fbpx

Tag: 情侶

日本宅急便出「貓耳BOX」 黑白貓心形尾情侶超冧

日本宅急便出「貓耳BOX」 黑白貓心形尾情侶超冧

相信大家最近都多咗網購,作為貓奴,收到呢個貓紙箱應該好開心。日本有隻黑貓做生招牌嘅宅急便公司YAMATO最近推出呢款「貓耳BOX」,一黑一白,收貨之後仲可以當佢做儲物箱,寫咗地址嘅位置可以收喺下邊。將一黑一白並排之後,喺後面睇更加會見到兩隻貓尾形成一個心形,啱晒情侶送俾對方,一對兩個1200円,貓奴應該好想買。

Read more ›

情侶森林影訂婚照 遇重金屬Band友一拍即合

情侶森林影訂婚照 遇重金屬Band友一拍即合

訂婚喎,咁大件事喎,影相嗰陣喺森林見到四個咁嘅友,嚇鬼啦。不過John Awesome同Nydia Hernandez呢對情侶冇調轉頭去第二度影,而係邀請正喺加州Holy Jim Canyon森林影緊宣傳照嘅地區樂隊Coldvoid齊齊影相,咁攝影師Janet Wheeland都好樂意咁影,而且個效果……都幾特別……

Read more ›
十萬個激嬲女友的理由出Boardgame 情侶啱玩

十萬個激嬲女友的理由出Boardgame 情侶啱玩

我睇到嘅係商機,面書專頁「十萬個激嬲女友的理由」受港仔港女歡迎,受歡迎到出Boardgame《十萬個激嬲女友的理由-花式自殺》,可容納4至8人玩,即係最多四Pair情侶一齊玩喇,平均半粒鐘玩完一鋪,每盒$180。官方咁樣宣傳:「古語有云︰遇上對的人,日日都可以係赤口。如今,你有一個學習的機會。『十萬個激嬲女友的理由』正式授權,體驗口賤的快感,置身盛怒的心情,令你又愛又恨的桌上遊戲!」情侶們有必要買番副傍身,想嗌交?玩番局消消氣喇。

Read more ›
【連環圖】京都大學「去死去死團」 聖誕拆散情侶儀式啟動

【連環圖】京都大學「去死去死團」 聖誕拆散情侶儀式啟動

聖誕節見到人哋一雙一對,自己就一個人,係有種想搞破壞嘅心情嘅。日本京都大學今次有呢個去死去死團出動,佢哋來自Twitter群組「京大職員同好會」,最新出咗幾張連環圖,幾個人夾手夾腳,將校園入面一對甜蜜戀人拖手嘅海報「粉碎」咗,監生拆散咗人哋,仲將個女仔搬咗去校園嘅「立て看墓場」草地,宣佈正式死亡。完成儀式之後佢哋似乎好滿意,仲放晒上Twitter,不過就將自己個樣用emoji遮住咗。

Read more ›
【新片速報】外國真人版「去死去死團」 剷底情侶片Twitter熱傳

【新片速報】外國真人版「去死去死團」 剷底情侶片Twitter熱傳

睇完呢段片我又諗起情侶去死去死團。對於單身嘅朋友嚟講,最怕見到人一雙一對周街放閃,不過外國大學Welsh University呢位學生嘅反應就有啲過份嘞,睇片見佢離遠助跑,之後一嘢剷底嗰對攬緊嘅情侶,樓主話段片係佢朋友send俾佢嘅,暫時Twitter已經有4百萬瀏覽,入嚟有得睇。

Read more ›
【避難所】你最期待的畫面 日本餐廳第4年平安夜禁情侶入店

【避難所】你最期待的畫面 日本餐廳第4年平安夜禁情侶入店

已經嚟到第4年喇,呢間東京八王子嘅餐廳「スパゲッティPiaPia」,帶起平安夜謝絕情侶潮流,俾單身友一個快樂聖誕。咁之前都報咗啦,日本o依家都唔只得佢哋咁做,但好多人都期待佢哋今年嘅告示,出咗喇,老闆話臨近聖誕佢都會收到好多……

Read more ›

聖誕共患難 吉祥寺餐廳禁情侶內進

聖誕共患難 吉祥寺餐廳禁情侶內進

有咩慘得過平安夜、聖誕節要開工吖?就係唔駛開工但冇男/女朋友冇節目。如果同時又想出街食飯咁點算?日本一向都有餐廳每逢佳節好齊心,就係唔俾情侶入店。之前「八王子」嘅「スパゲッティPiaPia」就係啦,話唔想情侶為要返工嘅員工帶嚟傷害。亦都有影碟、遊戲店都唔俾情侶入店,仲要講明同性除外,真係凸顯同阿宅到團結嘅精神。今年呢,率先「吉祥寺どんぶり」貼咗告示出嚟……

Read more ›
有片:情侶鴛鴦戲薯茸 浸薯茸浴舐埋腳趾

有片:情侶鴛鴦戲薯茸 浸薯茸浴舐埋腳趾

為呃Like係可以去到好盡嘅,就如呢對大唔透嘅情侶,居然玩鴛鴦戲薯茸。唔知浪費咗幾多食物,開水一沖,薯茸足有半個浴缸滿,色澤同質感都好似嘔吐物,難為佢哋仲可以笑咗跳入浴缸,邊浸邊食、「潛」薯茸、互潑,畫面其實幾噁心吓。講到最難頂一幕,非女友朝天一腳,吩咐男友舐腳趾,而男友又真係肯伸出條舌……唔,好重口味。

Read more ›
【閃到盲】情侶專用攬攬衞衣 冬天唔怕凍親手

【閃到盲】情侶專用攬攬衞衣 冬天唔怕凍親手

要呢件衞衣,首先你要有個女/男朋友。天寒地凍,有拍拖嘅就知要伸隻手出嚟攬另一半需要勇氣同犧牲,外國有人設計咗件專門俾情侶攬攬嘅衞衣「Together Wear」,背部位置有兩個袋,面對面攬時可以伸入去保暖,一邊行街時攬腰又唔怕凍親。呢件衞衣最近喺Kickstarter集緊資,預計6月發貨,係時候訂定一件做聖誕禮物,不過你要確定而家嘅另一半可以同你過渡到冬天喎。

Read more ›
【悲報】情侶求婚變悲劇 開心跳起跌落山崖慘死

【悲報】情侶求婚變悲劇 開心跳起跌落山崖慘死

喜劇變悲劇,睇見都心酸。日本啱啱報道外國有單新聞,有對戀人喺戶外嘅山邊求婚,女仔好驚喜,開心到跳起,點知就失足由15米嘅高處跌咗落山崖慘死,電視台做咗連環圖重演過程,網民都話件事太悲傷。大家選擇求婚地點嘅時候,真係要揀啲安全嘅地方。 【悲報】情侶求婚變悲劇 開心跳起跌落山崖慘死

Read more ›
【IG版 秘密花園】自製情侶顏色簿 5張IG相片製作小禮物

【IG版 秘密花園】自製情侶顏色簿 5張IG相片製作小禮物

前排好流行《秘密花園》(Secret Garden)呢本顏色簿,聲稱跟住佢塗顏色有助減壓,最近外國有位Cory Will就提供咗個另類方案「Color Me Book」,花費$25美金就可以將5張Instagram嘅相轉成一本獨一無二嘅填色簿,睇落效果好得意,仲幾有紀念價值,最啱送嚟比男女朋友做小禮物。

Read more ›

有片:內有洋蔥!Extra超感人廣告!

有片:內有洋蔥!Extra超感人廣告!

好嘢!服晒!唔靠洗腦口號,唔使明星代言,唔使豪花幾多個零,只要有Story,原來香口膠廣告都可以拍得咁感人,雖然睇完未致於眼濕濕,但真係可以令人留下深刻印象。廣告好簡單,一男一女由做同學開始,到拍拖做情侶再到做夫妻,美滿姻緣全靠Extra維繫,窩心位盡在每次約會過後,男仔都會喺香口膠包裝紙上面畫低約會經過,隨住年月過去,包裝紙越畫越多,男仔用相架將之裝幀成一幅幅甜蜜回憶,最後仲成功求婚……

Read more ›
超正日本app 《リア充爆発しろ!》為甜蜜情侶帶嚟不幸而努力!

超正日本app 《リア充爆発しろ!》為甜蜜情侶帶嚟不幸而努力!

呢個日本app《リア充爆発しろ!》,首先插畫靚啦,而且極多笑點。首先目的好明確,就係要將「現充」們爆開,懲罰一對一對嘅甜蜜情侶!我啱啱裝咗嚟玩,首先你要用手指喺唔同場景篤爆一對一對情侶,到儲滿能量計之後就可以出必殺技,首先你會見到一張甜蜜情侶嘅插圖,只要你撳爆破掣,呢對情侶就會被唔同嘅人、事爆開,非常之咁不幸呀哈哈哈哈!香港Google Play都裝到,免費,快玩!

Read more ›
日本情侶酒店相片曝光     電車/課室/迴旋木馬乜都有

日本情侶酒店相片曝光 電車/課室/迴旋木馬乜都有

日本都幾多新奇刺激嘅情侶酒店,除咗因為日本人嘅屋企普遍都比較細,出街玩可以試吓大啲嘅地方,另一個原因當然就係因為日本嘅情色文化博大精深。不過作為普通遊客,平時都無乜幾可去見識。外國攝影師Misty Keasler呢輯相就可以解開我哋心目中嘅疑團。佢嘅Love Hotels特集搜羅大量奇形怪狀日本情侶酒店,有鳥籠、課室、電車、Hello Kitty主題房甚至遊樂場嘅旋轉木馬,大開眼界呀。

Read more ›
宇宙最強情侶自拍      閃光彈新招

宇宙最強情侶自拍 閃光彈新招

上網唔小心中咗個閃光彈,呢對情侶Richard同埋Ashlee平日嘅自拍相,唔似一般情侶咁普通,佢哋閒閒哋都企膊頭或者倒掛,睇真啲,原來兩個都係舞蹈家,難怪個個都係宇宙最強咁款,不過望吓望吓,唔知點解我諗起陳伯隻金鷹。

Read more ›