Tag: 惡搞

【P圖戰】實習生第一日返工瞓著咗 網民瘋狂惡搞

外國Reddit呢幾日好多人瘋狂惡搞呢張圖,左上角張相中間嗰位肥仔去咗間科技公司做實習生,點知第一日返返吓工就瞓著咗,班同事梗係唔放過呢個機會,即刻湧埋去同佢影合照,之後張相放上網後好快就有人喺Reddit開post召集網民玩P圖戰,啲改圖仲要勁精彩,例如變喪屍、幫佢戴VR眼罩、全部員工變晒佢嘅瞓覺樣、主角復活識眨眼嘅GIF圖、全部變晒萬能key尼古拉斯基治等,有人突破盲點發現原來佢激似美劇《Game of Thrones》嘅肥仔Sam,仲幫佢神還原,入嚟慢慢睇。

Read more ›

有片:神級惡搞!《葉問4:決戰羅莽》!詠春戰羅莽360!

好佩服Youtube頻道「capTV」,咁抵死過癮嘅惡搞都諗得出,《葉問4》喎,打完日本人打完洪金寶打完拳王泰臣之後打羅莽喎,淨係呢個戲碼已經夠好笑,夾硬幫「最難捉摸導演」同Wilson Yip同「宇宙最強」Donnie Yen改對白簡直癲喪,而泰臣一句:「My name is Tyson,Tiger個Ty,神仙個son。」九唔搭八程度亦達十粒星。最最最最最攞命係招式名,甚麼羅莽360、羅莽280、羅莽旋風腿、羅氏迴旋、羅莽連彈、羅氏世界……大佬呀,搞到我真係想《葉問4》搵羅莽做主角呀。

Read more ›

有片:爆笑!唔驅魔改叫北姑!《陀地驅風油》惡搞《陀地驅魔人》

薑檸樂呢條《陀地驅風油》係幾好笑嘅,惡搞張家輝套《陀地驅魔人》,將人哋正正經經一個驅鬼故事,變成寧要北姑不要陀地嘅召妓故事,氣氛營造得好正,對白亦改得好幽默,最搞鬼係幾乎每個Shot都捉到足。我笑點低,真係笑咗,唔知俾張家輝睇,佢會唔會笑得出?

Read more ›

【惡搞無罪】名人明星被key圖 零違和任玩唔怕

講返今次呢輯圖,係無聊嘅,不過實行容易而且效果好正,由Joel Strong製作嘅相集「My Day With Leo」已經嚟到第二輯,繼續將名人喺雜誌上嘅大頭相夾硬剪落嚟,再貼落去其他人嘅日常生活照入面,勁在零違和感,而且粒粒巨星,積尼高遜露腿去荷李活山影相、尼古拉斯基治攬女high爆,仲有回到未來嘅男主角同博士一齊出場,張張都好搞笑。話時話,通過咗網絡23條之後,香港人放呢啲相上網都分分鐘要被刑事起訴,唔想每日生活喺白色恐怖下,點都要企出嚟捍衞!

Read more ›

【士巴拿好合理】車房技工惡搞名畫 背景變車房臨記好專業

作為一個汽車維修員,影寫真都係好合理嘅。呢輯相流傳到去日本,淨係個概念都無得頂,一班汽車維修員模仿返名畫嘅構圖二次創作,不過背景就變咗做車房,一班臨記都好入戲。名畫方面有大家都熟識嘅達文西《最後的晚餐》,不過更正係米開朗基羅創作嘅《創造亞當》,兩隻觸不到的手,中間居然變咗做一支士巴拿,好浪漫!

Read more ›

【政界萬能Key】美國總統候選人Donald Trump 網民瘋狂惡搞

今年美國總統候選人之中,呢位共和黨總統參選人Donald Trump嘅人氣絕對係三甲之內。除咗因為佢自創嘅髮型夠話題性之外,仲因為好多人鍾意惡搞佢。網站Design Crowd最近搞咗個活動,比網民將Donald Trump個樣key入經典電影場面入面,網民反應超踴躍,《戰狼300》、《大白鯊》、《閃靈》、《驅魔人》、《沉默的羔羊》,貴為設計網站,參加者大部份都係設計師,所以水準好高,加上Donald Trump平時嘅表情又夠誇 (特別係同奧巴馬相比嘅話),堪稱政界萬能Key,key去邊都無乜違和感,難怪網民都話如果佢當選以後肯定有排玩。

Read more ›

有片:惡搞雙霸 甘小文 x Galaman工作坊

灣仔動漫基地其實都幾多搞作,係衰在宣傳唔多無乜Noise。「comiX eXchange──漫畫x跨媒介創意展覽」嚟到第三彈,今次由本地惡搞始祖甘小文聯乘新一代網絡惡搞動畫創作人胳肋文(Galaman)擔大旗,有講座,有展覽,有工作坊,如果大家有睇開《鐵將縱橫》嘅甘員外四格漫畫,你會發覺甘小文嘅笑話一啲都唔Out,至於胳肋文,公仔都唔靚得去邊,但作品有Message夠核,為咗隆重其事,胳肋文仲創作咗兩條動畫《寵茂小精靈》同《我要真插水》作聽日開幕酒會首映,大家有時間可以去掟個Round喎。

Read more ›

喵星人與唱片舖 日本做喵真幸福

唱片舖買少見少,人人都用音樂串流,撳個掣即時聽,反而令人好懷念行唱片舖買CD嘅日子。呢幾日好多日本網友RT呢幾張相,除咗因為唱片舖,更主要係因為主角係喵星人,總共有4張圖,分享咗唔同喵星人喺唱片舖懶洋洋嘅得戚樣。睇班喵星人不問世事攤喺唱片套上面瞓覺嘅相,好寫意,仲帶有幾分文青feel,重點係:「喺日本做貓真幸福!」

Read more ›

蜘蛛俠惡搞喵星人 又趴又擒好煩膠

如果屋企有養寵物,又咁啱有好多玩具嘅話,好似呢位日本網友咁影吓相都幾好玩,仲好多人RT添。佢叫@xxhama2,屋企有貓有狗,睇相見佢應該仲好鍾意蜘蛛俠,因為佢成日拎隻蜘蛛俠嚟惡搞兩隻小動物。例如放粒狗零食喺蜘蛛俠隻手度引隻狗狗,或者迫蜘蛛俠趴喺喵星人個身度搞佢,將蜘蛛俠嘅潛能無限發揮。睇見喵星人個無奈樣,我諗佢好憎蜘蛛俠,好想講:「走開啦喵。」

Read more ›

有片:惡搞《Jurassic World》 彈球變水晶球觀光車 咬髮夾扮恐龍

片名《Jurassic World Parody Fanmade Trailer》,計惹笑程度,呢條片值滿分。惡搞《Jurassic World》官方Trailer片段,女主角又黐鬚又換衫又戴帽,一人分析男女主角、博士、兩兄弟等多角都唔只,仲要揸槍扮追殺恐龍、揸住檯燈扮揸電單車、咬住個髮夾扮Indominus Rex、飛起身扮小翼龍。扮唔掂咩,用埋低能道具,彈球扮水晶球觀光車好爆笑,模型飛機扮直升機爆炸,跟埋口形念對白足見誠意所在。我睇咗三次,都笑得出,唔排除睇第四次……

Read more ›

【有片】爆發惡搞潮 《幪面超人Drive》「松島庄汰」猛虎落地勢

耐唔耐,喺動畫或者特撮片中都會出現一啲奇妙情景,之後網民又會發揮創意改圖……最新成為惡搞素材嘅就係《幪面超人Drive》入面「松島庄汰」沙攤飛撲呢一幕,講真,佢飛撲嗰又真係好強彈跳力,而且無論動作同表情都有極大潛力……日本Twitter有人話佢呢招可以媲美「猛虎落地勢」,入嚟有退地素材可以慢慢玩……

Read more ›

2022世界盃贊助商LOGO被惡搞 VISA / Coca-Cola發聲明

2022年世界盃會喺中東卡達舉行,不過活動未開始已經有一連串醜聞爆出,賄選之外仲有1400個勞工死於建築工程,有外國組織就將幾個贊助世界盃嘅國際品牌LOGO改圖,例如麥當勞標誌就變成短鞭、adidas變墳墓,其他被惡搞嘅仲有VISA、SONY、Coca-Cola、Budweiser同韓國汽車品牌KIA,啲設計同標語同好精警,呢堆品牌好多都發表咗聲明敦促大會FIFA要處理好問題,咁搞法,2022年世界盃會唔會轉地點?

Read more ›

新目標出現!湯告魯斯惡搞圖 徒手擒飛機潛力無限

外國人都好鍾意惡搞改圖,之前奧斯卡硬咀Scarlett Johansson嘅John Travolta以至北韓嘅金正恩都係熱門被搞對象,不過最近有勁敵嘞,佢就係新一集《Mission Impossible: Rogue Nation》入面嘅湯告魯斯!戲中凌空徒手擒飛機嗰幕經常出現,仲做埋海報,咁有潛力,唔改真係對唔住自己。於是網上就湧現大量改圖,當然有外國網民最鍾意嘅萬能key尼古拉斯基治啦!BTW,想改埋一份入嚟有PNG下載。

Read more ›

再惡搞言情小說 《Gundam Build Fighters》變《壞總裁壁咚我》

  又嚟!記唔記得上個月有一個「妻龍珠」系列小說出嚟?啲封面學晒台灣啲「總裁」系列小說,菲利、斯路、布歐變晒寫實女主角……點知作者又再嚟料,首先係《龍珠》嘅無閑出場變《老外施主偷吻我》,再嚟仲有《GBF Try》嘅「愛的創鬥者系列」《壞總裁壁咚我》;仲有!艦娘都走唔甩,係「愛之船系列」嘅《壞提督調教我》,入嚟有內容簡介,真心笑點滿載。

Read more ›

奧巴馬愛睇動畫 網民惡搞圖集

之前其實一直有傳,話奧巴馬Obama係一名動畫迷……當然佢冇講過話自己係《LOVELIVE!》fans,亦都冇話《Evangelion》係美國官方動畫,但係網民就一直都冇放過佢,呢幾年間不停改圖,務求令大家覺得佢係「Anime first, and then economy.」嘅總統……

Read more ›