Post Tagged with: "戇男"

Eric Ng又送年糕畀老人家 畫手繪畫盒面抵讚
by / on 11/01/2018 at 8:15 pm

Eric Ng又送年糕畀老人家 畫手繪畫盒面抵讚

真心的,又要表揚Eric Ng兄嘞,一如往年,佢今年繼續製作年糕送畀老人家,咁當然都一如往年,會搵一眾畫手繪畫年糕盒面貼紙喇。暫時已見Noel Mak、Pariz Wong、曹志豪、茹定國、袁家寶同戇男交咗稿,相信之後會陸續有來。呢亭一等一好人好事,唔畀掌聲唔得,Eric Ng兄睇唔到咋,我真係好用力地對住個Mon拍咗幾下手掌,鼓勵鼓勵。

Read more ›

戇男《黑膠人》角色最後設定!完成九成!
by / on 25/09/2017 at 9:42 pm

戇男《黑膠人》角色最後設定!完成九成!

都係嗰句,真係無乜嘢架,不過我份人就比較心急,但見戇男講咗咁耐都未推出《黑膠人》,又適逢佢喺面書掟咗個設定出嚟,兼留言曰:「距離最後設定……這個該有九成了。」所以咪報吓料囉。嗯,九成咯喎,雖則只不過係設定,但我都好開心,至少,知道戇男尚在努力中,我諗,好多讀者都會表示心感安慰。寫咁多,都係想問實一句:「戇男呀戇男,幾時有《黑膠人》睇呀?」

Read more ›
Edward Yu的泥塑《黑膠人》 快過戇男原版出場
by / on 22/09/2017 at 3:00 pm

Edward Yu的泥塑《黑膠人》 快過戇男原版出場

之前製作過《山海逆戰》狸力同虎蛟嘅Edward Yu兄又有新作嘞,今次係……燈燈凳凳……黑膠俠是也!我都要寫個服字畀Edward Yu,居然仲快過原版戇男《黑膠人》面世,搞到戇男都喺面書話:「我得過噏字,人家做黑膠人都快過我!」而Edward Yu本尊都好好人,由零到有骨架每個Step都影張相畀大家睇,姿體動作好型,連頭雕都有埋,係面相未有定案,不過佢好謙咁喺面書話:「可能會跟On Nam大的設計有些分別,我想做隻暴走版的,希望能力所及。」As a conclusion,畀掌聲Edward Yu之同時,我替各大中小讀者向戇男大聲疾呼:「《黑膠人》幾時面世呀?唔好偷懶喎!」

Read more ›
戇男《黑膠人》造型合集 究竟幾時出
by / on 22/08/2017 at 9:45 am

戇男《黑膠人》造型合集 究竟幾時出

無乜嘢架,真係無乜嘢架,只不過想講自2月2日戇男出Post:「昨晚發夢度到少少橋……這套稿就叫《黑膠人》啦。」到4月9日又出Post:「間唔中都要喺哩度推一下……《黑膠人》進度理想,1%完成!」再到8月15日出Post:「我就算亂嚟也不會放棄的!黑膠人……繼續……亂……嚟……」阿《黑膠人》;都仲未面世之嘛,不過總算有一系列造型畀大家睇睇,阿Plastic-Man究竟何時面世呢?問吓架咋,真係無乜特別架咋。係咁意想催促吓戇男咁囉,實情係想同佢打打氣,快啲啦唔該,好心急呀喂,努力!加油!

Read more ›
書展必搶《七十二行》實體書
by / on 09/07/2017 at 1:00 pm

書展必搶《七十二行》實體書

今年書展,有一本書我係必買嘅,就係Eric Ng、Pen So同曹志豪擔頭嘅《七十二行》,唔使多介紹,淨係掟一咋參與畫手個大名出嚟,我諗都好難唔買。負責插圖嘅畫手有009、Alan Wan、Cha Cha Chan、Cody Chow、Cuson、Man Tsang、Noel Mok、Pariz Wong、Pen So、Peter Ng、Tony Yim、Yeung Siu、甘小文、白水、米奇、亞傑多、夏偉義、袁家寶、張君豪、曹志豪、梁光明、梁偉安、梁偉家、梁瑋豪、畢亦樂、陳科琳、葉明發、塵阿力、鄧達軒、蕭世順、戇男,主題當然係香港老行業,仲有文字介紹作補完,估計應該好襟睇吓。家陣封面曝光,型到一個點,唔買係你損失,我話嘅。

Read more ›
網圖分享:Eric Ng的面書版「七十二大圖集」
by / on 29/06/2017 at 12:00 pm

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業?

Read more ›

復刻《迷離世界》重開「讀者天地」 獎品人人有份永不落空
by / on 06/06/2017 at 9:15 pm

復刻《迷離世界》重開「讀者天地」 獎品人人有份永不落空

好,多啲互動一定係好事,上官小威復刻《迷你世界》,仲推出埋「讀者天地」,大家自問手畫唔曳嘅,可以畫一幅黑白畫,尺寸限A4以內,交畀上官小威、上官小寶同戇男過目。邊個贏,即送有齊三大評審親筆簽名嘅《迷離世界》復刻版一本;就算落選都有安慰獎,所有參加者都會獲贈海報或印畫一張,截止日期6月10日。唔使急,最緊要快,大家快啲畫畫畫畫畫喇。

Read more ›
網圖分享:港漫人贈畫 鼓勵雷特氏症小朋友(二)
by / on 13/03/2017 at 2:24 pm

網圖分享:港漫人贈畫 鼓勵雷特氏症小朋友(二)

一呼百應!之前介紹過嘅「愛不罕見-Love is all around」面書專頁,大家Like咗未?為令患雷特氏症嘅小朋友重現歡顏,港漫人紛紛贈畫鼓勵,如此有愛心嘅善舉,家陣越來越多人參與。都係嗰句,睇完靚畫,唔該畀番個Like,真心Mode,希望小朋友們早日康復。

Read more ›
戇男筆記100港漫人 暫時只畫到16人
by / on 15/02/2017 at 1:41 pm

戇男筆記100港漫人 暫時只畫到16人

戇男開面書專頁「戇男筆記」,話過要畫港漫100人,講咗好耐,依家嘅成績係──16人,我無認真數,係佢自己話架咋。Fine,我哋要畀多啲鼓勵佢,依家就當個小總結,16人就睇住16幅畫作先喇,嗱,戇男,剩番嗰84人,唔好走數呀。努力,加油。

Read more ›
《P72七十二行》展覽上網有得睇 18張畫作晒冷
by / on 19/01/2017 at 12:00 pm

《P72七十二行》展覽上網有得睇 18張畫作晒冷

時間不等人,錯過咗就係錯過咗,抽唔到時間睇之前嘅《P72七十二行》畫展,我至今都心有戚戚然。好彩,有關方面喺面書一次過登番晒18幅畫出嚟,兼有埋作者簡介,等大家可以加深認識18位作者同展覽主題,隔住個Mon睇畫當然無咁震撼,但總好過無。加油呀,期待Project 72第二次Event快快出現。

Read more ›
網圖分享:港漫人2017新年賀圖
by / on 01/01/2017 at 2:10 pm

網圖分享:港漫人2017新年賀圖

  睇港漫人新年賀圖啦喂!2016年有何不快不安不忿不足不甘心不情不願,唔該統統抹晒佢,踏入新一年,大家醒神呀。展望2017年,大家機繼續打劇繼續煲公仔書繼續開開心心睇,本網站祝大家新年進步,身體健康。

Read more ›

撐《Project 72》畫展 港漫人的老香港情懷
by / on 30/11/2016 at 9:30 am

撐《Project 72》畫展 港漫人的老香港情懷

Good到無得再Good呀,可以聚集到咁多位港漫人,係絕對值得支持嘅香港畫壇盛事,講緊嘅係《Project 72》畫展,排名不分先後,有包括Cody Chow、Noel Mok、Pen So、Tony Yim、WaiMan Tsang、Wai On、白水、米奇、阿傑多、袁家寶、梁光明、梁偉家、梁瑋豪、畢亦樂、曹志豪、戇男、張君豪等人參與。畫作以七十二行為主題,盡顯老香港一面,好多位港漫人都率先各自喺面書登出畫作,好讓心急嘅你同我先睹為快。齋睇相都覺得靚到啪啪聲,唔到饒宗頤文化館睇真跡,絕對係你損失,我話嘅。

Read more ›
網圖分享:漫畫版《武道狂之詩》五周年 葉偉青收賀圖面書洗版
by / on 19/04/2016 at 9:00 am

網圖分享:漫畫版《武道狂之詩》五周年 葉偉青收賀圖面書洗版

過去呢幾日,我估葉偉青應該好唔得閒,因為佢面書俾人狂洗版,好多港漫人都贈圖賀佢本漫畫版《武道狂之詩》五週年,連忙到死嘅邱福龍都畀面撩兩筆,可想而知葉偉青幾好人緣,嗯……應該咁講,幾有江湖地位!亦反映到港漫界其實好團結,一呼,真係有百應!葉偉青應該覆帖都覆到手軟!以下二十幅賀圖,排名不分先後,大家慢慢欣賞喇──

Read more ›
網圖分享:送羊迎猴 港漫人出新年賀圖
by / on 12/02/2016 at 6:21 pm

網圖分享:送羊迎猴 港漫人出新年賀圖

開心嘅時間過得特別快,但仲未係時候講Bye Bye,有心拜年唔怕遲,今Day雖然係年初五,但話晒仲係新正頭,吉利說話唔怕繼續講,港漫人的新年賀圖亦唔怕睇多次,今日論到何志文、邱福龍、戇男、王澤、上官小強、丹青、李志清、Coin同Uneko Hey Mak同大家拜年。本網站順祝各位新春大吉、心想事成、橫財就手,恭喜恭喜。

Read more ›
網圖分享:江湖地位誰可代替 漫畫家出圖賀上官小寶70大壽
by / on 17/12/2015 at 10:15 pm

網圖分享:江湖地位誰可代替 漫畫家出圖賀上官小寶70大壽

港漫老前輩上官小寶70大壽,科林、鄭健和、鄧本邦、戇男、黑鬼德、何志文、邱福龍、William Lai、關榮遇、黃興豬同榕叔等港漫人齊齊作畫慶賀,連最唔得閒……唔,或者應該話,連最無寶不落嘅馬榮成都作畫一幅,以表敬意。望過啲畫,唔係求其撩兩筆交行貨架,睇得出畀過心機,呢啲江湖地位,誰可代替囉。本網站順祝上官小寶身體健康、生活愉快,日日笑歡顏呀。

Read more ›