Tag: 惡搞

有片:《半沢直樹》大惡搞!陀背半沢!肥婆壇蜜!

呢條日本惡搞《半沢直樹》嘅癡線短片,雖然係一個月前,但我前前後後睇咗五六次,次次都識得笑,實在太攞你命三千,原裝電視劇各主要角色統統被惡搞醜化,笑到眼淚水都標。

Read more ›

宮本茂被惡搞 變身孖寶撒爾達

巴西藝術家Butcher Billy我哋之前介紹過幾次,佢好鐘意任天堂嘅作品,試過將瑪利奧變punk友,仲威到係由官方親自邀請設計嘅。最近佢又有新作,就係將任天堂之父宮本茂變成任記經典角色,包括瑪利奧、撒爾達、公主、King Kong、Standfox等等,最搞笑係將佢變成孖寶兄弟入面粒金星同埋鬼鬼,惡搞味極濃。有理由相信今次創作係非官方嘅,因為我諗宮本茂本人應該唔想見到自己呢幾個造型‥‥‥

Read more ›

2DS網民瘋狂惡搞 《戰狼300》當盾用

本週最奇幻嘅消息,一定係任天堂宣佈出2DS,雖然賣平咗,但款式大膽得滯,預咗會被瘋狂惡搞。日本網民好快手,單新聞出咗幾個鐘,網上已經有大量改圖,例如變咗《戰狼300》,串2DS大到可以當盾用;又可以當斧頭斬開對手PS Vita,連前排好hit嘅《The Last of Us》都玩埋,鬼叫你個樣咁醜,抵嘅。

Read more ›

牛仔很忙 胡迪再版爆笑圖集 網上熱烈share

海洋堂山口式胡迪再版,又挑起之前已經買咗呢隻嘢嘅玩具攝影迷條筋……呢隻胡迪由於可以轉換表情動作,而且對眼極之淫邪,極富潛力,所以經常被玩具迷惡搞影相,再版消息傳出後,網上又出現大量圖片,本住開心share嘅精神,我哋集合咗大量胡迪寫真比大家星期日慢慢重溫,我一邊舖相一邊忍唔住笑到肚痛!

Read more ›
【編輯Blog】Reika:繼續《衝上雲霄II》包青天都玩

【編輯Blog】Reika:繼續《衝上雲霄II》包青天都玩

今個星期遲咗三日先交編輯Blog,因為我真係好忙,忙住每晚追睇《衝上雲霄II》,同時間又忍唔住追睇網上面嘅討論、改圖、改歌等等,為咗表達對林子祥唱主題曲嘅不滿,網民大肆改歌詞發洩,最新有包青天主題曲配《衝II》,效果夾到絕,我聽一次笑一次。

Read more ›

星戰二次創作 惡搞Nike Adidas

要數被惡搞得最多嘅品牌Logo,Nike一定入三甲,今次剔號變激光劍,Nike變Jedi,仲有金句Do or Do Not。由紐西蘭設計師Barn Bococks二次創作嘅Brand Wars series,除咗玩Nike,仲玩埋死對頭Adidas、Puma、Reebok等運動品牌,連Pizza Hut、Burger King都有份,老實,今次二次創作幾高水準,食埋字玩埋設計,連slogan都精心設計,鐘意Star Wars嘅睇完實會心微笑。

Read more ›

毛主席變Darkseid 獨裁者被惡搞

呢個巴西藝術家Butcher Billy之前介紹過,將瑪利奧變punk友、史泰龍變蝙蝠俠嗰位。今次新作品將歷史上著名獨裁者,變成漫畫大奸角。好似我哋熟悉嘅毛主席,就變成擁有死光眼,可以單手掐死超人嘅Darkseid,作者話因為佢同漫畫角色一樣,塊面好似石化咗咁,永遠得一個樣。至於拉登就變綠魔俠;希特拉就變成Marvel大奸角Galactus、卡達菲呢個利比亞獨裁領袖就係怪胎超人Bizarro。話時話,好在我用緊嘅係facebook,如果唔係分分鐘比人河蟹‥‥‥

Read more ›