Post Tagged with: "懸浮"

【新片速報】日本chill爆海豹 懸浮水面瞓晏覺150萬瀏覽
by / on 06/05/2019 at 7:43 am

【新片速報】日本chill爆海豹 懸浮水面瞓晏覺150萬瀏覽

一直好鍾意海豹,鍾意佢個樣蠢蠢哋,而且夠懶。最近北海道紋別市嘅Seal Sea Paradise又有新片睇,今次海豹表演浮喺水面瞓覺,完全靜止狀態郁都唔郁,好chill。段片兩日唔夠而已經有超過150萬瀏覽,網民仲分享咗好多其他海豹嘅瞓覺相同片,不同睡姿各有特色,入嚟有回帶。

Read more ›

【有片】冰島3D立體斑馬線 懸浮設計提醒司機減速
by / on 26/10/2017 at 7:47 am

【有片】冰島3D立體斑馬線 懸浮設計提醒司機減速

之前都見過喇,不過橋唔怕舊,真係可以令到駕駛者減速就得啦?冰島小鎮Ísafjörður嘅交通部就用咗呢個方法 ─ 3D立體斑馬線!透過3D畫法令到斑馬線好似浮起咗咁,司機就一定會留意到嘞!就算行人都玩得開心,入嚟有片睇,不過會唔會因為咁引致交通意外?

Read more ›
日本玩具迷自製平價懸浮裝置     玩具擺設凌空吊起
by / on 22/12/2016 at 7:21 am

日本玩具迷自製平價懸浮裝置 玩具擺設凌空吊起

有時買落啲細細隻嘅公仔,要擺放都幾難。其中一個方法就係用透明膠箱裝起佢,最近有日本玩具迷諗到另一樣工具,可以將啲公仔凌空吊起,就係超強力磁石同埋鎖匙圈,扮懸浮效果,平平哋但睇落又幾正喎!

Read more ›
【新片速報】一嚿雲藍牙聽歌裝置 懸浮識閃電
by / on 12/10/2016 at 7:12 am

【新片速報】一嚿雲藍牙聽歌裝置 懸浮識閃電

呢兩日天陰有雨,如果匿喺室內聽住歌,旁邊仲有嚿雲,聽落都幾型。設計師Richard Clarkson之前都整過嚿閃電雲嘅家用燈,而家再進化,將嚿雲變成藍牙speaker「Making Weather」,開住佢聽歌嚿雲仲會因應音樂閃電光,最正係用咗磁力令嚿雲有懸浮效果。暫時仲未量產,不過應該好快嘞。用嘅物料係聚酯纖維(polyester fibers),放喺屋企做擺設都型。

Read more ›
【有片】懸浮結婚蛋糕來了 《星戰》尤達玩原力
by / on 16/11/2015 at 7:16 am

【有片】懸浮結婚蛋糕來了 《星戰》尤達玩原力

之前「Egg Attack」出嘅磁浮Iron Man好正,嚟緊仲有Kid Logic出嘅《回到未來》磁浮滑板同架車,除咗玩具之外,估唔到而家結婚蛋糕都玩懸浮!呢個懸浮蛋糕由Peboryon Cakes餅店嘅Christine Jensen製作,喺今年嘅國際蛋糕節Cake International show展出之後引起好大迴響,佢哋就唔肯透露點樣可以做到,不過展出時蛋糕後面就放咗《Star Wars》嘅尤達大師,抽《星戰》水玩原力。

Read more ›
【很想要】《回到未來》懸浮滑板 迷你平價版$39.99有交易
by / on 25/06/2015 at 7:07 am

【很想要】《回到未來》懸浮滑板 迷你平價版$39.99有交易

電影《回到未來》入面,除咗對識自動縛鞋帶嘅Nike波鞋之外,塊懸浮滑板都令人很想要,踩住佢凌空浮起喎,勁型!之前有公司Hendo Hoverboard喺Kickstarter成功集資,製作真嘅懸浮滑板,可惜要美金1萬蚊1塊,那有錢?好彩仲有Think Geek網站呢個買得起嘅迷你版,一樣都係玩磁浮,不過唔踩得只可以擺喺枱面做裝飾。塊滑板會不停前後飄浮移動,最重要係只賣美金$39.99,《回到未來》fans點都要買返個傍身啦。

Read more ›

懸浮手機叉電器    自拍睇片多用途
by / on 09/04/2015 at 7:13 am

懸浮手機叉電器 自拍睇片多用途

勁!估唔到最新嘅手機居然做到懸浮效果,勁過達聞西。回歸現實,呢個手機叉電器Bobine表面係叉電器,其實同時係一個手機托,底部條24吋電線可以隨意拗曲伸直,一個唔覺意就好易令人以為你出咗部識懸浮嘅次世代手機。咁實際上有咩用途?其實佢仲可以掛起部手機,然後邊叉電邊食飯邊睇片;又或者吊高部手機校啱角度玩自拍,都幾實用嘅。不過點實用都好都唔關我事,因為佢只係支援iPhone 5或6,賣緊美金$24.99。

Read more ›
網圖分享:Odieth的3D懸浮Graffiti
by / on 16/12/2014 at 7:45 pm

網圖分享:Odieth的3D懸浮Graffiti

喺下下講錢視藝術為無物嘅香港?呢一世都唔使旨意有Odeith呢類街頭塗鴉藝術家出。呢位葡萄牙藝術家擅長非一般Graffiti,雖然依舊幅牆噴到九彩咁多隻色,但鍾意挑戰難度,專登揀兩幅成夾角嘅牆壁為畫布,所以出嚟嘅作品尤其立體。喺唔同視度下欣賞,構圖不但會突出,更畀到人懸空浮起嘅感覺,甚至會錯覺以為係閃閃發光嘅金屬製雕塑品。講多無謂,自己睇相Please──

Read more ›
懸浮魔術手機架    Starbucks晒命專用
by / on 05/06/2014 at 7:13 am

懸浮魔術手機架 Starbucks晒命專用

手機架出到厭,呢個懸空iPhone手機架有驚喜!佢睇落係一堆電線,其實可以當手機架用,仲有叉電功能,經過嘅人見倒你部電話識凌空升起,應該會走埋嚟搭訕問兩句,最啱喺Starbucks之類嘅公眾地方拎出嚟晒命。呢個叫Magic Phone Stand嘅魔術手機架,由西人John Stessel研發,而家喺Kickstarter集資中,反應好好,因為起步價$19美金就有交易,有黑白兩色任揀。至於點解可以做倒懸浮?睇嚟要買個返屋企研究吓先得!

Read more ›
詭異雕塑    人像半空懸浮
by / on 01/12/2013 at 10:04 am

詭異雕塑 人像半空懸浮

藝術嘅嘢我唔多識,尤其是雕塑,不過法國馬賽最近擺放嘅10個雕塑的確令我眼界大開。每個人像中間都被淘空,半透明感覺上好似喺半空懸浮緊,睇落好詭異。由藝術家Bruno Catalano設計,名為旅行者(Les voyageurs)嘅系列,想表達嘅嘢好深,即係話你每去一個地方都好似漏空咗一啲嘢咁,唔明?唔緊要,我哋集中睇佢點樣可以做倒呢個超現實嘅效果,原來每一截都靠一邊腳承托起上半身,厲害。

Read more ›