Post Tagged with: "德國"

【有片】德國政府單車廣告    女性團體炮轟過份性感
by / on 04/04/2019 at 7:39 am

【有片】德國政府單車廣告 女性團體炮轟過份性感

德國踩單車嘅死亡率超高,單係2018年就有432人因為踩單車而死亡,最近德國政府拍攝咗一輯破格嘅宣傳廣告,搵嚟一班年青男女著住內衣戴頭盔,標語係“Looks like shit. But saves my life.” 因為喺德國踩單車唔戴頭盔唔犯法,而17-30歲嘅年青人會戴頭盔嘅只得8%。輯廣告仲搵咗德國Next Topmodel嘅Alicija Köhler參與攝,不過個廣告就引起唔少女性團體抨擊,話唔需要著得咁性感,咁其實入面有男有女,有無男性都想平反吓?入嚟有廣告嘅making of可以睇埋。

Read more ›

德國「肥老鼠」卡住咗     潛力慘樣網上熱傳
by / on 28/02/2019 at 7:36 am

德國「肥老鼠」卡住咗 潛力慘樣網上熱傳

呢兩日外國網俾呢隻肥鼠搶晒鏡,事緣有人發現喺德國嘅Bensheim,有隻老鼠想由坑渠度爬出嚟,不過可能冬天食得太肥所以kick住咗,仲露出咗個好無奈嘅樣,迅速成為網民熱話。最終要出動8位消防人員加一位動物專家,先成功救返佢出嚟,不過件事就上咗BBC新聞,醜死怪,下次唔好食咁多嘢嘞。

Read more ›
【有片】超強勁「手機airbag」 德國天才學生發明即將集資
by / on 29/06/2018 at 7:13 am

【有片】超強勁「手機airbag」 德國天才學生發明即將集資

跌爆手機芒真係人生最痛,如果手機都好似車一樣,有個airbag安全氣囊,感覺係咪安全好多?德國呢位讀Engineering嘅學生Philip Frenzel發明咗呢個「Mobile Airbag」,好似一個普通手機殼,不過當高速跌落地時,四隻爪會自動彈開做緩衝,個學生仲拍埋片親身示範,嚟緊佢諗住喺Kickstarter集資,有興趣嘅記住留意返嘞。

Read more ›
身形最似 德國Coser變身「Super Sonico」
by / on 08/01/2018 at 10:42 pm

身形最似 德國Coser變身「Super Sonico」

如果要身形似「すーぱーそに子」,都真係唔簡單嘅,不過呢位德國女Coser JENNYAN就做到喇。佢出咗一系列Cos「すーぱーそに子」嘅圖,仲係Wedding Dress,仲叫人:「Now marry me, please.」好過份,而且佢仲會出攬枕,有得預訂。不過世界有好多嘢唔好睇表面,因為……有啲圖入面個胸係假嘅。

Read more ›
【有片】浪漫!日本樂器攤位試彈琴 引嚟德國樂手突發合奏
by / on 21/04/2017 at 1:01 pm

【有片】浪漫!日本樂器攤位試彈琴 引嚟德國樂手突發合奏

喺呢個擬似賣琴嘅攤位,有位日本人坐低試彈,之後突然一位洋人竟然坐喺另一邊另一部琴前同佢jam歌,成件事係咪好浪漫?後來日本人仲喺網上搵番,原來呢位係德國樂手嚟,叫Joe Löhrmann。

Read more ›
【回帶】東京地鐵實況相集 日本網民:「好似奴隸船!」
by / on 18/10/2016 at 7:11 am

【回帶】東京地鐵實況相集 日本網民:「好似奴隸船!」

【回帶】東京地鐵實況相集 日本網民:「好似奴隸船!」 德國攝影師Michael Wolf嘅作品好正,作為住喺香港日日迫港鐵返工放工嘅,應該特別有同感。佢嘅攝影集「Tokyo Compression」紀錄咗15年嚟喺東京地鐵朝早見到嘅實況,車廂入面嘅人迫到塊臉要貼實玻璃,有啲皺晒眉,有啲無眼睇,亦有啲瞓晒覺好真實。呢輯相喺2012年發佈,最近有日本網民放返上2ch討論區,網民嘅反應好熱烈,有人留言話:「點睇都似奴隸船」、「坐喺度同迫埋一邊嘅人俾同樣票價,公平咩?」、「唔好亂咁拍人啦!」

Read more ›

日本Twitter熱傳德國小鎮圖 激似《勇者鬥惡龍》場景
by / on 31/08/2016 at 7:14 am

日本Twitter熱傳德國小鎮圖 激似《勇者鬥惡龍》場景

原來《勇者鬥惡龍》嘅世界真係存在!日本網民放咗幾張相上Twitter,話原來德國Hemeln呢個小市鎮好靚,入面嘅居民會著晒中世紀嘅服裝,店舖又好有特色,走入去就好似去咗《勇者鬥惡龍》嘅世界。輯相好多網民RT,仲有人問係咪可以行埋去裝備道具,有機會去開德國記住去參觀吓嘞。

Read more ›
德國跳高選手激似《美少女戰士》 日本網民:「根本就係天王遙」
by / on 20/08/2016 at 1:07 pm

德國跳高選手激似《美少女戰士》 日本網民:「根本就係天王遙」

其實呢位德國嘅跳國選手Ariane Friedrich今屆無參加奧運,但係近幾日日本網民摷返佢啲相出嚟回味,之後喺Twitter引起好多人討論,勁多人分享佢嘅相集。短金髮、長腿,加埋一副超完美嘅格鬥身型,網民話佢激似《美少女戰士》嘅天王遙。另外佢經常喺場上做出好型好chok嘅動作,大家又話好正,似乎日本人真係好鍾意佢呢類型。可惜佢2010年因為受傷,之後無再再參加大型比賽,2014年仲生咗B,如果唔係大家就可以喺電視欣賞佢嘅英姿嘞。

Read more ›
【考試壓力】喵星人「校園心靈治療師」 考試前幫學生減壓
by / on 08/06/2016 at 7:16 am

【考試壓力】喵星人「校園心靈治療師」 考試前幫學生減壓

世界各地嘅學生都有讀書壓力,德國呢間大學就派出喵星人幫學生減吓壓。呢間大學University of Augsburg養咗隻喵星人,佢經常喺校園巡查,當有同學仔唔開心、壓力大嘅時候,佢就可以充當心靈治療師,俾佢哋抱吓玩吓,佢仲會好嗲咁成個身瞓晒上去,好治癒。而家佢有個Facebook專頁,好多學生都留言多謝喵星人。其實香港學生讀書壓力咁大,學校應該考慮養返隻喵等同學仔輕鬆吓。

Read more ›
【舊相集】日本100年前黑白照 重溫昔日街頭風貌
by / on 19/05/2016 at 7:12 am

【舊相集】日本100年前黑白照 重溫昔日街頭風貌

好多又靚又有紀念價值嘅相,都未必由當地人影。好似呢輯攝於日本1908年嘅黑白相,拍攝者係已故德國攝影師Arnold Genthe,而家睇返明治時期嘅日本,就好似我哋睇民初嘅電視劇咁,感覺好得意。

Read more ›
【亂派牛肉乾】周街亂泊車    裝置藝術品被抄牌
by / on 26/06/2015 at 7:08 am

【亂派牛肉乾】周街亂泊車 裝置藝術品被抄牌

隨街亂泊車預咗要抄牌,香港或者外國都一樣,但如果架車係藝術品,擺喺街純粹係一個裝置藝術呢?答案係照抄!事發地點喺德國嘅Karlsruhe,藝術家Erwin Wurm將架紅色嘅平治貨車用佢最擅長嘅扭曲方法倚住牆擺放,架車後半部仲要彎曲晒,點睇都係一件藝術品,但居然照比警察抄牌。有人懷疑係藝術家自己專登放張牛肉乾上去增強效果,可惜暫時仲未知道真相,如果係真抄牌嘅話,罰款係咪Erwin自己比?

Read more ›

新片速報      隨街屙尿大報復     特別物料一屙即反彈
by / on 08/03/2015 at 1:11 pm

新片速報 隨街屙尿大報復 特別物料一屙即反彈

日本人雖然好有規律,但就好鍾意飲完酒四圍屙尿,德國漢堡嘅St. Pauli區都有呢個問題,由於附近有酒吧,好多遊客嚟飲完酒之後,就順便喺後巷屙篤尿到此一遊。居民最後諗到呢個方法 ─ 反彈啲尿落屙尿者身上。做法係喺牆表面塗上一層superhydrophobic超疏水性物料,之後每當有尿濺到牆身,就會反彈。香港人都可以考慮呢種做法喎,除咗小便,嗰啲成日隨街吐痰嘅,應該都要反彈返比佢。

Read more ›
私家車誤闖地鐵路軌      網民:「打得太多GTA!」
by / on 03/03/2015 at 7:17 am

私家車誤闖地鐵路軌 網民:「打得太多GTA!」

一睇張相的確嚇一跳,一架房車居然駛咗落地鐵路軌!呢件事早兩日喺德國Dortmund發生,私家車司機因為飲醉酒駛咗落地鐵路軌,仲行走咗800米,好彩無釀成意外,但就令當地列車延誤咗5小時!呢張相放上Reddit之後勁多人討論,識睇嘅一定係睇留言,好多人居然話:「根本就係德國版GTA!」、「司機一定係打得GTA太多!」、「地鐵路軌係我打GTA時避警察嘅最佳位置!」,同時亦都引嚟好多道德偉評擊,話德國應該禁咗GTA V呢隻遊戲,又話而家審批遊戲嘅制度唔夠嚴謹。唔,其實唔好醉駕咪得囉。

Read more ›
LEGO 2015年小冊子出爐   星戰大量新產品晒冷
by / on 20/12/2014 at 2:28 pm

LEGO 2015年小冊子出爐 星戰大量新產品晒冷

話咁快仲有10日又到2015年,回顧完係時候展望將來,諗吓下年買乜好。網上見倒LEGO德國版本嘅小冊子,印咗下年1月至6月嘅最新產品,Star Wars、The LEGO Movie都有大量產品,4月又有復仇者Avengers: Age of Ultron嘅新套裝,一年之計在於春,係時候計劃定下年嘅清單。本網上catalogue有成116頁咁多,好彩好多都係兒童向。

Read more ›
有片   123紅綠燈    等候掣變遊戲機
by / on 09/12/2014 at 7:16 am

有片 123紅綠燈 等候掣變遊戲機

有計喎!平時等過紅綠燈,你會唔會走去撳黃色嗰個等候掣?我通常等其他人撳嘅,不過外國就有人諗倒將呢個掣改裝,變成一個可以打機嘅裝置,玩嘅就係你同我細過都玩過嘅氣墊球遊戲,仲要係touch screen。而同你對戰嘅,就係企喺對面等緊過馬路嘅人。呢個設計由德國大學HAWK University兩位學生Sandro Engel同Holger Michel設計,目的係鼓勵大家唔好亂過馬路,話咁快玩兩舖就轉咗綠燈可以過馬路,醒。

Read more ›