞美」做代言。菊地亞地係日本女團Idoling!前成員,上年2月結婚之後變咗幸福肥師,急升到60.2kg,經過4個月時間,而家成功減到49.7kg,入嚟有片睇,btw,減肥前個樣駛唔駛頹成咁?不過佢玩肚腩嗰段片係幾放得開嘅。

Read more ›
日本網民分享     DIY冷風裝置喵星人成功佔領
by / on 11/08/2018 at 11:33 am

日本網民分享     DIY冷風裝置喵星人成功佔領

天氣超熱,有日本網民分享呢個天才級嘅DIY裝置。想將廳嘅冷氣帶入房,就將幾個透明袋連埋一齊,接駁成一條管將啲冷風輸送入房,點知‥‥‥唔怪得之完全唔涼啦,好熱咩你,喵?估計下一步應該係會撕爛佢‥‥‥

Read more ›

【有片】33磅超級肥貓    成功被收養積極減肥
by / on 26/07/2018 at 7:04 am

【有片】33磅超級肥貓 成功被收養積極減肥

呢隻外國肥貓Bronson重33磅,嚇親好多人類。只得3歲嘅佢最近俾人收養,主人仲決心幫佢減肥。佢嘅前主人過咗身,估計係老人家,俾咗好多人類嘅食物佢,所以令佢肥成咁。而家佢每日都會被控制食量,目標係一個月減一磅,另外主人會同佢玩玩具同埋做運動,仲幫佢開咗個IG帳戶,將佢嘅減肥過程放上網分享。暫時3個月已經成功減咗1.6磅,似乎仲需要繼續努力喎!

Read more ›
【新片速報】航拍機差少少跌落水    機主喪游成功救回
by / on 13/06/2018 at 7:16 am

【新片速報】航拍機差少少跌落水 機主喪游成功救回

航拍機價錢好貴,所以外國呢位男人嘅行為完全可以理解嘅。話說部機喺湖上高空拍攝緊,點知突然墜機,機主即刻極速跑過岸邊,再跳落去喪游,最後成功救返部機!過程俾部航拍機紀錄晒,睇落好驚險,真係只差一點點,全靠佢無放棄咋!

Read more ›
【有片】日本劍生產過程    燒紅一刻放入水Twitter熱傳
by / on 27/05/2018 at 2:05 pm

【有片】日本劍生產過程 燒紅一刻放入水Twitter熱傳

世界各地仲有生產劍嘅地方唔多,日本係其中一個。呢段片睇到劍嘅生產過程,燒到赤紅好似嚿炭咁,之後一嘢放入水缸入面,「渣」一聲,把劍就出嚟嘞,好好睇,入嚟有回帶。

Read more ›
成功混入畢業禮       外國肥仔扮畢業生行禮
by / on 26/05/2018 at 1:27 pm

成功混入畢業禮 外國肥仔扮畢業生行禮

邊個話要讀完大學先可以行畢業禮?外國呢位肥仔Jaron Myers就成功混入畢業禮扮畢業生!佢用38蚊美金買咗件畢業袍同頂畢業帽,仲用Photoshop整咗張學生證,之後就殺入畢業典禮,仲成功上埋台、拎埋證書、握埋手同影埋相!其實佢4年前已經輟學,今次純粹貪玩,網民嘅反應就好兩極化,有人讚佢係天才,有人話佢唔尊重其他畢業嘅人,不過佢本人就留言反擊,話唔係大學畢業唔等於個人唔勤力或者唔會貢獻社會,入嚟有回帶。

Read more ›
日本「貓島」太多貓要絕育   今年成功申請基金
by / on 24/02/2018 at 12:45 pm

日本「貓島」太多貓要絕育 今年成功申請基金

日本愛媛縣嘅青島有貓島之稱,近年成為貓奴遊客嘅熱門旅行地點,不過由於太多貓,所以都造成好多問題,最近有日本媒體就報道,當地有超過130隻貓,但係只得13個年齡超過75歲嘅居民,而家照顧呢班流浪貓主要靠當地一個貓團組織,不過佢哋都有啲不勝負荷,好似2016年就呼籲大家捐助貓食物,到上年7月,佢哋呼籲要籌錢幫呢班貓做全面絕育手術,最近終於有好消息,就係嚟緊一年可以請一啲獸醫入去幫忙做手術,不過大家都發現當地無乜遊客設拖,甚至連一部自動販賣機都無,所以建議當地嘅貓組織可以做一啲遊客嘅生意,而各位貓奴去睇貓時又可以出一份力嘞!

Read more ›

【成功上樓】流浪狗狗慘變皮包骨 獲救後成功被領養
by / on 22/02/2018 at 7:39 am

【成功上樓】流浪狗狗慘變皮包骨 獲救後成功被領養

好開心又有一隻狗狗成功上樓!呢隻叫Frodo嘅狗狗身世好坎坷,之前喺克羅埃西亞做流浪狗,俾人發現時唔止瘦到皮包骨,仲有一隻眼因為受細菌感染而盲咗,全身都係蜱蟲、跳蚤。好彩有人救咗佢然後送去動物醫院,經過悉心照顧,最後佢變返靚仔,仲搵到新家庭收養佢,而家超幸福。大家睇完如果想養狗,都記住選擇領養,等多啲動物可以成功上樓啦。

Read more ›
日本藝人iPhone X試男扮女裝 Face ID成功辨識
by / on 28/11/2017 at 7:38 am

日本藝人iPhone X試男扮女裝 Face ID成功辨識

呢位成日男扮女裝嘅日本男藝人「ブルボンヌ」最近又諗到新嘢試,就係iPhone X嘅Face ID嘞!變裝前男兒身嘅佢做咗面部辨識,之後變身女人,畫晒粗眼線貼晒假眼睫毛,仲揸埋脣膏化晒妝,呀媽都未必認到佢,不過iPhone X就成功認到嘞!有網民分析,話因為Face ID認嘅係眼同眼之間嘅距離、鼻嘅形狀、眼鼻口之間嘅位置等等,由於呢啲都無改動過,所以係可以成功認出嘅!諗深一層都好合理,如果唔係好多化妝化妝後嘅靚仔靚女,易容技巧勁過男扮女裝,應該長期解唔到鎖。

Read more ›
【有片】喵星人被困車廂隱閉位置     維修中心成功救出
by / on 21/07/2017 at 7:41 am

【有片】喵星人被困車廂隱閉位置 維修中心成功救出

呢隻喵星人好曳,仲好識嘆,匿咗喺架Tesla嘅新電動車Model X入面,好彩最終被發現救出。事發地點喺美國,有車主發現自己架車不時傳出貓叫聲,但搵勻全車都無發現,最後送返去維修中心,最終職員喺後泵把位置發現到一隻好細隻嘅喵星人,被困14小時嘅喵星人一出嚟即刻狂飲水,最終有份救佢嘅其中一位職員仲決定收養佢,成功上樓!

Read more ›
【超似樣】日本流浪喵成功上樓     同狗狗一見如故
by / on 27/06/2017 at 11:05 am

【超似樣】日本流浪喵成功上樓 同狗狗一見如故

呢對好似樣嘅小貓同大狗最近喺日本Twitter好紅,主人收養咗隻流浪貓,估唔到一返到屋企初見面貓同狗已經friend咗,唔通因為啲毛色相似,佢哋誤認咗大家係親人?張相喺Twitter好多人分享,樓主之後仲分享多啲生活照,原來喵星人經常會瞓喺狗狗身上面,而且瞓咗上去之後好似有保護色一樣睇佢唔到,好安全。主人仲幫隻小貓改咗個名叫「雷蔵」,有氣勢!

Read more ›