有片:型!成功自製懸浮機!懸浮飛行不是夢!

懸浮飛行不是夢!加拿大人Catalin Alexandru Duru成功研製可以載人嘅懸浮機,雖然掠過湖面期間試過跌落水,要人撐船嚟救援,但最後都成功喺湖面兜咗幾個Round,姿態好瀟灑,惹來周圍群眾拍掌歡呼。咁當然,呢架懸浮機無《回到未來》塊懸浮滑板咁有型喇,望落好笨鈍吓,有啲似加大版Drone,而人就直接企喺機中心控制,前前後後上上下下轉左轉右都幾暢順,係唔知Total飛咗幾遠同飛咗幾耐啫。真心覺得型!好想試玩吓。

Read more ›