Post Tagged with: "感人"

外國肥豬女感人身世   3磅迷你豬變650磅嚇親主人
by / on 29/04/2019 at 8:58 am

外國肥豬女感人身世 3磅迷你豬變650磅嚇親主人

外國啲小朋友大得快,豬仔都係。加拿大居民Steve Jenkins同Derek Walter喺2012年朋友轉介下,收養咗隻3磅重嘅迷你豬仔,仲改埋名叫Esther,點知隻豬越養越大隻,一啲都唔迷你,2年後竟然變咗650磅重!但佢哋已經搵唔返嗰位「朋友」,之後佢哋發現間屋唔夠住,最後透過眾籌成功搬屋同起咗個農場,可惜好景不常,豬女Esther之後證實患上乳癌,好彩最終靠網民集資,令佢哋可以支付超昂貴嘅手術費,最終豬女Esther成功醫好癌症,主人仲幫佢嘅傳奇故事寫咗本書《Esther the Wonder Pig》,嚟緊仲會拍成電影,由X-men嘅製片公司Donners負責,而兩位主人亦因為Esther而轉成素食者,鍾意呢隻肥豬女嘅記住入嚟follow埋佢IG嘞!

Read more ›

【感人】外國流浪漢不孤獨 4隻狗狗醫院外守候
by / on 14/12/2018 at 7:06 am

【感人】外國流浪漢不孤獨 4隻狗狗醫院外守候

最近外國熱傳呢件事,巴西一位流浪漢César喺凌晨3點去咗醫院接受治療,姑娘好快發現原來佢唔係得一個人,因為門口竟然有4隻狗狗好乖咁坐喺度等緊佢,個樣仲好緊張咁望住佢接受治療。後來姑娘發現原來流浪漢一直照顧住呢班狗狗,平時就算自己唔夠嘢食,都會顧咗班狗朋友先。之後醫院職員買咗嘢俾César食,佢仲分俾班狗狗一齊食。件事放上網後好多人討論,大家都話好感動,有人話通常擁有最少嘅人願意付出最多,亦有人叫大家多啲體恤露宿者,可以嘅話就買啲食物、送張毛毯俾佢哋,唔好趕佢哋走。冬天嚟緊,大家見到街上嘅露宿者,都可以多一份體諒,可以嘅話就幫助吓佢哋啦。

Read more ›
【有片】日本「拒否犬」超感人    主人有樣學樣攤喺地
by / on 03/11/2018 at 5:16 pm

【有片】日本「拒否犬」超感人 主人有樣學樣攤喺地

日本有好多「拒否犬」,出名散完步攤喺地唔肯返屋企,仲威到有扭蛋出。咁最近有主人就有樣學樣,見隻柴仔瞓喺地唔郁,佢就學佢攤喺地瞓,點知‥‥‥入嚟有片睇,感人!

Read more ›
【有片】失散13年後重聚 喵星人與主人見面超感人
by / on 10/08/2018 at 7:02 am

【有片】失散13年後重聚 喵星人與主人見面超感人

唔見咗隻貓13年,好難想像居然有機會重聚。外國呢位女貓主人Janet Adamowicz喺2005年走失咗隻貓,當時只得4歲嘅Boo自己離開咗屋企,主人好傷心,周圍貼海報同埋登報紙尋貓,但都係搵唔到。估唔到事隔13年,佢居然接到64公里以外嘅動物協會嘅電話,原來職員透過貓身上嘅晶片搵到佢,無見13年,佢哋一見面即時認得對方,隻貓仲走去刷刷主人塊臉同埋喵喵叫,場面好感人。以後呢隻喵喵有好日子過嘞,要健健康康好好享受吓呀。

Read more ›
【圖集】日本「喵插畫」超感人 貓奴必睇Twitter熱傳
by / on 11/01/2018 at 7:30 am

【圖集】日本「喵插畫」超感人 貓奴必睇Twitter熱傳

作為貓奴或者準備養貓嘅人,睇完呢輯插畫會好有同感,同埋覺得好感動。由日本插畫師渡辺こよ (@akuta0716) 繪製,呢兩日喺Twitter好多人分享。第一幅13格,講貓奴經常遇到嘅無奈事,例如隻喵將枱面嘅嘢推落地、成日用個屁股向住你塊臉、不停好惡咁喵喵叫你。不過下一張圖就講你帶喵去睇醫生,驗出有腫瘤,自此你同喵嘅玩樂時間就會變成用嚟關注健康,然後隻喵會離開你,再然後你會遇到呢一隻喵。睇完成個系列,大家應該意識到照顧喵星人係一生一世嘅責任,而且要珍惜同佢哋相處嘅時間,同埋要定期同佢哋驗身。最後提吓大家,記住以領養代替購買,幫助多啲等待領養嘅喵星人。

Read more ›
【超感人】媽媽冇錢買公仔 小朋友包裝箱留言「預留」 職員唔鬧仲送俾佢
by / on 01/07/2017 at 3:27 pm

【超感人】媽媽冇錢買公仔 小朋友包裝箱留言「預留」 職員唔鬧仲送俾佢

係愛呀!今次係認真嘅,因為真係相當感人。英國有個小朋友喺利物浦Asda超級市場見到隻熊貓公仔,好想買返屋企,可惜媽咪要等出糧先有錢買俾佢,為免隻公仔俾其他人買咗,小朋友就喺紙箱上面寫咗段字,內容大概係話:「我媽咪唔夠錢買俾我住,我哋6月15號會返嚟買,所以請你唔好買走佢,否則我會喊架,多謝你,另外隻熊貓公仔個名叫『Pandy』!」之後超市職員發現咗,影相放上網後搵到呢對母子,跟住職員仲用自己錢買咗隻公仔,約咗佢哋嚟超市送俾佢哋。小朋友收到後好開心,之後媽媽喺網上留咗段言,話好多謝Asda嘅員工,仲話仔仔提議將本來買呢隻公仔嘅錢捐去一個慈善團體,入嚟有詳情,好有愛,好感人。

Read more ›

【任記超體貼】日本失明小機迷想要《節奏天國》新作 任天堂用凸字回信
by / on 21/05/2017 at 1:22 pm

【任記超體貼】日本失明小機迷想要《節奏天國》新作 任天堂用凸字回信

任天堂點解咁多fans?可能你會喺佢嘅主機同遊戲設計中見到佢嘅人性化,但今次呢件事更勁,更睇到佢哋嘅人情味,如果你係任記fans,你會覺得不枉我支持咗佢咁耐!話說有一位爸爸喺Twitter出咗個post,就係話佢個囝囝寄咗信俾任天堂,之後得到回信。當然唔係咁簡單,首先,佢囝囝名叫酒井響希,佢喺歲半時不幸患上視網膜母細胞瘤,喺兩歲時因為醫治保命而變成完全失明,不過佢仲好鍾意打機,當中任天堂嘅《節奏天國(リズム天国)》就係佢最愛,亦都係唯一一個遊戲系列佢可以完全破關嘅,佢仲喺呢個系列中所有小遊戲都得到滿分。最近佢就寫咗信俾任天堂……

Read more ›
【新片速報】糖尿症男童與狗狗 超感人齊齊參加畢業禮
by / on 15/05/2017 at 11:10 am

【新片速報】糖尿症男童與狗狗 超感人齊齊參加畢業禮

人同狗之間嘅深厚感情有時真係令人好感動。外國小朋友Tyler McCready細細個患上第1型糖尿病,因為呢個病,令佢要時刻檢測自己嘅血糖含量,仲不時會昏迷,呢個病更令佢患上抑鬱症。直至佢嘅屋企人帶咗服務犬Sinatra返屋企,呢隻狗狗竟然可以感測到小主人嘅血糖情況,仲因為咁而救咗主人幾次。最近小主人高中畢業,仲帶埋狗狗一齊出席畢業典禮,人同狗都著上畢業袍戴埋畢業帽,好感人。嚟緊小主人會入大學讀書,狗狗都會繼續陪住佢,不過好似小主人嘅爸爸所講,其實狗狗喺佢哋心目中已經係博士級數嘞!

Read more ›
【新片速報】打機遇上生死之交    超感人友情Twitter熱傳
by / on 09/02/2017 at 7:25 am

【新片速報】打機遇上生死之交 超感人友情Twitter熱傳

呢段片好感人,有打開機嘅就明。段片喺Twitter已經超過16萬個分享,好誇張。事緣日本網民@koumai_jp玩緊隻遊戲《H1Z1: King of the Kill》,期間遇到一個住喺美國「邁阿密」嘅玩家,對方知道佢來自日本好開心,仲話自己好鍾意日本!之後雖然兩人素未謀面,但就互相幫忙,一齊經歷生死。期間佢哋會俾武器對方,臨尾日本玩家突然被搶殺,「邁阿密」竟然衝出嚟幫佢報仇,話仇家消滅咗日本!可惜最後佢都被槍殺,壯烈犧牲。日本玩家Cap咗片放上網,仲加咗幾句感言,話:「自此我無再遇過「邁阿密」,希望對方會諗起我,雖然我哋人生之中未必會再遇,但已經成為咗好朋友。」由於件事太浪漫,有網民仲幫佢哋畫咗幅插圖,唔知「邁阿密」有無機會睇到段片,然後再同日本仔相遇呢?

Read more ›
【新年廣告】台灣同性戀賀年廣告     紅到日本網民讚感人
by / on 28/01/2017 at 1:43 pm

【新年廣告】台灣同性戀賀年廣告 紅到日本網民讚感人

呢個台灣廣告最近喺網上好紅,仲傳到去日本。新年見到親戚其中一個最怕被問嘅問題就係「有無女朋友?」或者「點解仲未結婚?」如果係同性戀者,感受應該更深。台灣「婚姻平權大平台」早兩日出咗個報紙廣告,好多專頁都有分,唔少網民睇完都話好感動。廣告中嘅兩個男仔,由於唔可以公開戀情,所以雙方每次新年只可以靠穿著相同款式嘅衫去想念對方。有台灣人將廣告內容翻譯成日文再放上Twitter,吸引好多人RT。同志們加油,新年快樂!

Read more ›
【新年小感動】日本超感人利是封      暗藏催淚漫畫
by / on 01/01/2017 at 1:57 pm

【新年小感動】日本超感人利是封 暗藏催淚漫畫

【新年感人小故事】日本超感人利是封      暗藏催淚彈漫畫故事 首先祝各位讀者新年快樂,2017繼續有機打有嘢玩!日本小朋友今日有「お年玉」(利是) 收,人人都好開心嘞,有網民放咗呢款好特別嘅利是封上Twitter,正面睇無乜嘢,原來細節喺背面,後面有一格格嘅漫畫,可以拉背面嘅機關睇到,而且個故事好長,講一個少女由細細個收到屋企人俾嘅利是開心到跳起,到10年後新年唔同屋企人過,再10年後新年忙於工作,然後婆婆離世一刻,依然留咗封利是俾佢。再之後就係10年後佢為人母親,封咗封利是俾自己嘅小朋友。大人細路睇都會好感動。人生有幾個10年?2017記住多啲愛錫屋企人呀!

Read more ›

【有片】超感人    流浪狗媽媽有嘢唔食     咬住走原來係咁
by / on 30/12/2016 at 7:20 am

【有片】超感人 流浪狗媽媽有嘢唔食 咬住走原來係咁

段片唔係最新,不過啱啱先睇到好想分享吓。段片已經超過170萬觀看次數,事緣有網民去泰國曼谷旅行見到有隻流浪狗,隻狗狗眼定定望住佢想攞嘢食,食緊串燒嘅佢決定分一串雞肉俾隻狗狗,點知隻狗咬住串嘢之後無食到,反而走咗去。好奇嘅佢跟踪隻狗,最後發現原來佢係拎返去分俾自己嘅仔女食‥‥‥好多人睇完都話超感動,下次喺街見到流浪狗,記住關心佢哋多啲,可以嘅話就帶罐狗罐頭俾佢哋開心吓啦。

Read more ›
【感人】無耳喵星人遇上焦慮症主人 一拍即合互相扶持
by / on 09/11/2016 at 7:13 am

【感人】無耳喵星人遇上焦慮症主人 一拍即合互相扶持

好感人嘅故事,外國有個女仔Molly Lichtenwalner自從車禍後患上焦慮症,之後佢遇到因病而要切除耳仔,然後被前主人遺棄嘅喵星人Otitis。Molly毫不考慮決定收養呢隻喵星人,而家佢哋形影不離,成為彼此最親密嘅朋友。Molly仲話,唔係佢幫咗Otitis,而係Otitis幫咗佢。佢仲話當初決定收養一隻動物時,已經決定收養有特別需要嘅成貓,如果多啲人都願意收養成貓,佢哋被人道毁滅嘅機會就會大大減少,有意收養喵星人嘅朋友,除咗小喵之外,成貓其實都好得意架。

Read more ›
【浪漫到癲】女書迷嫁書店Twitter管理員 一切由Pokémon開始
by / on 21/07/2016 at 8:08 pm

【浪漫到癲】女書迷嫁書店Twitter管理員 一切由Pokémon開始

「巴打,我留意咗你好耐,你真係好幽默……」喺網絡上面表現自己幽默一面,睇嚟都真係有計喎!呢個Twitter愛情故事,直情浪漫到可以拍成電影都得。話說Jonathan O’Brien係倫敦Oxford Street一間Waterstone書店嘅Twitter管理員,咁佢就喺2012年出過一段文:「While there are now millions of books, the first 150 were obviously the best. No, wait..that’s Pokemon.」(好彩係當年,如果係近期,女方可能會覺得佢只係沉迷電話遊戲……),女書迷Victoria Carlin覺得大家又鍾意書又盛就開始留意佢,仲話已經暗暗鍾意咗佢。呢次開始,佢哋開始喺網上交流,管理員先生對於呢個「示愛」,只係回覆一句話其實自己喺現實世界唔係咁吸引……就喺唔係好耐之後,小鹿亂撞嘅女書迷Carlin有一次喺網上見到男方寫話好想食Doughnut,佢終於鼓起勇氣,買咗包Doughnut就衝去書店,佢一邊行一邊心諗唔知自己做緊乜,直到入到書店,上樓梯,佢見到一位比佢想像中要高嘅男仔問佢:「Hi, how can I help you?」嗰吓佢俾咗袋Doughnut佢,拋底一句:「Here you go, there’s a doughnut. As requested.」就走咗…….呢個愛情故事就喺呢一刻昇華到另一個境界!嚟到差唔多4年後,就喺啱啱早兩日,女書迷嘅Twitter就出現咗幾張相,加一句:「Dear reader, I married him.」除咗恭喜之外,我心諗,我作為一個facebook管理員,身高180cm,平時寫嘢都盡量懶係風趣,又鍾意Pokémon,咁……

Read more ›
【感人】地盤工人自製娛樂俾病童 Waldo紙牌每日收藏地盤不同角落
by / on 21/07/2016 at 7:14 am

【感人】地盤工人自製娛樂俾病童 Waldo紙牌每日收藏地盤不同角落

呢啲真係鐵漢柔情。美國呢位地盤工人Jason Haney好有愛心,知道地盤旁邊嘅小童醫院嘅病童好悶,於是同囡囡夾手夾腳整咗塊8呎高嘅Waldo紙牌,然後每日收喺地盤不同角落,等住喺對面醫院嘅小朋友可以慢慢搵。佢仲專登開咗個Facebook群組,小朋友搵到之後影相放上群組就得!每次有人發現Waldo之後,佢就會將Waldo移去地盤其他地方,而家醫院嘅小朋友都瘋狂玩緊呢個遊戲。好多人都上去Facebook群組讚Jason好有愛心。有個咁細心又咁有愛心嘅爸爸,我覺得佢個囡囡好幸福呀!

Read more ›