Tag: 戇男

唔講咁多!$1000撐戇男!

唔講咁多!$1000撐戇男!

留意番,「石子地攤」完結,戇男係仲有嘢賣的。唔講咁多,一套過,簡單易明:B5手繪畫板、《戇男故事結局》、34週年紀念磚、黃狗Folder、貼紙式證書,加埋全部盛惠$1000。買一份情懷,幫戇男完夢,有興趣者請PM佢本尊預訂,2023年交貨。

Read more ›

戇男送親筆畫 鄧達軒送雙星Postcard+印畫

戇男送親筆畫 鄧達軒送雙星Postcard+印畫

Be happy,just regard「石子地攤」as一個有新書買有展覽睇有精品揀有機會同主筆們聚一聚兼仲要有獎抽嘅開心Party就可以了!戇男送嘅抽獎禮品,有呢幅親筆畫,有幾靚唔該自己睇相。And,更Happy嘅係,鄧達軒都趁熱鬧,剛剛印咗一批戇男加十五少雙星印畫同Postcard畀大家,零條件入場即送。如果到場Show埋《虎甲人》創刊號或最新一期《新著龍虎門》,再送多幅A3雙星合拼版印畫一張。成件事係咪好開心先?

Read more ›
唔係講笑 戇男「石子地攤」送「白紙」筆記簿

唔係講笑 戇男「石子地攤」送「白紙」筆記簿

厲害了!請問邊位師兄咁叻話過「出白紙都支持」戇男?多謝呢位師兄,就住呢句說話,戇男真係印咗100本封面靚靚嘅「戇男故事補完計劃」筆記簿,並拎其中50本出嚟放喺「石子地攤」做抽獎贈品。喂,呢本「白紙」,我想要喎。

Read more ›
得個睇字 戇男印轟隆虎Tee送畀朋友

得個睇字 戇男印轟隆虎Tee送畀朋友

呢件轟隆虎Tee,大家很想要吧。But,很Sorry,戇男話只係印咗七件送畀朋友,即係話得個睇字。而喺呢七個朋友裡面,都幾肯肯定有十五少份,因為佢喺面書有以下留言:「我試着咗,如果無大肚腩嘅話,應該都幾有型!」無得入手,睇吓都得啩,強烈要求十五少著上身影張相掟上網公諸同好。嗯,影相嗰陣記得挺胸縮肚呀。

Read more ›
撐戇男+十五少 轟隆虎掛飾鐵板畫$150

撐戇男+十五少 轟隆虎掛飾鐵板畫$150

啱嘅,無錢賺,真係搵鬼做咩!好欣賞戇男嘅說話直接:「我哋要掙點收入先可以大膽去做漫畫發展,好坦白,無經濟寸步難行啊!」咁如果你都想「石子地攤」有得keep住Run落去的話,咁就唔該畀啲實際行動,幫襯買番塊轟隆虎Jerjer Tiger掛飾鐵畫板喇。十五少作品,售$150,望相幾靚仔,放入飾櫃唔失禮,啫啫軚㗎。

Read more ›
戇男+十五少+吳文輝+Rocky 《不定價──漫畫製作流水班》接受報名

戇男+十五少+吳文輝+Rocky 《不定價──漫畫製作流水班》接受報名

舉埋腳支持!因為成件事真心型,科幾多水隨心,講明不定價,就可以成為戇男、十五少、吳文輝同Rocky掛名弟子,係咪好吸引呢?《不定價──漫畫製作流水班》依家正式接受網上報名,由8月7日起連續四個禮拜日授課。上齊四堂,戇男會送多個流水同學會金屬襟章,聊表心意,以茲紀念。有時間的話,不妨捧吓場吖,港漫人同讀者多啲真實交流,先可以炒番熱港漫吖嘛。

Read more ›

Steven Chui手辦《I killed a little bird》 戇男地攤有辦睇

Steven Chui手辦《I killed a little bird》 戇男地攤有辦睇

作為港漫迷,斷估你都會撐戇男同十五少搞嘅《Caillou石子》地攤啩,買心水精品之餘,亦忽忘留意吓Steven Chui嘅手辦作品《I killed a little bird》,雕模、複製、打磨、修正、上色加包裝,全部一手一腳一人之力完成,誠嘔心瀝血心機之作也。Steven喺面書咁話:「多謝戇男老師給予寶貴嘅意見!今次合作自由度好高!」得戇男加持,唔知會唔會大賣呢?展覽有辦睇,睇啱可以搵佢落訂呀喂。

Read more ›
戇男+十五少擺《Caillou石子》地攤 必買啤牌+魚蝦蟹

戇男+十五少擺《Caillou石子》地攤 必買啤牌+魚蝦蟹

「嘩啦轟隆賀新歲,萬事俱備請君來」,呢兩句唔係我作的,係戇男喺面書為宣傳《Caillou石子》地攤咁寫的。擺攤喎,無得唔撐喇,隨咗要捉住扯頭纜嘅戇男同十五少影相外,現場仲有展畫睇,當然記得要撳定錢去買各類精品喇,貨品都幾多瓣數吓,應該總有一款合你心水,包括轟隆紅色福袋$688、嘩啦綠色福袋$688、啤牌$138、Caillou 2022版畫卡套裝$238、榕叔聲字透明貼紙$48、盒裝秋色骰寶+轟隆嘩啦魚蝦蟹+轟隆嘩啦門神一對$168、粉紙印刷門神一對$68、揮春+利是封$88同大頭靜2022月曆$68等等。戇男有Post相出來,暫時我睇中啤牌同魚蝦蟹套裝,必買Item是也。新農曆新年快到,好應份使錢振興香港經濟兼哄吓自己開心,係咪咁講先?

Read more ›
嘩啦!轟隆!戇男一月搞地攤!

嘩啦!轟隆!戇男一月搞地攤!

瀏覽戇男同伍永新面書,發覺正積極宣傳緊甚麼「戇男一月地攤」。地攤有乜餡?二人聯合展覽?合作出書?推出個人畫集?定話係普普通通食餐飯嘅讀者聚會?好難估喎。望望啲宣傳圖,又「嘩啦」又「轟隆」又盛,呢對左右門神究竟係乜東東來的?跟住又見蝦又見雞,咁似農曆年玩嘅魚蝦蟹嘅?乜都好喇,戇男有搞作,到時一定去捧場,我話嘅。

Read more ›
《新著中華英雄》致敬封面 戇男三年前都玩過

《新著中華英雄》致敬封面 戇男三年前都玩過

《新著中華英雄》個二斬一封面惹來滿城風雨,花生食到飽,飽到直頭覺得有啲膩。又話說,李健良呢個向經典場面致敬嘅封面,原來戇男三年前已經玩過,佢喺面書開Post話:「見到良哥再做一次,我又心郁摷番個起稿出嚟睇吓有冇膽繼續……睇日子原來放低三年了,再睇、都係唔敢動筆,太難了……」太謙虛了,有心唔怕難,不如我哋畀多啲掌聲戇男,鼓勵佢完成埋幅圖好不?

Read more ›
戇男《血霸王》正式封面有辦你睇 動漫節加推特別版

戇男《血霸王》正式封面有辦你睇 動漫節加推特別版

喂呀,《戇男漫畫》2021年特別篇《血霸王》有正式封面睇嘞,好正好吸睛,你無理由唔買啩?7月25日正式見街,大家記住呢個日子喇,每本$25。另外,除一般書報攤可見嘅普通版外,7月23日動漫節仲有會場限定特別版,燙雷射封面附送A4膠Folder,限量200本,每本$38,最好就梗係兩個版本都買晒喇。

Read more ›

Fai Cheng x Kaiju One x 戇男 動漫節出血霸王搪膠公仔

Fai Cheng x Kaiju One x 戇男 動漫節出血霸王搪膠公仔

唔講大話,我係無睇過戇男《暴風少年》的,唔係無興趣睇,而係中學時代邊有咁多零用錢買咁多本公仔書吖?睇面書「鄺氏漫畫」Post,字裡行間好似透露緊今年動漫節會推出番合訂本,苟如是,必買!同時,Fai Cheng亦會聯乘Kaiju One、戇男合作推出書中角色血霸王搪膠公仔,戇男亦有作畫宣傳,成壇嘢煲番起佢,係好事。

Read more ›
使唔使咁快手 戇男籌備2022年《哥與妹》日曆ing

使唔使咁快手 戇男籌備2022年《哥與妹》日曆ing

戇男每次開Post都好有驚喜,家陣只不過2021年4月,佢已經開Post話籌備緊2022年《哥與妹》月曆,仲率先披露一幅八月配圖,而畫面仲好詭異吓添,「哥哥仔,好心幫我搵番啲手手腳腳啦……」呢句對白究竟想表達乜主題呢?非常期待。呢個月曆勁呀喂,特別版會附送五斤金剛上人嘅虎年星座運程,咁普通版呢?戇男話:「根本就無正常版。」睇到呢度,我笑咗。

Read more ›
戇男移動地攤搞抽獎 複印畫一套7張$300

戇男移動地攤搞抽獎 複印畫一套7張$300

戇男聽日擺「戇男移動地攤」呀,大家記得去捧場。除咗有售《戇男筆記2》外,同場加映精美複印畫,一套7張,A3 size,有親筆簽名,每套$300,限量50套。另,大時大節梗係玩吓抽獎遊戲先過癮,屆時戇男會每粒鐘抽一次獎,獎品就係相片裡面嘅複印畫嘞,連埋相框一併送,係咪開心先?

Read more ›
男人的浪漫 讀者製紀念卡送畀戇男

男人的浪漫 讀者製紀念卡送畀戇男

放喺眼前嘅,係一份漫畫家與讀者的真摰情誼。話說有讀者Koma君,為賀《戇男筆記2》見街,精選戇男之前喺面書發佈過嘅18幅網圖,製作成紀念卡送番畀戇男。戇男當然開心,開心到約埋Koma食番餐茶仔飲番杯奶茶,席間天南地北傾港漫,合照兼攞埋親筆畫就更加係指定動作。成件事係幾麻甩吓,但從中我睇到,我真係睇到,睇到何謂傳說中的男人的浪漫。

Read more ›