fbpx

Tag: 怪獸公司

【有片】《怪獸公司》大小「毛毛」相遇 嚇到跌低Twitter熱傳

【有片】《怪獸公司》大小「毛毛」相遇 嚇到跌低Twitter熱傳

呢兩日日本好多人RT呢兩張圖,事緣有隻《怪獸公司》嘅毛毛cosplay出巡,期間巧遇一隻小朋友扮嘅毛毛,本來件事好開心,但係小「毛毛」見到隻大「毛毛」居然比佢嚇到暈低咗!之後有人搵返當時嘅片放上Twitter,原來當時佢哋手拖手玩緊轉圈,點知一鬆手,小毛毛就跣咗喺地下,實在太好笑,入嚟有片睇。

Read more ›

【新版怪獸公司】小朋友創作簡單「怪物」 100位藝術家出手重畫

【新版怪獸公司】小朋友創作簡單「怪物」 100位藝術家出手重畫

畫公仔唔靚唔緊要,最重要受歡迎有人賞識,到時就有人幫手重畫甚至製作動畫,你睇勁受歡迎嘅《一拳超人》就知。外國最近都有個企劃鼓勵小朋友唔好怕醜盡情創作,名為「Monster Project」,超過100個藝術家聯同鍾意畫畫嘅小朋友一齊合作,小朋友以「Monster怪物」為題創作,藝術家就根據小朋友嘅簡單圖畫畫成唔同風格嘅作品,藉呢個計劃鼓勵小朋友盡情創作,之後仲準備出書。而家個計劃喺Kickstarter實行緊,啲作品好正,小朋友想像出嚟嘅怪物無框框,特別得意。不如集齊埋拍套新嘅《怪獸公司》啦!

Read more ›
【驚嚇專員】細路尖叫充滿電 日本出《怪獸公司》流動充電器

【驚嚇專員】細路尖叫充滿電 日本出《怪獸公司》流動充電器

勁喎,仲記唔記得《怪獸公司》嘅毛毛同大眼仔米高?佢哋就係要靠嚇啲細路,收集佢哋嘅尖叫聲嚟做能源……呢個尿袋就係跟足動畫入面嘅能量儲存器嚟整喇,而且最正係真係有燈著,2900mAh,3,672円,9月上旬有貨,用到冇電嗰陣你可以試吓對住佢叫:「吖吖吖!」可能會有番電。

Read more ›
《怪獸公司》續作 明夏上映 中文預告片

《怪獸公司》續作 明夏上映 中文預告片

好多人都好期待,《怪獸公司(Monsters, Inc.)》會推出續作,而Pixar同迪士尼就釋出咗一段新預告片,係續作,亦即係前傳作品《怪獸大學(Monsters University)》!片中見到毛毛同單眼仔讀緊大學學嚇人,而且單眼仔仲俾毛毛整蠱變做Disco嘅Mirror ball添!不過有排等,2013年7月先上呀!

Read more ›