fbpx

Tag: 感動

日本新潟縣市長寄白米食糧     援助在外學生Twitter熱傳

日本新潟縣市長寄白米食糧 援助在外學生Twitter熱傳

日本嘅疫情持續嚴重,之前首相安倍晋三每戶派發兩個布口罩收到好多批評,不過另一邊廂嘅新潟市措施就有網民激讚。最近網上熱傳新潟縣中部「燕市」嘅居民收到嘅物資,入面有新潟出名嘅白米5公斤、一個布口罩、醃黃瓜等食物,原來呢個計劃係專為出外讀書或工作嘅新潟居民而設,紙箱入面仲有市長鈴木力嘅一封信,身在東京讀書嘅樓主話收到之後好感動,仲話覺得呢個故鄉令佢感到好自豪呀!

Read more ›

【有片】外國小朋友萬聖節登門拎糖    偷拍片段超有愛Twitter熱傳

【有片】外國小朋友萬聖節登門拎糖 偷拍片段超有愛Twitter熱傳

香港人萬聖節連慶祝都唔得,外國呢?小朋友好興去其他屋企拎糖果,不過呢位小朋友去到發現個盤竟然無晒糖,而佢居然將自己袋入面嘅糖果拎出嚟加入個盤度,為嘅係令下一個小朋友唔會失望而回。段片應該係屋主個CCTV拍到嘅,網民睇完都覺得好有愛!

Read more ›
【新片速報】YUI現身北海道街頭獻唱 青春回憶好感動

【新片速報】YUI現身北海道街頭獻唱 青春回憶好感動

今日Twitter好多日本人RT呢段片,噚日(9月11日)喺北海道嘅狸小路通,竟然出現咗歌手YUI!短頭髮嘅佢席地而座拎住結他邊彈邊唱,把聲依然係咁好聽,好多人都話搵返自己嘅青春,聽到好感動!入嚟有片睇。

Read more ›
【感動】日本博物館30年失物「唐老鴨」 熱心人聖誕送Daisy相伴

【感動】日本博物館30年失物「唐老鴨」 熱心人聖誕送Daisy相伴

仲記唔記得日本「致道博物館」呢隻唐老鴨?30年前喺博物館俾職員發現咗,兩星期前博物館嘅Twitter小編幫佢搵主人,成為大家嘅討論話題。雖然主人仲未搵到,不過竟然有人做咗件超有愛嘅事,就係寄咗隻Daisy公仔陪佢!咭上面大概寫話唐老鴨已經孤零零過咗30年,所以趁聖誕節送隻Daisy陪佢。雖然未知呢個有心人係邊個,不過網民都大讚個舉動好感人,入嚟有得回帶睇返成件事。

Read more ›
Burger King員工每日送漢堡包俾患癌狗狗    網民感動熱傳

Burger King員工每日送漢堡包俾患癌狗狗 網民感動熱傳

最近有個網民分享咗佢嘅故事,話說佢隻10歲嘅狗狗Cody最近被診斷出有癌症,只係剩返1-3個月命,為咗令佢剩低嘅日子過得開心啲,佢哋每日都會去附近嘅Burger King買個plain cheeseburger俾狗狗送藥食。有日其中一位店員就好奇問佢哋點解會點無任何醬料嘅plain cheeseburger,狗主就講咗Cody嘅事比店員知,而店員轉身同經理傾咗幾句之後,就問咗狗主人嘅姓名,然後同佢講,嚟緊佢再買俾Cody嘅plain cheeseburger都會係免費嘅。呢位狗主人好感動,將件事放咗上Twitter,吸引好多人留言。大家都讚Burger King做得好好,而Burger King嘅官方帳號亦喺個帖下面留言話:「呢個世界需要多啲仁慈及同情,多謝你俾機會我哋為Cody做少少嘢。」回應大方得體又恰到好處,下次都買返個Burger King包食吓先。

Read more ›
日本隊輸波 比利時球員安慰圖感動球迷

日本隊輸波 比利時球員安慰圖感動球迷

啱啱日本隊對比利時場波,雖然日本隊最終輸波,但佢哋嘅鬥志就感動咗好多球迷。日本Twitter今日都有大量相同片熱傳,其中比利時球員上前安慰日本選手嘅幾張相就令好多人覺得好感動。入嚟仲有精彩入球回帶。

Read more ›

【超感人】媽媽冇錢買公仔 小朋友包裝箱留言「預留」 職員唔鬧仲送俾佢

【超感人】媽媽冇錢買公仔 小朋友包裝箱留言「預留」 職員唔鬧仲送俾佢

係愛呀!今次係認真嘅,因為真係相當感人。英國有個小朋友喺利物浦Asda超級市場見到隻熊貓公仔,好想買返屋企,可惜媽咪要等出糧先有錢買俾佢,為免隻公仔俾其他人買咗,小朋友就喺紙箱上面寫咗段字,內容大概係話:「我媽咪唔夠錢買俾我住,我哋6月15號會返嚟買,所以請你唔好買走佢,否則我會喊架,多謝你,另外隻熊貓公仔個名叫『Pandy』!」之後超市職員發現咗,影相放上網後搵到呢對母子,跟住職員仲用自己錢買咗隻公仔,約咗佢哋嚟超市送俾佢哋。小朋友收到後好開心,之後媽媽喺網上留咗段言,話好多謝Asda嘅員工,仲話仔仔提議將本來買呢隻公仔嘅錢捐去一個慈善團體,入嚟有詳情,好有愛,好感人。

Read more ›
【勵志】貓兵仔痴戀娘娘 兩年時間成功感動對方

【勵志】貓兵仔痴戀娘娘 兩年時間成功感動對方

貓嘅世界都有娘娘同兵,講緊嘅係呢對好曖昧嘅貓男女,啡白色毛嘅男仔叫Scottie,黑白長毛嘅貓女係Sophie,佢哋係鄰居,自從兩年前第一次相遇之後,貓仔就愛上咗貓女,仲成日牛咁眼咁望實人,好有做兵嘅潛質。佢仲成日會走去隔離屋探貓女,好痴情。好彩經過兩年嘅相處,佢嘅官階有所提升,而家已經可以成日瞓喺娘娘旁邊,呢個故事好勵志,各位兵仔唔好放棄呀!

Read more ›
【有片】8歲小朋友留長髮兩年     捐患癌兒童感動網民

【有片】8歲小朋友留長髮兩年 捐患癌兒童感動網民

小朋友嘅品格比學業成績更加重要,呢個8歲嘅外國小朋友Thomas Moore就好有同理心,有日佢見到媽咪睇Facebook嘅一段片,講及一個女仔因為癌病治療而無晒啲頭髮,跟住佢就決定要出一分力!之後兩年佢不斷將自己嘅頭髮留長,然後剪嚟捐比有需要嘅小朋友。最後佢嘅頭髮足足夠整三個假髮,而且仲係爆炸頭,型!佢呀姨Amber Ray將before同after剪髮相放上Twitter後即刻被熱傳,大家都俾呢個小朋友嘅行為感動,入嚟仲有片睇。BTW,我都好想好似佢咁多頭髮。

Read more ›
【有片】超感人 患病PS4機迷難用手掣 PS員工自行改裝送驚喜

【有片】超感人 患病PS4機迷難用手掣 PS員工自行改裝送驚喜

我諗就算客戶服務做到幾好,如果員工唔係由心出發,都唔會令呢件事發生。件事係咁嘅,嚟自美國New Jersey嘅Peter Byrne因為患有腦癱瘓(Cerebral Palsy),所以用DS4打機時,左手成日會揩到Touchpad,搞到成日都暫停咗遊戲,於是佢就email去PlayStation Support解釋自己嘅情況。咁同佢聯絡嘅就係一位叫Alex Nawabi嘅PS員工。經過幾次email來來回回之後,Alex Nawabi回覆話都係搵唔到解決方法,只可以寄番禮物包俾佢以示歉意,點知,當Peter Byrne收到之後,發現裏頭有一個特製手掣,原來Alex Nawabi自己改裝咗個手掣送俾佢!個手掣停咗Touchpad功能,按鍵就改咗去右邊背後,佢話用咗10個鐘以上、3個手掣嚟改裝而成,仲話因為冇保養,所以佢會整多一個俾佢,但就想睇佢試用完有咩意見先再整第2個!Peter Byrne超感動,之後喺facebook出文感謝,Alex都有回應,全文同埋影片入嚟睇。

Read more ›
【有片有洋蔥】日本老伯為失明太太種花海   遊客慕名而來

【有片有洋蔥】日本老伯為失明太太種花海 遊客慕名而來

好感人!日本宮崎縣新富町一對老夫婦住喺郊外,有一日老太太靖子突然失明,自此變得好沮喪,經常悶悶不樂唔肯離開屋企。為咗令老婆重拾笑容,老伯伯黒木敏幸決定喺屋後嘅庭園種植芝櫻,等老太太就算睇唔到,都可以聞到遍地花香。最終用咗兩年時間,伯伯成功種出一片好靚嘅花海,仲引到婆婆願意走出屋外享受大自然。呢個咁感人嘅故事吸引咗好多日本遊客慕名參觀,而家呢個地方已經成為當地熱點,睇相見老太太笑得咁開心,我都有啲眼濕濕。

Read more ›