Post Tagged with: "慈善"

【有片】山田孝之多女fans 排隊俾佢親手度胸圍
by / on 20/05/2018 at 3:29 pm

【有片】山田孝之多女fans 排隊俾佢親手度胸圍

山田孝之喺早兩日19日,同一個內衣品牌合作,喺SHIBUYA109搞咗個活動,個活動係由山田孝之親手幫300位女客人量度同建議合適內衣……嘩,據講朝早有成3000人排隊喎。而且呢個係慈善活動,當日賣到嘅錢會捐俾乳癌基金。另外開始前大會就安排咗啲著內衣嘅模特兒俾山田孝之練習吓,講完背景終於到正題嘞,網民發現山田字之度尺吋時目不斜視嘅表情好正,有人話佢係勇者,有人話呢份工作太爽,仲有人發現佢下身有異樣,之後有大量貼圖出動,入嚟有回帶。

Read more ›

鄺志德慈善義賣珍藏 善款全數捐畀樂施會
by / on 11/09/2017 at 10:38 pm

鄺志德慈善義賣珍藏 善款全數捐畀樂施會

莫因善小而不為,喺能力範圍內做善事,係絕對值得讚賞嘅。好應該畀啲掌聲鄺志德,佢今日搞咗場小型義賣會,只招待十五位朋友參與,義賣收藏多年嘅漫畫精品、畫板、漫畫書同畫作,粒零鐘所有珍藏賣晒,所有善款全部捐畀樂施會,雖然無講籌到幾多錢,但咁有心,係好值得讚賞嘅。

Read more ›
繼續慈善 鄺志德+鄺彬強+胡紹權靚畫競投
by / on 12/06/2017 at 9:45 am

繼續慈善 鄺志德+鄺彬強+胡紹權靚畫競投

好事唔怕多講,早幾日鄺志德喺面書出Post搞畫作慈善競投,作品屬跟佢學畫嘅學生手筆,可視之為「業餘組」;今次輪到「專業組」出場,三幅畫作包括胡紹權《石破天驚》、鄺彬強《君臨盛世》同鄺志德《暗黑風雷》,幅幅都靚到啪啪聲,裱起佢掛牆絕對唔失禮。全部底價$500,6月12日中午一時截止競投,所得善款全數捐畀「沙律貓狗之家」,請大家多多支持,報告完畢。

Read more ›
【有片】IKEA路姆西後有新作 4歲兒童畫作變玩具量產
by / on 31/10/2015 at 3:52 pm

【有片】IKEA路姆西後有新作 4歲兒童畫作變玩具量產

自從路姆西之後,大家都留意倒IKEA有公仔賣。最近IKEA又有新活動,今次挑選咗10位小朋友畫嘅公仔,將佢哋量產成真實公仔喺店內發售,每賣出一隻就會捐出1蚊美金比UNICEF幫助小朋友。睇返10個作品,全部都好有創意,雖然未必睇得出係咩動物,但就好符合小朋友嘅創作精神,其中一隻仲有啲似《寄生獸》嘅米奇。而最細嘅設計師只有4歲,亞洲代表有台灣同埋馬來西亞,行開IKEA記住支持吓。

Read more ›
新片速報 《Iron Man》真人募捐活動      $10美金共晋早餐
by / on 05/03/2015 at 7:16 am

新片速報 《Iron Man》真人募捐活動 $10美金共晋早餐

如果《Iron Man》無咗Robert Downey Jr.做主角,我諗好多人都唔會再睇,呢位超級英雄有錢之餘,仲好鍾意幫人。最近佢就同慈善機構Omaze合作,只要捐$10美金,就有機會同佢t喺洛衫磯一齊食早餐、坐直昇機參觀洛衫磯同埋出席Avengers: Age of Ultron電影活動首映,一夜成名似乎幾爽。

Read more ›
新片速報   日本無痛「失戀BOX」有錢賺
by / on 25/03/2014 at 7:18 am

新片速報 日本無痛「失戀BOX」有錢賺

想無痛失戀,除非現實真係有部消除記憶機器,否則可能要low-tech啲試吓日本呢個「失戀BOX」。呢個盒由日本公司Brandear設計,網上有得訂,打開個盒後,入面有啲失戀指南、Bubble紙、紙巾之類嘅物品,之後就可以將前度送比你嘅物品放入個盒,再速遞返去比Brandear。每收到一個失戀BOX,佢哋就會捐100円比慈善機構幫助發展中國家嘅懷孕婦女,失戀都幫到人,個心係咪好過啲?Brandear仲會幫你啲物品計計數然後寄返少少錢比你補償吓心靈上嘅損失,當然,價錢一定少過你將個手袋直接攞去米蘭站放‥‥‥佢哋仲懶有心拍咗條卡通短片介紹呢個服務,睇到我心都嗡埋。

Read more ›

超靚咖啡杯   自畫Iron Man/忍者龜做善事
by / on 23/01/2014 at 7:09 am

超靚咖啡杯 自畫Iron Man/忍者龜做善事

朝朝早去Starbucks買杯咖啡,個杯係品味象徵,點會隨便亂畫?長居三藩市嘅插畫家Miguel Cardona就唔同,佢由上年起將咖啡杯當畫板,係上面畫咗一系列公仔,由Iron Man、忍者龜到Grumpy Cat都有份,畫功相當唔錯。佢仲將件事化為善事,將自己嘅作品放上網站Café Sophie發售,每隻賣美金$20,所得款項會捐去專幫助無家兒童嘅組織Project Night Night,好有heart。

Read more ›
「100Cameras」慈善攝影計劃      蘇丹小朋友學影相
by / on 28/10/2013 at 7:06 am

「100Cameras」慈善攝影計劃 蘇丹小朋友學影相

影相對於你同我嚟講,可能只係開著部手機影張相放上網咁簡單,不過對於落後地方嘅小朋友嚟講,一部相機可以帶比佢哋歡樂,亦比佢哋由另一個角度認識世界。聽落好沉重,因為想介紹比大家嘅呢個「100Cameras」影相計劃好有意義,由08年開始,將100部相機借出比落後地區嘅小朋友,等大家可以透過相片,睇倒佢哋眼中嘅世界,所有相會放上網拍賣,籌倒嘅錢又會放返落呢個機構入面繼續營運。暫時已經去過南蘇丹、古巴、美國同埋印度,入嚟可以睇晒所有相片,仲可以click個掣買幾張相支持吓。

Read more ›