劉雲傑x米路沙的「愛情迷宮 冷酷異境」 動漫基地搞展覽

灣仔動漫基地搞開嘅「comiX eXchange──漫畫x跨媒介創意展覽」去到系列五,今次主題係「愛情迷宮 冷酷異境」由劉雲傑同首辦玩具設計師米路沙(Miloza Ma)擔大旗,官方又此形容:「兩人用自己的作品,把動漫基地設計成跨媒介的『愛情迷宮』,觀眾置身其中,彷彿在談一場或得或失的戀愛,經歷愛情路上的甜蜜、困惑與迷失。」內容非常公關稿,講完唔太明講乜?我都唔多明,唔明不如直接參與工作坊,同偶像漫畫家影吓相,交流吓港漫意見,值得一提嘅係,大師班喺2月14日情人節舉行,孖埋另一半去得,無女嘅單拖捧場亦唔失禮,係咪好節目先?

Read more ›