Post Tagged with: "意外"

日本超慘食客遇意外    斟熱水水流爆出Twitter熱傳
by / on 25/02/2020 at 7:50 am

日本超慘食客遇意外 斟熱水水流爆出Twitter熱傳

真係無妄之災,呢啲餐廳嘅斟水器大家都用過,不過日本呢位網民就唔好彩,一撳落去啲水竟然爆出!係爆出呀,熱到佢即刻掉低隻杯,睇片都覺得痛。睇返意外嘅發生,應該係啲水力太強勁,衝咗入杯之後反彈落隻手度,入嚟有片回帶睇。

Read more ›

日本網民迪士尼奇遇 意外收到米奇雕花樹葉
by / on 02/02/2020 at 5:55 pm

日本網民迪士尼奇遇 意外收到米奇雕花樹葉

疫症下香港同上海嘅迪士尼樂園都關閉咗,不過東京仲未,最近有日本網民分享咗一段有趣經歷。話說佢去樂園期間,有個迪士尼嘅職員突然拍佢同佢講:「你個袋上面有啲嘢喎」,當佢睇吓嘅時候就發現呢塊雕咗米奇老鼠通花嘅樹葉,超靚!好多網民睇完都好羨慕,原來有其他網民都拎過,除咗米奇之外,仲有史迪仔雕花嘅樹葉,想攞嘅話都有少少秘訣,就係喺Tom Sawyer Island嘅途上,想拎嘅可以去附近碰吓運氣。

Read more ›
日本無臉男被警察圍? cosplay一日遊發生意外
by / on 07/09/2019 at 1:57 pm

日本無臉男被警察圍? cosplay一日遊發生意外

睇到張圖,唔好以為幪面都會俾警察拉,其實呢個日本網民cosplay無臉男出街玩,不過返屋企途中佢發現自己跌咗銀包,唯有以呢身造型去警察局‥‥‥留意佢仲搵隻眼嚟飲嘢,好囂張。入嚟有得睇網民為佢創作嘅畫作。

Read more ›
日本網民狂改圖 雞蛋意外爆裂圖Twitter熱傳
by / on 24/05/2019 at 7:02 am

日本網民狂改圖 雞蛋意外爆裂圖Twitter熱傳

有無試過煮雞蛋時,個蛋殼裂開咗,之後啲蛋白蛋黃飛晒出嚟?日本有網民最近試咗,但佢嘅完成品好有個性,飛出嚟嘅蛋黃仲好似一對腳咁。張相喺Twitter超多人RT,仲有好多人出手改圖,有人諗起蛋黃哥,有人話佢係謎之生物,超搞笑,入嚟有回帶。

Read more ›
【新片速報】日本網民打保齡 超無奈意外Twitter熱傳
by / on 14/01/2019 at 7:06 am

【新片速報】日本網民打保齡 超無奈意外Twitter熱傳

打保齡最想梗係全中啦,補中都爽嘅。不過呢位日本網民就慘啲,佢分享咗段片,片中佢仲差一支樽就可以全中,當佢信心十足咁推出去,而睇落勝券在握嘅時候,慘事就發生嘞‥‥‥

Read more ›
【有片】萬聖節渋谷街頭出意外    行人阻車前進被摔落地
by / on 01/11/2018 at 7:03 am

【有片】萬聖節渋谷街頭出意外 行人阻車前進被摔落地

萬聖節日本超多人變裝cosplay出街玩,其中渋谷就超熱鬧嘞。不過人多嘅地方特別易有意外,有網民喺Twitter分享咗段片,有個女人喺人哋架車上面有踩又跳,之後車上有人衝出嚟,然後一嘢將個女人摔落地‥‥‥睇片都覺得痛,點都好,都唔應該出手傷害人,如果頭落地嘅話真係好危險。所以大家玩之餘都要注意,唔好樂極生悲。

Read more ›

日本MariCar遊客鏟上行人路 網民鬧爆影響任記形象
by / on 04/05/2018 at 7:58 am

日本MariCar遊客鏟上行人路 網民鬧爆影響任記形象

好多外國遊客鍾意去日本揸呢款MariCar,間公司而家面對緊任天堂嘅版權訴訟問題,後者索償緊1千萬円,同時間佢哋嘅安全問題都成為好多人嘅討論焦點。近來有越嚟越多意外發生,最近又有一單,事發地點係東京六本木,有架MariCar鏟咗上附近一間餐廳嘅門口,撞爛咗個招牌停咗喺道牆前面,司機據知係一個30幾歲嚟自新加坡嘅女士,件事喺Twitter好多日本人討論,有人話會影響任天堂嘅形象,有人話遲早有更嚴重嘅意外發生,政府應該要收緊對呢類型車嘅監管,如果準備去日本揸MariCar嘅記住要小心,唔好影響其他人甚至危害到自己嘅性命,諗清楚先好。

Read more ›
日本網民又發現 Google地圖電單車炒車意外
by / on 20/10/2017 at 7:17 am

日本網民又發現 Google地圖電單車炒車意外

Google Street街道實景圖經常影到特別嘢,之前有人踩踩吓單車跌落坑,今次就有呢輯電單車倒地相。地點係國道425號,睇相都覺得好痛。

Read more ›
【奇人奇事】中國罕見意外傳到日本 頭部卡實洗衣機網民笑了
by / on 02/06/2016 at 7:14 am

【奇人奇事】中國罕見意外傳到日本 頭部卡實洗衣機網民笑了

【奇人奇事】中國罕見意外傳到日本 頭部卡實洗衣機網民笑了 啱啱喺日本討論區見到呢單中國新聞,話說福建省一個男人見屋企部洗衣機唔郁,於是伸個頭入去水桶底搵吓有無異物,點知易入難出,個頭就咁卡住咗喺洗衣機入面!無論朋友點樣努力都救唔到佢,最後唯有報警。消防員到場後驚佢缺氧,於是出動大陣仗嘅儀器拆機,事發嘅相喺網上廣傳,仲傳到去日本。日本網民嘅留言都好精警:「呢個人本來係咪黑人?」、「好有大陸風味」、「好似洛克人個Boss」、「係咪想洗頭?」。算啦,好彩意外無人傷亡,不過講真張相係搞笑嘅。

Read more ›
有片  日本JR列車意外 公公為救孫仔衝出路軌撞斃
by / on 10/08/2015 at 7:10 am

有片 日本JR列車意外 公公為救孫仔衝出路軌撞斃

  呢單日本新聞好傷感,喺網上好多人談論。8月8月日上午10時5分,日本福井縣坂井町一架行駛中嘅JR列車,因為剎車不及,撞倒6歲學生同佢66歲嘅公公,二人當場死亡。列車司機話當時見到路軌上出現一個小童,於是緊急剎車,但已經太遲。至於點解會撞倒公公,估計係因為對方見情況危急,於是衝出去以身體覆蓋孫仔。事後好多網友話好感動,亦有人建議遇到呢啲危急情況,應該將孫仔撞出路軌,有網友附圖一個外國婆婆一腳踢走路軌上嘅小童避過意外(入嚟有gif,不過明顯係假圖)。無論如何,親人嘅愛真係好偉大,衷心希望二人安息。

Read more ›
【感人】日本車站出意外   乘客齊心合力推車救人
by / on 01/08/2015 at 1:35 pm

【感人】日本車站出意外 乘客齊心合力推車救人

日本人質素高,而且應急能力強,每次見到呢啲畫面都令人好感動,2013年7月都試過有月台乘客團結推車救人,我哋都報導過,入嚟有回帶。今日(1/8)凌晨時份日本東京出名繁忙嘅品川車站再發生意外,一位乘客跌咗落車廂同月台間嘅空隙,千鈞一髮間,所有人齊心合力一齊將架車向前推,最後夾喺中間嘅乘客被救出,事後好多人喺Twitter舖文,件事發生後亦令到唔少列車要延誤,現場就有好多趕住搭車去機場嘅旅客破口大罵‥‥‥民族質素高下立見。

Read more ›