Post Tagged with: "感人"

【感人】領養失明喵星人三兄妹 無私主人感動網民
by / on 11/07/2016 at 7:13 am

【感人】領養失明喵星人三兄妹 無私主人感動網民

好感人!領養喵星人好有愛,如果係失明嘅喵星人,仲要係3隻,嗰種偉大更加係難以想像。呢3隻喵星人喺2014聖誕前被前主人棄養,當時佢哋3個已經因為貓流感導致失明,本來鄰居收養咗大哥呀Blue,但呀Blue唔捨得兩個妹妹Meadow同Willow,成晚不停叫,最後唯有送返去收容所等佢哋可以團聚。好彩,而家嘅主人Catherine被佢哋打動,決定一次過收養晒三兄妹。而家佢哋生活得好幸福,Catherine亦想趁呢個機會話俾公眾知,其實失明嘅喵星人並無想像中咁難養。所以如果有機會又能力嘅,記住俾機會呢啲有缺憾嘅喵星人,等佢哋都可以有個幸福嘅家。

Read more ›

【真洋蔥】《Player 2》影片講打機父子情 隔世重遇超感人
by / on 25/04/2016 at 6:03 pm

【真洋蔥】《Player 2》影片講打機父子情 隔世重遇超感人

咁好嘅片一定要同大家分享,尤其是機迷一定要睇。呢段名為「Player 2」嘅影片嚟自真人真事,我哋都曾經報道過。講一個男仔細個經常同阿爸一齊打機,可惜阿爸喺佢6歲時離世,之後佢一直唔敢再打開部機(呢一part真事好似冇)。直至有一日佢重新駁著部機,發現入面有隻佢哋成日一齊玩嘅賽車遊戲《Rally Sports Challenge》,仲喺入面搵倒阿爸嘅靈魂(Ghost)。結尾好感人,我唔想劇透。最後提吓大家睇片時可以開中文字幕。睇完今晚要約埋阿爸一齊打返舖機。

Read more ›
【圖文不符】Photoshop催淚故事 100%真人真事FB熱傳
by / on 20/10/2015 at 7:12 am

【圖文不符】Photoshop催淚故事 100%真人真事FB熱傳

自從有咗Photoshop世界就變得不一樣,女士想回復青春除咗整容,仲可以靠執相。攝影師Victoria Caroline最近喺自己嘅Facebook分享咗呢張相同背後嘅感人故事,喺FB引起好大迴響。佢話有一日有個40幾歲嘅女人搵佢影相,而且拜托佢幫手執走啲皺紋、橙皮紋、妊娠纹、肥肉‥‥‥希望自己可以重新靚一次,將輯相送比老公。最後佢哋影咗輯相仲PS得好完美。三日後,攝影師收到一個電郵,內容大致如下:「我係佢嘅丈夫,我同佢由18歲開始拍拖,無咗妊娠纹嘅佢,就等於無咗我哋BB嘅回憶;無咗皺紋嘅佢,就等如抹殺咗過去20年我哋嘅歡樂;無咗橙皮紋嘅佢,就等如無咗我哋一齊好開心咁食咗好多美食嘅回憶。呢輯相入面嘅女人雖然好完美,但已經唔係我太太。多謝你令我發現自己無俾足夠嘅愛佢,由今日開始,我會同佢一齊慶祝佢嘅不完美。」睇完有無毛管戙?我有少少,但都覺得好感動。有興趣可以入嚟睇埋佢嘅完整內容,眼淺嘅帶定紙巾。

Read more ›
有片:內有洋蔥!Extra超感人廣告!
by / on 16/10/2015 at 10:30 am

有片:內有洋蔥!Extra超感人廣告!

好嘢!服晒!唔靠洗腦口號,唔使明星代言,唔使豪花幾多個零,只要有Story,原來香口膠廣告都可以拍得咁感人,雖然睇完未致於眼濕濕,但真係可以令人留下深刻印象。廣告好簡單,一男一女由做同學開始,到拍拖做情侶再到做夫妻,美滿姻緣全靠Extra維繫,窩心位盡在每次約會過後,男仔都會喺香口膠包裝紙上面畫低約會經過,隨住年月過去,包裝紙越畫越多,男仔用相架將之裝幀成一幅幅甜蜜回憶,最後仲成功求婚……

Read more ›
新片速報    泰國又嚟催淚廣告     120萬點擊母子情
by / on 13/01/2015 at 7:11 am

新片速報 泰國又嚟催淚廣告 120萬點擊母子情

泰國經常有催淚廣告,尤其是呢間保險公司Thai Life Insurance,之前都介紹唔少。最近呢間保險公司又有新片,今次玩母子情,仲出動埋垃圾俠!黑黑哋嘅肥仔著晒成身清道夫服裝,仲幻想有唔同法寶可以變身。想挑戰吓自己嘅喊點?3分半鐘時間就可以完成測試。我好叻,今次無喊,因為肥仔個樣有啲搞笑。

Read more ›
新片速報 從天而降24萬任駛 催淚片3百萬點擊
by / on 29/11/2014 at 12:56 pm

新片速報 從天而降24萬任駛 催淚片3百萬點擊

突然從天而降24萬比你,你係咪會用嚟購物?外國呢個活動#MakeTodayMatter好感人,銀行TD Bank經常收到好多借錢嘅申請,今次佢哋揀選咗24個顧客,每人比美金3萬蚊佢,比佢哋實現一直想做嘅事,不過全部都係對社區有貢獻嘅善事,而且要喺24小時內即時行動!有人幫坐輪椅嘅鄰居喺門口搭建通道,令佢4年嚟第一次可以踏出家門,有人幫當地嘅小女孩重建自信。條片都幾催淚,雖然係商業活動,不過就吸引勁多人睇,好聰明。

Read more ›

Twitter熱傳感人相 馬仔吻別臨終主人
by / on 08/11/2014 at 1:19 pm

Twitter熱傳感人相 馬仔吻別臨終主人

呢張相最近噚日起喺Twitter熱傳,相中見倒一隻馬吻別病床上嘅女主人。事緣病床上77歲嘅Sheila Marsh患上癌症末期,佢養咗好多動物,包括6隻馬3隻狗3隻貓,其中同呢隻叫Bronwen嘅馬感情最深,養咗超過25年。當佢壽終正寢時,好想見Bronwen最後一面講聲再見,最後經過醫院同家人嘅安排下,佢哋喺醫院附近嘅街道見面,當主人一叫Bronwen個名時,佢即刻好懂性彎身鍚主人一啖,感人一幕比人影咗放上網,幾小時後Sheila亦離開人世。網民大讚醫院有人情味,努力實現病人臨終願望,抵讚。

Read more ›
有片  催淚廣告300萬點擊    真人真事改編
by / on 20/08/2014 at 7:11 am

有片 催淚廣告300萬點擊 真人真事改編

遲咗少少,不過好想share,呢條泰國廣告片短短兩星期已經喺YouTube有超過300萬點擊,泰國廣告一向有質素,今次嘅主題係音樂同愛,改編自真人真事,彈結他極差嘅中學生經常俾同學取笑,原來佢每日放學後都靠彈結他幫患咗癌症嘅母親籌醫藥費。橋唔怕舊,拍得好一樣可以感動人心。賣嘅係保險公司Thai Life Insurance,佢哋之前都拍咗一系列類似嘅廣告,每次都大受歡迎,入嚟有得重溫。

Read more ›