呢件黑色恤衫表面睇無乜嘢，不過睇真啲就會發現有古惑。本來以為係一隻隻粉紅鶴，不過中間原來夾雜咗個大叔，好古怪。樓主話買咗返屋企之後先發現，夠晒驚喜。好多網民都留言話想買，樓主好無私分享咗link，原來仲有埋短褲，入嚟有得睇。

有上網買衫嘅就會發現而家啲model示範相越嚟越另類，有時明明睇緊件衫，但啲相會集中影對腳。最近有網民放咗呢兩幅圖上Twitter，明明喺GU網站睇緊件藍恤衫，但係Model唔係著住件恤衫示範，而係單手拎住！係型嘅，不過揸到咁皺有啲難睇清楚個款喎‥‥‥

又係低調的愛啦，動畫《機動戦士ガンダムUC》會推出恤衫、領呔俾高達迷上班族，喺office都可以做New Type。「STRICT-G」、「HITOYOSHI」製作，恤衫就賣9500円，今個月17日發售，喺「STRICT-G」東京ソラマチ店、NEOPASA静岡（下り）店有售。

【又係你呀！】日本喵星人終極賣萌 匿入恤衫袖碌嚟碌去 又係你呀！仲記唔記得之前企喺浴室玩水管嗰隻貓仔？無見一排佢大個咗，不過賣萌嘅能力一啲都無減弱。最近主人發現佢居然鑽咗入件恤衫嘅衫袖入面，之後仲碌嚟碌去懶得意。喂喂你出唔返嚟無人救你架！入嚟有多啲呢隻貓仔嘅生活照睇，當然有浴室照回帶，真係可愛到暈。

成件事係咁，話說Twitter有人開咗個Post討論呢款恤衫……嗯，唔應該叫恤衫，應該叫Under，唉，我都唔知應該點Definite，或者應該話係可以係「白恤衫狀Under」，其實一早都有類似嘅嘢，衫襬變成Under褲頭一部份，直接笠上身，之後著多條面褲或短裙，就係可以直接行出街，烏低身唔怕會露底。網民熱烈討論，有留言曰──「好淫蕩。」「好明顯係由惡魔設計。」「呢件所謂行政白恤衫根本就係一條底褲。」「如果鍾意著褲嘅職業女性，應該會鍾意呢個設計。」「咁去洗手間咪要全身除晒？」唔知大家又點睇？我就覺得好Sexy嘞，如果就咁著的話……

我有一個壞習慣，就係經常用衫尾抹手機面、相機鏡頭同埋眼鏡，我都明白咁樣好易刮花玻璃面層，但係自己又真係成日唔記得塊抹布放咗喺邊。呢間VoyVoy Clothing推出嘅一系列恤衫，完全解決倒以上問題，佢嘅恤衫特色係衫尾內藏抹布，低調得嚟夠細心，胸口位置嘅單邊袋仲有特製布料保護你嘅重要物品。售價大約美金$98件。可惜我比較精打細算，寧願用1蚊買塊抹布返屋企搵阿媽幫我聯入衫尾，Mama I love you!

如果你咁好彩日日要著恤衫返工，恭喜你，你可以唔駛再洗衫熨衫連續100日，因為Wool&Prince呢間外國公司，用咗6個月時間研製咗一款叫「Cotton-Soft」嘅特殊物料，聲稱可以防皺、防味，連續著足100日都無問題，$98美金一件，kickstarter集資已經火速完成，網站有詳細解釋，睇落似層層，不過夏天成身汗，唔換衫100日，你敢唔敢？

呢個印度男Datta Phuge，身穿160萬黃金打造登台咁款嘅黃金恤，聲稱要成為印度Pimpri嘅黃金單身漢，呢件衫重七磅，全部由22K金打造，佢仲好有計劃咁襯埋超重口味，豬腸咁粗嘅一大抽金鍊，仲有滿手金戒指，品味奇特。佢話：「我知自己唔係世界上最靚仔，但我肯定個個女人都會比呢個黃金恤衫迷惑嘅！」睇佢擺晒甫chok晒樣就知佢呢刻超自信，我只係覺得，好彩呢個世界有咁多有錢無品味嘅男士，大家個心係咪好過啲呢？