Tag: 心燒食堂

去心燒食堂消夜 換To-Fu萬聖節公仔

萬聖節代表處處商機,奉旨消費吖嘛,「心燒食堂」為慶祝開業三年,由即日起至10月31日,只要幫趁滿$500,即送你一隻原價$69嘅To-Fu OYAKO萬聖節公仔,一套三款任擇,限量推出,想換要快,心思思想儲齊一套呢?我都係!話時話,計落好耐都無去「心燒食堂」消夜,搵晚得閒去Hea吓都好喎。

Read more ›

食消夜送《深夜食堂》戲飛優惠券

電影《深夜食堂》剛剛上映,既云「深夜」,夜晚睇呢套戲最有Feel,咁又叫得「食堂」咯喎,睇完場戲食埋個消夜先返歸,都好順理成章啫。你咁諗就啱晒數嘞,即日起幫襯銅鑼灣食店心燒食堂,即送一張張《深夜食堂》戲飛優惠券送畀大家,不過睇清楚,係戲飛優惠券並唔係戲飛,出示優惠券買飛只可以當$10使,不過憑票尾十點後再幫襯番深燒食堂,全單又有九折優惠。優惠券只得500張,送完即止,睇戲食消夜一條龍,啱數喇。

Read more ›

繼續儲 心燒食堂x小克啤酒杯

繼門小雷之後,心燒食堂聯乘港漫人推出嘅系列啤酒杯,正式嚟到第四彈,今次輪到小克出場,聾貓浸喺黃澄澄啤酒入面,隻色又幾襯喎。一如以往,心燒食堂x小克啤酒杯限量生產300隻,即日起至12月31日,入場只要Order番杯500ml大杯裝生啤,兼每人連加一最低消費滿$200,即可換領一隻,送完就無,有換趁手。儲開嘅當然要繼續儲,無儲開嘅都值得換番隻留念,擺喺飾櫃唔老土也。

Read more ›

門小雷x心燒食堂 出限量啤酒杯

大家Like唔Like門小雷先,佢手畫掂呀呵?如果你都係佢Fans,咁就有必要去心燒食堂食番餐。有乜美食?唔知,請自己望Menu,我淨係知門小雷聯乘心燒食堂推出限量啤酒杯,Order啤酒有得送,必儲。

Read more ›