Tag: 應用程式

買bra專用apps 影相量呎吋唔怕外洩?

作為online shopping多過行街嘅新女性,有樣嘢點都唔會上網埋,就係內衣褲,因為呎吋真係話唔埋,除非自己著開嘅牌子啦。偏偏外國品牌ThirdLove試圖開闢呢片藍海,推出專為女士量度bra呎吋嘅apps,裝咗佢之後對準自己上半身影張相(當然係著住緊身衫或者戴住bra啦),佢就會自動幫你計算呎吋,然後揀選合適嘅bra比你。擔心啲相會流出喺討論區見返自己?官方聲稱用上128-bit加密系統,保證安全,不過係咁意影張相就話計算倒呎吋,身為女士用家,我覺得都係信唔過,當開吓眼界算喇。

Read more ›

光頭叔叔突入貓世界 動物潛力圖任惡搞

呢幾日漫畫app「Bitstrips」突然紅到開巷,facebook狂洗版,好切合香港人嘅個性。講到漫畫公仔,呢位韓國網友nu1t一定要識,佢設計咗一個有啲似小丸子爺爺嘅光頭叔叔,再將迷迷key入唔同嘅貓相入面,再後期加工令到光頭叔叔猶如同嘅巨貓玩緊傾緊瞓緊咁款。佢最厲害係搵倒啲樣貌表情好有潛力嘅貓貓圖比佢任改,睇完由心開心返出嚟,唔知有朝一日會唔會揀中忌廉哥呢?

Read more ›

尋犬手機應用程式 樣貌辨識全民緝犬

貓仔狗仔天生鐘意自由自在嘅生活,萬一唔好彩走失,主人真係傷心到極。外國公司Philip Rooyakkers最近推出咗一個叫PiP嘅手機應用程式,可以透過容貌辨識技術紀錄底寵物外貌,令主人可以更易搵返走失嘅寵物。應用程式免費下載,下載完幫寵物影相同埋輸入基本資料,走失咗時就可以即時通知附近嘅診所、動物收容站或者其他Pip用家,有人見倒疑似走失嘅狗仔亦可以上載到Pip,不過要登記自己嘅寵物就要每年比$150港幣左右,貴過用晶片或者牌仔。

Read more ›

Emoji拼圖手機app 表情符號無處不在

有無發覺用Whatsapp時唔用Emoji表情符號,會周身唔自在,感覺詞不達意,表達唔倒自己內心感受?如果答案係肯定嘅,好明顯你同絕大部份人一樣中咗Emoji毒,所以你應該攞8蚊出嚟買埋呢個手機app。名為Emojify嘅手機app,由星加坡公司VoidWorks開發,可以將手機內任何一幅相變成Emoji拼圖,蒙羅麗莎嘅微笑,都唔及Emoji嘅笑臉咁誠懇,咁千變萬化。

Read more ›

日本大叔賣萌出app 減肥踢走高熱量程式

有無諗過大叔都可以賣萌?日本公司Fuller最近以一個光頭大叔做主角推出三款實用apps,包括有慳電專用apps、電筒app同埋計數機app,其中慳電app「可愛大叔省電應用」,將大叔嘅體重變成手機耗電量,當佢肚腩突突體重超標時,你就要關閉部份應用程式幫佢減磅。另外又有卡路里表,顯示邊款apps最阻碇,最搞笑都係有相簿,可以unlock大叔寫真,係咪真係有人想要o架?三個apps都係免費下載,鍾情大叔嘅女仔啱用。

Read more ›

文青影相軟件 影相懶型加價錢

之前介紹過「文青產生器」,可以自組文藝句子share上facebook,今次encore介紹文青影相軟件ValuePIC。因為要表達自己嘅感覺,一幅相加一段facebook文字敍述對一個文青嚟講實在太唔型太老土喇,而呢個軟件就唔同,提供特別字型字款比你加喺相片上面,例如食碗雲吞麵、探完巨鴨相以至同bb影完自拍照,都可以喺上面即時標價再share上facebook。貨幣方面仲有港幣揀,夠晒親切感,而且iPhone同埋Andriod都係免費下載,Value = 0。

Read more ›

Dislike 版facebook 新App「Hater」分享最憎

最近有個iPhone應用程式叫「Hater App」,睇準facebook一直未推出嘅「Dislike」功能,程式開宗明義比你分享你最憎/dislike嘅相片,例如名人政客、塞車,甚至討厭嘅facebook「朋友」。玩法近似instagram,影完相可以落filter,再喺朋友圈分享,仲可以share去facebook同Twitter,博你啲朋友「like」返張相,係咪好吊詭?

Read more ›

「女士安全到埗」的士App 司機閂門先走

名城色魔仲未落網,女士出門繼續擔驚受怕。外國有個叫「Get Taxi」嘅call的手機app好貼心,最近加推一項「女士到埗」(Closed door Policy)服務,女士夜晚搭的士落車後,司機會等佢返到屋企閂埋門先離開,令單獨返屋企嘅女士,或者佢嘅朋友都放心啲。不過就有網友口痕投訴點解歧視男性,因為男士夜晚一個人返屋企都會驚喎,頂!

Read more ›

[新片] 初音 x Domino Pizza 免費新Apps / 速遞痛車 雙連發

嗚呀!日本初音迷真係好幸福呀!日本Domino’s Pizza 最新宣佈同初音合作,所有Pizza速遞都會用初音痛車送遞,仲喺iPhone平台推出初音Apps。呢個apps認真好玩,除咗有初音幫你GPS定位揀外送位置,仲可以用AR技術,同初音一齊影靚相,初音仲可以跳上Pizza盒上面跳舞唱歌比你睇。近似之前PS Vita出嘅《初音未來Project Diva f》嘅AR玩法,但今次可以免費下載,加埋個靚到不得了嘅初音pizza盒,呢舖日本初音迷實變肥仔咯!

Read more ›

SoftBank免費音樂App 秋田犬爸爸學Rap歌

我好鐘意睇日本廣告,其中又以SoftBank廣告嘅白色秋田犬最得我歡心,佢個樣夠晒憨直,而呢隻秋田犬仲係一系列白戶家廣告嘅主角,係一家人入面嘅「爸爸」角色,夠晒趣怪。講返正題,SoftBank為慶祝連續五年成為日本最受歡迎電訊供應商,最近推出一個名為「ラップお父さん」嘅免費Apps,都係以「爸爸」做主角。呢個app主要玩Rap及DJ Mix,可以加音樂,再按掣揀唔同嘅短句,組合成唔同風格嘅rap音樂,仲可以玩埋捽碟,玩完可以錄底放上facebook share,下面有示範片睇。不過最讚都係版面設計,全白底加鉛筆繪畫,睇落好特別,特別lo-tech,特別可愛。

Read more ›