Tag: 慶生

50米長飲管慶生 創意爹哋自製生日禮物氹囡囡

而家啲小朋友好誇張,100日又要擺酒,生日又要搞party,其實簡簡單單慶祝都可以好開心嘅。好似外國呢位阿爸,就喺阿囡5歲生日時,用飲管砌咗個長達50米嘅裝置,由地下延伸到花園,中間仲有Happy Birthday幾隻字。成件事都係趁阿囡喺花園瞓緊覺時整嘅,阿囡起身時嘗試飲嘢,點知要飲咁耐嘅?原來支飲品足足隔50米遠,好新奇,阿囡仲好開心咁同爸爸一齊拆返啲飲管,所以話,花少少心思,比起送玩具搞party仲sweet啦,雖然我覺得似係阿爸自己想玩多啲。

Read more ›

High爆馬大哥 靚女陪慶生學人吹蠟燭

睇完呢條片我有啲心傷,因為我生日都無咁多人同我慶祝。呢隻叫JD嘅馬最近生日,佢班主人就幫佢搞咗個簡單而隆重嘅慶祝活動,有蛋糕有蠟燭,仲唱埋生日歌。當佢哋一唱完生日歌時,馬大哥JD居然識即刻吹熄啲蠟燭,仲頭昂昂依起棚牙好招積,威喇威喇,有咁多女同你慶祝生日。

Read more ›