Post Tagged with: "德國"

觔斗雲變龜波雲  德國男影雲靠聯想
by / on 11/11/2014 at 7:10 am

觔斗雲變龜波雲  德國男影雲靠聯想

以前睇《龍珠》好羨慕悟空有嚿觔斗雲,可以踩住佢飛嚟飛去,想去邊就去邊。生於德國嘅Markus Einspannier自細都好鐘意睇雲,屋企人仲送埋部寶麗萊比佢影雲。到佢大個咗就開咗個Instagram戶口share呢堆以雲作為主題嘅得意相。無踩觔斗雲,但就有龜波氣功雲,仲有風筒吹出嚟嘅雲霧、熱茶噴霧,好得意!成日望住個電腦芒,間中望吓藍天白雲的確幾醒神,雖然都係望住個芒。

Read more ›

2.8米高彩色LEGO牆  1年時間5萬塊LEGO砌成
by / on 21/10/2014 at 7:03 am

2.8米高彩色LEGO牆  1年時間5萬塊LEGO砌成

德國創意工作室NPIRE嘅辦公室,有廚房有大廳,但就打通晒無乜私隱。於是老闆就想加建一面牆,為咗令效果特別啲喎,佢諗倒用LEGO砌成呢面牆,高2.8米闊3米,用咗足足5萬5千塊LEGO同埋1年時間完工!仲有埋拱門設計好巴閉。靚就幾靚,不過話用1年時間製作,咁員工係咪可以用喺返工時間齋LEGO?如果係就爽咯。

Read more ›
新片速報   再揭北韓面貌   有片有相有真相?
by / on 13/08/2014 at 7:05 am

新片速報 再揭北韓面貌 有片有相有真相?

又嚟北韓,呢幾日經常報導北韓消息,今次介紹嘅係德國攝影師Julia Leeb即將推出嘅呢本北韓相集《North Korea Anonymous Country》,220頁彩色印刷,8月15日推出,美金$95。睇相見倒有當地情侶坐草地影結婚相、地鐵站以至軍人風貌,橫睇掂睇都似係30年前影落嘅相。同一時間,Julia Leeb仲喺YouTube放埋條北韓短片,有片有相,不過無真相。

Read more ›
爆谷Volkswagen德國展覽   浪費食物?
by / on 10/08/2014 at 3:22 pm

爆谷Volkswagen德國展覽 浪費食物?

有啲嘢,唔需要特別原因,可能純粹因為好玩。好似呢架舖滿爆谷嘅舊款Volkswagen,而家喺德國Braunschweig嘅Braunschweig University of Art展覽緊,遠睇仲以為舖滿鑽石,由外國藝術家Jacob Aaron Schroeder創作,不過有啲浪費食物喎,舖完會唔會食返?

Read more ›
新片速報   GoPro官方短片   17隻雪橇齊開餐
by / on 05/07/2014 at 1:20 pm

新片速報 GoPro官方短片 17隻雪橇齊開餐

GoPro細細部容易用,上山下海都無問題,最近佢哋官方就拍咗條片,主角係住喺德國巴登 符登堡邦嘅狗狗訓練員,影佢點樣帶17隻雪撬一齊出巡,要一次過處理17隻雪撬,淨係維持隊形都好頭痕,班狗狗一齊拉車,去到目的地仲17隻一齊開餐,場面何其壯觀!睇完有無想買返部GoPro?定係想養返幾隻狗仔多啲?我?我想食嘢多啲。

Read more ›
鬼佬眼中的香港樓宇   密集程度嚇死人
by / on 04/07/2014 at 7:03 am

鬼佬眼中的香港樓宇 密集程度嚇死人

香港地樓宇嘅密集程度,外國人見親都覺得好驚訝,之前德國攝影師Michael Wolf影過香港高密度大廈風景圖,好多鬼佬睇完留言話超恐怖,最近另一攝影師Manuel Irritier又影埋一份,名為Urban Barcode嘅作品,有公屋有私樓,清一色都係零設計好似積木咁叠埋一楝,睇落幾似barcode,原來香港嘅樓宇設計都幾求其。不過住喺入面嘅人無得揀,鬼叫香港地地方細人口多大財團更多咩?有得住已經要偷笑喇。

Read more ›

新片速報   德國迷你可樂    縮水攤檔做勢
by / on 13/05/2014 at 7:08 am

新片速報 德國迷你可樂 縮水攤檔做勢

一直都好想香港會推出細罐裝嘅可口可樂,德國最近有0.15L嘅紅色迷你版可樂賣,引死我!容量大概係我哋平時飲開嘅半罐左右,size好似細罐裝V8蕃茄汁咁,啱晒怕肥嘅女士。為咗宣傳呢件產品,可口可樂喺德國各個地方開設多間名為Mini Kiosk嘅小攤檔,舖仔細細好得意,吸引大量途人圍觀影相。攤檔旁邊有部汽水機,想買罐細可樂飲吓就要卑躬屈膝烏低身入錢,難得大家唔介意,仲搶住買嚟飲,雖然明知味道一樣。

Read more ›
新片速報   野外動物圓碌碌   YouTube三百萬點擊
by / on 20/04/2014 at 1:02 pm

新片速報 野外動物圓碌碌 YouTube三百萬點擊

肥會為生活帶嚟好多不便,咁如果喺非洲野外嘅動物變晒圓碌碌呢?德國嘅動畫師Kyra Buschor同埋Constantin Paeplow製作,名為Rollin’ Wild嘅短片,將野外嘅班馬、豹、鱷魚統統變成圓形,YouTube最高紀錄超過300萬點擊,入嚟有齊3條短片慢慢睇,睇片見倒鱷魚肥到跣軚、獵豹喺樹上碌落地,真係好cute,啱晒復活節嘅輕鬆心情。

Read more ›
密集恐懼症慎入!德國高空拍攝實景相集
by / on 07/04/2014 at 7:15 am

密集恐懼症慎入!德國高空拍攝實景相集

好多人都有密集恐懼症,見到密集排列嘅事物會毛管戙,例如我。如果你無呢個病,可以放心欣賞攝影師Klaus Leidorf呢輯相集,全部都係佢喺德國嘅高空用 Canon EOS 5D Mark III相機拍攝,大部份都係排列得既密集又整齊嘅風景,例如極大量嘅車軚、一大堆排列整齊嘅木條、秋天排列整齊嘅農作物‥‥‥全部都係用 Canon EOS 5D Mark III相機拍攝,好靚,上佢嘅flickr戶口可以睇到更多靚相,唔駛驚,好多只係普通風景相,密集恐懼症嘅人都睇得。

Read more ›
實物原大Titanfall殺入德國車站
by / on 16/03/2014 at 1:00 pm

實物原大Titanfall殺入德國車站

3月11日出嘅《Titanfall》有PC同Xbox One版,後者香港無行貨,360機主就下星期3月25日有得玩。呢排宣傳期,德國嘅柏林中央車站就擺咗隻實物原大嘅Titanfall出嚟,熟口熟面?因為佢都去過Gamescom、GDC同埋E3。呢集超巨型機械,旨在比大家感受吓同人類相比有幾龐大,睇相見倒足足有商場嘅2樓咁高,人行埋去好似蟻咁細。由Daniel’s Wood Land工作室製作,唔知XBoxONE推出時有無機會殺到香港?

Read more ›
超靚PS4木紋貼紙    連機賣$6000
by / on 04/03/2014 at 7:18 am

超靚PS4木紋貼紙 連機賣$6000

之前加拿大公司dbrand都出過用3M塑膠整成嘅PS4連手掣仿木紋貼紙,已經令我心郁郁有啲想幫屋企部PS4換新衫。啱啱又見倒另一間德國公司Balolo呢款木紋PS4貼紙,木嘅顏色淺咗,但就善用PS4嘅設計,分成兩種唔同色調嘅木紋,總共有四種色任揀任配搭,用嘅係雷射剪裁嘅優質薄木板(veneers),個人認為好靚仔,不過價錢就貴咗少少,一套賣港幣$1500左右,未買PS4嘅仲可以連PS4主機一套買,開價$6000左右。咦,計返部機咪貴過平時?咁佢包埋貼嘛,不過只限主機,手掣都係用返黑色。

Read more ›

新片速報 德國街頭藝術 懸浮之樹中空升起
by / on 12/01/2014 at 5:19 pm

新片速報 德國街頭藝術 懸浮之樹中空升起

呢個唔係魔術,應該話係藝術先真,喺德國Potsdam路邊嘅樹木,最新被藝術家Daniel Siering、Mario Shu插咗啲嘢上去,畫完之後,喺某個角度睇,你會以為棵樹被斬開,中空咗一格依然屹立不倒……睇住呢條片,唔算複雜嘅製作,但效果真係幾好。

Read more ›
正宗火柴人    燒燶火柴上的頭雕
by / on 30/12/2013 at 7:04 am

正宗火柴人 燒燶火柴上的頭雕

中國近年有出產咗好多一流嘅藝術家,亦吸引好多外國藝術家長居中國發展。好似呢位德國藝術家Wolfg ang Stiller,之前喺北京幫電影製作假人,對頭雕尤其有研究,最近決定將佢嘅獨門技術製作成巨型火柴頭,名為Matchstickman嘅作品,每支巨型火柴都係一個雕刻咗嘅人面,樣貌清一色都係黑媽媽木無表情,火柴盒就好似一副副棺材,效果好震憾。

Read more ›
《雷神2》Loki唱Stand by Me   情深的一曲
by / on 18/11/2013 at 7:45 am

《雷神2》Loki唱Stand by Me 情深的一曲

自從睇完《雷神奇俠2》,我對Loki嘅愛又加深咗。除低件戲服之後嘅Tom Hiddleston依然型到震,啱啱喺網上見倒佢嘅新片,今次佢幫德國嘅talk show「Stars in Cars」拍攝節目,奸人變歌神,居然喺車內高歌一曲,唱嘅係懷舊老歌「Stand by me」,原來佢都唱得兩咀喎,而且人型真係無得輸,唱歌個樣都一樣咁型,噢打令打令!

Read more ›
巨型Google Maps真實版標記    現身大城市
by / on 30/10/2013 at 9:03 am

巨型Google Maps真實版標記 現身大城市

Google Maps絕對係本世紀最偉大嘅發明之一,雖然佢有時會講大話點條錯路我行,但係實景圖對於搵地方真係好有用。德國裝置藝術家Aram Bartholl自發性喺公共地方整咗啲裝置 ─ 就係大大個嘅Google A字牌,有用開Google Map都知,呢個紅色pin icon就係搜尋地方後嘅標記,望住佢個心定晒,堪稱係治癒系符號。不過就令我分唔倒乜嘢係真實,乜嘢係虛擬‥‥‥

Read more ›