fbpx

Tag: 戇男

戇男《血霸王》正式封面有辦你睇 動漫節加推特別版

戇男《血霸王》正式封面有辦你睇 動漫節加推特別版

喂呀,《戇男漫畫》2021年特別篇《血霸王》有正式封面睇嘞,好正好吸睛,你無理由唔買啩?7月25日正式見街,大家記住呢個日子喇,每本$25。另外,除一般書報攤可見嘅普通版外,7月23日動漫節仲有會場限定特別版,燙雷射封面附送A4膠Folder,限量200本,每本$38,最好就梗係兩個版本都買晒喇。

Read more ›

Fai Cheng x Kaiju One x 戇男 動漫節出血霸王搪膠公仔

Fai Cheng x Kaiju One x 戇男 動漫節出血霸王搪膠公仔

唔講大話,我係無睇過戇男《暴風少年》的,唔係無興趣睇,而係中學時代邊有咁多零用錢買咁多本公仔書吖?睇面書「鄺氏漫畫」Post,字裡行間好似透露緊今年動漫節會推出番合訂本,苟如是,必買!同時,Fai Cheng亦會聯乘Kaiju One、戇男合作推出書中角色血霸王搪膠公仔,戇男亦有作畫宣傳,成壇嘢煲番起佢,係好事。

Read more ›
使唔使咁快手 戇男籌備2022年《哥與妹》日曆ing

使唔使咁快手 戇男籌備2022年《哥與妹》日曆ing

戇男每次開Post都好有驚喜,家陣只不過2021年4月,佢已經開Post話籌備緊2022年《哥與妹》月曆,仲率先披露一幅八月配圖,而畫面仲好詭異吓添,「哥哥仔,好心幫我搵番啲手手腳腳啦……」呢句對白究竟想表達乜主題呢?非常期待。呢個月曆勁呀喂,特別版會附送五斤金剛上人嘅虎年星座運程,咁普通版呢?戇男話:「根本就無正常版。」睇到呢度,我笑咗。

Read more ›
戇男移動地攤搞抽獎 複印畫一套7張$300

戇男移動地攤搞抽獎 複印畫一套7張$300

戇男聽日擺「戇男移動地攤」呀,大家記得去捧場。除咗有售《戇男筆記2》外,同場加映精美複印畫,一套7張,A3 size,有親筆簽名,每套$300,限量50套。另,大時大節梗係玩吓抽獎遊戲先過癮,屆時戇男會每粒鐘抽一次獎,獎品就係相片裡面嘅複印畫嘞,連埋相框一併送,係咪開心先?

Read more ›
男人的浪漫 讀者製紀念卡送畀戇男

男人的浪漫 讀者製紀念卡送畀戇男

放喺眼前嘅,係一份漫畫家與讀者的真摰情誼。話說有讀者Koma君,為賀《戇男筆記2》見街,精選戇男之前喺面書發佈過嘅18幅網圖,製作成紀念卡送番畀戇男。戇男當然開心,開心到約埋Koma食番餐茶仔飲番杯奶茶,席間天南地北傾港漫,合照兼攞埋親筆畫就更加係指定動作。成件事係幾麻甩吓,但從中我睇到,我真係睇到,睇到何謂傳說中的男人的浪漫。

Read more ›
戇男《戇男筆記2》正式見街 齋書$100/盒裝$300

戇男《戇男筆記2》正式見街 齋書$100/盒裝$300

好嘞,《戇男筆記2》終於有詳細資料,大家諗吓買邊個Version喇。A,齋書《戇男筆記2》,128頁,係一本字多過畫嘅書,內容係關於一個撚樣24歲前喺漫畫行業嘅生活點滴,售$100;B,盒裝,包《戇男筆記1》同《戇男筆記2》、專印高質紙袋、撕拉包裝盒、64頁白紙簿、鉛筆、《戇男故事》主角彩卡4張,售$300。另,就住今次出書,我諗連戇男本尊都估唔到會收到呢兩份禮物,一,漫畫店老闆反送番佢完整一套1至94期薄裝《戇男故事》;二,特製獨一無二ONNAM手錶一大隻。我強烈Feel到,呢啲係愛,愛戴個愛,係大愛,除咗愛,我睇唔到第二個送禮原因,係好好好好窩心嘅。

Read more ›

《戇男筆記2》搞地攤日Sell書 聖誕節搵戇男吹水

《戇男筆記2》搞地攤日Sell書 聖誕節搵戇男吹水

哈哈,笑了,戇男出書心聲:「繁榮鬧市的燈火闌珊,創業路上的一抹淒涼……」有幾淒涼?淒涼到要擺地攤囉。以上當然純屬搞笑,不過搞地攤就珍珠都無咁真,而所謂地攤者,係借到朋友Steven Chui嘅上樓工作坊作營銷《戇男筆記2》之用,即係話有個靚靚打躉位,方便大家上去買書兼同戇男吹吓水影吓相,Remind番,地攤日日期係12月25日,佢仲為宣傳整咗個搶眼易拉架㖭。入番正題,戇男話新書「盡可星期一發書」,漫畫書屋有售,等唔切聖誕節就早買早享受喇。在此,祝戇男新書一紙風行,恭喜恭喜。

Read more ›
網圖分享:戇男版張建禾

網圖分享:戇男版張建禾

畫完兩幅疑似張建禾圖,戇男咁話:「安全啲,睇埋第四期先好辭工。」我哋係讀者,唔使辭工,只需實際課金買書支持。咁記得聽戇男話,買埋《野狼與瑪莉2》最終回呀。我睇咗,大團圓結局,好好笑的。

Read more ›
網圖分享:戇男的奈良美智風王小虎

網圖分享:戇男的奈良美智風王小虎

哈哈,見到戇男呢幅搞笑作品,再睇埋佢嘅留言:「我成日發埋啲一幅畫賣幾千萬嘅夢……」我即刻唧一聲對住個Mon笑咗出嚟。Wow,百分百奈良美智Feel呀喂,畫緊邊個呀?之唔係龍虎三皇之一嘅王小虎囉;Tribute呀喂,Tribute啲乜呀?王小虎最令人印象深刻係乜呀,「I killed a little bird」呀,梗係初出場時係威係勢用虎鶴雙形拳第92式「鐵掃把腳」踢鷹喇。哈哈哈哈哈,好正,笑死我了。

Read more ›
網圖分享:戇男的《小仆街》+王風雷

網圖分享:戇男的《小仆街》+王風雷

戇男是個很勤力的漫畫家,喺面書出圖好密。呢期港漫界熱話非黃玉郎復刻《小流氓》不果莫屬,佢都玩嘢地出番幅《小仆街》封面圖贈吓興,構圖當然係龍虎三皇喇,寫明「正牌戇男作」,「每頁六毫封面另計」,仲話「如果賣到一千書,我可以計到數做!」哈哈哈,雖然明知吹水,但我真心笑咗。另一個港漫界焦點,當然係即將推出嘅《新著王風雷》,戇男都有出賀圖呀,簡簡單單大頭王風雷一幅,好靚!

Read more ›
一次過睇晒 戇男7個靚到犯規封面

一次過睇晒 戇男7個靚到犯規封面

雖然只係圍喂威式7日Art Challenge,但戇男玩到極認真,睇得出花過好多心機,畫夠7個漫畫封面同讀者分享。7個封面分別係《飛車小流氓》、《鬼書皇》、《戇男漫畫》、《地獄王》、《戇男故事》、《江湖大佬》同《情與義》。睇清楚,尤其《江湖大佬》封面裡面嘅劉華,面相畫得幾有神髓?構圖幾有八九十年代江湖漫畫味?絕無揸流灘架,抵讚。

Read more ›

戇男玩嘢式封面 第2336期《鬼書皇》面世

戇男玩嘢式封面 第2336期《鬼書皇》面世

不過係圍內鬧哄哄得啖笑式藝術挑戰,接龍再接龍,規定下家要連續7日Post作品,戇男卻玩得異常認真And高質。佢剛釋出一個2020年版《鬼書皇》封面,期數係2336期,書名叫〈吃了飯沒?〉,售價每本$200,仲一人身兼主編、繪畫、老作、白撞、督印同封面美術多職,好搞笑也。構圖如此重港漫味,撞色又如此吸睛,初頭真係俾佢Fake一Fake。戇男,你係得嘅。

Read more ›
戇男獻新年賀圖 歡迎列印貼財位

戇男獻新年賀圖 歡迎列印貼財位

很窩心,很有愛,這是一個大叔的愛。戇男畫咗幅新年賀圖掟上網公諸同好,鍾意嘅可以自己Colour print出嚟當揮春貼喺財位,並祝願大家鼠年好運賺多兩個錢。賀圖上面有七個字:「有良知嘅發大財!」良知呀,做人最緊完有良知呀,抗爭未完,希望大家聽戇男話:「發財請多幫助有需要嘅年青人!福心自有福報!邪惡必遭天收!」講得好,Very good!

Read more ›
堅料!《戇男+漫畫故事》不日登場!

堅料!《戇男+漫畫故事》不日登場!

Wow,絕對堅料呀喂,戇男出Post話肯肯定會推出《戇男+漫畫故事》,兼釋出一封畫咗自己同十五少個樣嘅疑似封面圖,以隔住個Mon都Feel到嘅雄心壯志宣佈:「唔好以為流料,開始合縱連橫!三十年刊有~溫永聰、吳文輝、李重豪、牛輝……好樣的,隨時厚過阿基拉!」Wow,厚過《阿基拉》添,非常拭目以待。收到呢個消息,相信好多港漫迷同我一樣都咁開心興奮,我哋一於畀啲掌聲以示支持啦喂,啪啪啪啪啪……

Read more ›
戇男網店開張 Tee+Cap帽+滑板瓣瓣有

戇男網店開張 Tee+Cap帽+滑板瓣瓣有

等得久矣,戇男網店「Onnam Club」終於開張,暫時推出嘅Product唔算多。望勻啲相,感覺Tee同Cap帽都幾靚仔實用吓,最頂癮係連滑板都有,算幾新穎。遲啲仲會推出會員證頸鏈、牛仔褲等等,戇男Fans記得實際課金支持吓。另,網頁相片值得一讚,明顯落過心機影,唔係求求其其攤吓檯面爆兩下閃光燈交行貨,有埋Model同Styling。話時話,我覺得個女仔Model仲幾靚女添。

Read more ›