Post Tagged with: "必買"

貓奴狗奴必買「日本肉球裝飾品」 打手印放相片Twitter熱傳
by / on 30/06/2020 at 7:38 am

貓奴狗奴必買「日本肉球裝飾品」 打手印放相片Twitter熱傳

作為貓奴狗奴,應該對呢件裝飾物有啲興趣,日本Twitter最近熱傳,好似BB打掌印咁,貓狗都可以倒摸佢個肉球,之後放埋佢張相仔同埋小擺設,就成為一件好靚嘅裝飾品,有無主人有興趣整返個?

Read more ›

日本貓奴推介     防黐貓毛Uniqlo Dry Soft系列
by / on 14/01/2020 at 7:19 am

日本貓奴推介 防黐貓毛Uniqlo Dry Soft系列

作為貓奴,好明白全身黐滿貓毛嘅煩惱。最近有日本網民推介咗呢個Uniqlo嘅Dry Soft系列俾貓奴。佢話呢個系列又輕又暖又唔會皺,最重要係唔會黐貓毛!樓主強調咗3次,似乎係親身經歷之後力推。如果買,貓奴應該會買黑色,因為平時黑色衫褲最黐毛,著咗佢以後就可以狂玩貓都唔怕。

Read more ›
超正史萊姆地毯 灰色襟污糟fans必買
by / on 22/10/2019 at 7:40 am

超正史萊姆地毯 灰色襟污糟fans必買

《勇者鬥惡龍》系列最搶眼嘅點少得史萊姆,最近Square Enix出咗呢款超可愛嘅史萊姆地毯,今次揀咗敵人金屬史萊姆,所以變咗灰色更加襟污糟。放喺屋企好似一灘水咁散喺地,坐上去應該好舒服,仲可以墊個頭去史萊姆頭頂!官網有得賣,售價17,380円,有興趣可以入去睇吓。

Read more ›
貓奴必買「貓械庫」扭蛋 喵星人變重型武器
by / on 09/10/2019 at 7:08 am

貓奴必買「貓械庫」扭蛋 喵星人變重型武器

Momotaro Toys呢款扭蛋超高質,鍾意玩具嘅貓奴一定好想買。名為「貓械庫」,一式六款嘅喵星人全變晒軍最正係炮彈型,四隻喵星人迫埋喺個紙箱入面做炮彈,配埋私伙嘅6吋figure效果好正,下年一月推出,記住留意返。

Read more ›
日本超可愛「貓腳杯」 腳控貓奴必買
by / on 07/03/2019 at 7:53 am

日本超可愛「貓腳杯」 腳控貓奴必買

買唔到之前Starbucks隻貓杯?日本生活雜貨店Village Vanguard最近有另一款腳杯,腳控最啱。有大小兩個呎吋,仲有兩款花紋,一款係虎紋,另一款係三色貓嘅花紋,裝牛奶落去睇落最靚,最特別係杯底仲有隻貓腳印,飲水都飲得開心過人!入嚟有link。

Read more ›
日本必買手信 推出第3彈「富士山」模型
by / on 13/01/2019 at 11:16 am

日本必買手信 推出第3彈「富士山」模型

繼「東京鐵塔」同「大阪城」之後,嚟到第3彈終於到「富士山」出場嘞!日本公司PLEX公佈咗呢座富士山模型,最近有多啲相睇,照舊未砌前會見到「富士山」三隻字,拆出嚟砌起就會變咗座立體富士山,仲有貼紙可以貼喺頂模仿返積雪效果,有藍色同夜光色兩款,預計4月推出,做手信一流呀。

Read more ›

芒亨獵人必買裝備 導蟲籠/回復藥吊飾
by / on 17/07/2018 at 7:51 am

芒亨獵人必買裝備 導蟲籠/回復藥吊飾

作為一個專業獵人,隨身帶備導蟲籠、回復藥、全熟肉以至補給箱都好合理。Capcom最近推出咗幾款芒亨嘅吊飾,全部可以喺eShop預約,個人最想要係個導蟲籠,預計9月27日發售。

Read more ›
【貓奴必買】日本文具扭蛋 借隻喵手放文具
by / on 16/03/2018 at 7:24 am

【貓奴必買】日本文具扭蛋 借隻喵手放文具

現實生活中,你隻貓唔單止唔會借隻手俾你用,你捉住佢隻手時佢仲會好嫌棄咁推開你。日本扭蛋公司EPOCH呢個「猫の手まだまだかします」系列好實用,唔同姿勢嘅喵可以俾你放筆、膠紙、擦膠等文具,喵奴放到成枱都係實好開心。

Read more ›
【羽田都有】日本網民推介必買手信 焗棉花糖朱古力撻
by / on 11/02/2018 at 1:28 pm

【羽田都有】日本網民推介必買手信 焗棉花糖朱古力撻

去親日本買手信都係Tokyo Banana、薯條三兄弟,食嘅唔悶買嘅都悶,最近有日本網民就推介呢盒S’MORE,個樣好似芝士撻,其實表層係烘烤過嘅模花糖,下層係朱古力撻,睇見都想試!睇返資料,羽田空港嘅國際線有得買,去開記住買嚟試吓。

Read more ›
日本網民推介     北海道機場必買芝士牛奶蛋糕
by / on 05/11/2017 at 10:29 am

日本網民推介 北海道機場必買芝士牛奶蛋糕

嚟緊去北海道又無諗到買咩手信嘅可以留意吓,最近有日本網民推介呢款喺新千歲機場3樓有得買嘅牛奶芝士蛋糕,佢話又軟又滑又好味,睇見都流晒口水超想食!賣1600円,要冷藏,如果返香港可以比多少少錢要埋5小時專用嘅保冷劑,去開北海道記住買嘞。

Read more ›
【必買手信】超靚日本櫻花「水信玄餅」 靚到似藝術品
by / on 10/03/2017 at 7:23 am

【必買手信】超靚日本櫻花「水信玄餅」 靚到似藝術品

好靚!日本櫻花季節嚟到,去唔到日本賞櫻都可以欣賞呢盒靚到似藝術品嘅日式甜品「水信玄餅」。由日本歷史悠久嘅和菓子店「榮太樓」出品,佢哋每年櫻花季節都會推出呢款甜品「桜咲く さくらゼリー(R)」,上年破紀錄賣咗25萬個,今年2017年而家開始期間限定發售。半圓形嘅水滴啫喱,入面裝住一粒櫻花,簡直靚到唔捨得放入口。分三件裝同9件裝,分別賣900円同2460円,好想買呀!

Read more ›

【文青必買】梵高Q版figure 左耳拆得甩附送名畫
by / on 12/02/2017 at 7:10 am

【文青必買】梵高Q版figure 左耳拆得甩附送名畫

估唔到畫家梵高都有figure出,而且仲要係Q版。更特別嘅係模仿返佢嘅特徵,左耳竟然可以拆落嚟。梵高figure除咗連埋支畫筆,身後仲有佢著名嘅畫作「The Starry Night」同「The Sunflowerss」任換。呢隻figure喺Kickstarterk有得買,由Today Is Art Day製作,開價美金$21,文青必買。

Read more ›
日本1000円店必買好物      行李掛帶爆喼必備
by / on 11/12/2016 at 10:44 am

日本1000円店必買好物 行李掛帶爆喼必備

去旅行都試過,買多咗嘢放喺喼頂,不過推喼時好易跌晒落嚟,有日本網民就喺1000円店發現咗件好嘢。呢條行李帶可以將喼頂嘅物件固定喺拖喼嘅手柄位,佢親身試過仲影埋相放上Twitter,吸引好多人分享。樓主之後仲分享話原來Amazon都有得買,最平834円就得,成日買到爆喼嘅,記住買返條帶備用嘞!

Read more ›
【貓奴必買】屬於香港人嘅貓相集 影盡傳統老舖唐貓
by / on 23/10/2016 at 11:35 am

【貓奴必買】屬於香港人嘅貓相集 影盡傳統老舖唐貓

作為一個土生土長嘅香港貓奴,睇呢輯相應該會好有共鳴。長住喺香港嘅荷蘭攝影師Marcel Heijnen,發現香港好多傳統老店例如藥材舖、五金舖、海味舖等等都有養貓,佢覺得好有趣,於是多年嚟走訪好多店舖影落大量喵相,鏡頭下嘅唐貓全部都好可愛,勾起好多香港人嘅回憶,記唔記得你細個落士多或者街口嗰隻貓仔?鍾意佢嘅作品可以follow佢嘅Instagram,或者親身去12月喺Blue Lotus Gallery舉行嘅展覽,再買本佢嘅相集《香港舖頭貓》支持吓!

Read more ›
終極貓奴必買 日本Twitter熱傳巨喵/巨虎裝
by / on 24/09/2016 at 11:07 am

終極貓奴必買 日本Twitter熱傳巨喵/巨虎裝

身為貓奴嘅你有無勇氣著起呢套衫?日本Twitter最近熱傳呢兩張相,相中人著住套貼身衫,效果就好似變咗隻巨型喵星人或者老虎咁,仲要托住隻喵影相,效果好正,據講900円就買到,好吸引!不過身形要好似佢咁fit先撐得起,如果唔係就變胖虎嘞。

Read more ›