戸田恵梨香參演!新作《Death Note》電影再演「彌海砂」

嘩嘩嘩!呢個消息不得了!之前報道過今年會有新作《死亡筆記Death Note》電影,故事講「藤原竜也」演嘅「夜神月」同「松山研一」演嘅「L」對決10年後,世界出現6本死亡筆記……以為舊主角一個不留,但啱啱官方宣佈,27歲嘅「戸田恵梨香」將會回歸參演!演出10年後嘅「彌海砂」!放棄咗死亡筆記記憶嘅「彌海砂」繼續做女優,只有夜神同L嘅記憶,但面對新嘅死亡筆記擁有者,到底呢位「大姐姐」佢會有咩命運?同埋,當年換咗兩次死神之眼,咁咪得番1/4壽命?咁佢都應該差唔多,但死神雷姆又因為救佢而死,即係又加番……我好亂,但我最懷念佢被拷問嘅場面,入嚟有回帶。今次係戸田繼2008年《L change the WorLd》之後再演「彌海砂」,瘦咗好多嘅佢,少咗份可愛,超期待成熟版嘅「彌海砂」出場!10月29日,日本上映。

Read more ›