fbpx

Tag: 微博

【有片】中國神級「偽娘」揚威海外 日本網民:「PS得太過火」

【有片】中國神級「偽娘」揚威海外 日本網民:「PS得太過火」

呢位來自中國嘅偽娘,個樣極之女性化,不過就有個充滿江湖味嘅名 ─「豪歌」。其實佢之前喺中國已經好高人氣,不過最近傳到去日本,好多日本網民都瘋狂share佢嘅相片,吸引好多人討論。的確,睇佢cosplay嘅女僕造型,真係幾靚女,之後仲爆衫,嗚呀!身裁仲幾好‥‥‥係咪扮偽娘喳?不過有唔少日本網民就留言話佢PS得太過火,塊臉睇落白得滯,但係呢,如果出寫真都係好想買嘅。翻查資料,「豪歌」正職係一位設計師、化妝師同影樓嘅負責人,偽娘經驗已經達到6年,難怪咁純熟。而家佢係「愛麗絲偽娘團」嘅成員,入嚟有片睇,不過一睇片就穿崩嘞!

Read more ›

【瘦人新挑戰】反手夾手機微博狂玩   夾得高先係女神

【瘦人新挑戰】反手夾手機微博狂玩 夾得高先係女神

繼之前好多人瘋狂玩嘅反手摸肚臍之後,最近網上又有新嘢玩 ─ 反手夾手機!上微博搜尋會見到好多人嘅示範相,今次唔駛一定好瘦先做得倒,只要手夠長骨頭唔太硬都做倒,滿足感大好多,不過難在有唔同level,反手而又舉得高嘅,先係女神級數,仲要記得拎埋部手機夾實先叫合格。網上好多女仔仲專登換返件大露背衫先影相示範,幾好睇。

Read more ›
北京現「藍天」微博狂洗版    日本網民留言贈興

北京現「藍天」微博狂洗版 日本網民留言贈興

  其實都幾悲哀,北京長期受到霧霾天氣嘅影響,能見度低空氣又差,所以呢幾日居然出現藍天白雲,大家都好開心,北京人民仲狂影藍天放上網,大家嘅微博都比藍天洗版。有人話之前政府實施嘅政策有效,而且空氣質量測試結果都幾好,據講呢個藍天起碼持續到14號。消息傳到去日本,當地網民就話覺得北京人民好可憐,有人就突破盲腸,問係咪啲風吹咗啲霧霾去日本,咁又掃興咗啲嘅。

Read more ›
揚威海外    內地整容男膠樣炫富   日本網民:「夜晚見到會嚇到標尿」

揚威海外 內地整容男膠樣炫富 日本網民:「夜晚見到會嚇到標尿」

呢位叫劉梓晨嘅中國男子可能你之前都見過,最近佢仲紅到去日本,好多日本網民喺2ch討論,因為佢個樣實在整得太誇張!對眼大到跌出嚟,下巴仲尖過范冰冰,睇埋整容前嘅證件相,真係100%阿媽都唔認得佢。日本網友話:「佢對眼好似爬蟲類動物!」「夜晚見到會嚇到標尿」。上佢嘅微博睇,原來佢仲係富二代,經常炫富,例如跌爛咗部iPhone6就話好彩自己買咗幾部備用;出咗張白金信用咭就同網友講,張咭有過100萬信用額,無見過世面嘅要上網查查唔好比人笑,睇完文字再望埋佢個樣,我諗大部份人都會同我一樣,拳頭硬晒。

Read more ›
微博瘋傳 雙面人男右女左

微博瘋傳 雙面人男右女左

呢個世代,好多嘢我哋都睇唔清,你以為係靚女,原來係偽娘;你以為係偽娘?其實佢真係一個女仔……微博最近就出現咗呢幅相,一個男仔遮住半邊臉,話另一邊臉好爆炸,之後睇埋另一邊……算啦,又唔係話好靚,但係感覺好奇妙。

Read more ›
「中國好哥哥」微博210萬粉絲      兄妹情深

「中國好哥哥」微博210萬粉絲 兄妹情深

呢位外貌有啲似吳尊,叫「吳大偉DvWooooo」嘅內地明星我都係啱啱認識,佢微博有210萬粉絲,爆紅原因係因為佢有「中國好哥哥」嘅稱譽。中國好聲音就聽過,咩叫中國好哥哥?原來佢有一個細自己18年嘅妹妹小沛沛,兩個人感情好好,自從佢開始喺網上張貼同妹妹嘅溫馨照之後就人氣急升,都係嘅,人又靚仔身裁又好,仲對妹妹呵護備至,有齊好男人嘅條件,女仔好難唔冧。不過最正係有網友將佢嘅溫馨照惡搞,將佢同阿妹嘅身份對調,難得佢唔介意仲幫手轉載。

Read more ›

中國「百度影音」從良   內地網民無慮即刪

中國「百度影音」從良 內地網民無慮即刪

呢單新聞好有警世效果,亦同大家息息相關,所以要share。一向大家都會靜雞雞上大陸網煲戲煲劇,百度影音呢個龍頭之一嘅影音平台,噚日喺微博公佈正式從良!以後會致力打造原創內容,口號係「高度重視版權保護」、「大力扶持正版,打擊盜版」。對於呢個安排,我支持得嚟有少少唔慣,開心得嚟又有少少感觸。最真心都係內地網民留言,佢哋話:「你说变就变,我该删就删」、「我曾用心爱着你」、「好多剧都没了!里面全是些旧的TVB 怎么解释!」,入嚟仲有好多精采語錄,堅好笑。

Read more ›
超萌!四川忌廉哥熱爆    40萬粉絲紅到日本

超萌!四川忌廉哥熱爆 40萬粉絲紅到日本

香港有忌廉哥,大陸都唔輸蝕,最近呢隻名為「紅小胖Snoopy」(snoopybabe)嘅肥貓紅到連日本網站都介紹佢,instagram有19萬個fans追蹤,新浪微博都有27萬個粉絲,極之威威,雖然我有啲唔明,Snoopy明明係一隻狗。呢隻現居於四川成都嘅異國短毛喵,得意在於塊面超大超圓,眼仔碌碌,扁口扁面超可愛,唔知以為PS過。見倒佢有咁多內地粉絲我好開心,起碼呢27萬人應該唔會食貓肉啩。

Read more ›
化妝神技 強國偽娘 真身曝光冇人信

化妝神技 強國偽娘 真身曝光冇人信

那麼可愛,一定是男的吧?現實真係有呢種事……話說呢條強國嘅o靚仔將自己嘅相post咗上微博,嘩即時令好多宅男讚靚女啦,點知睇真啲,咦呢條o靚仔咩人嚟?點解會有張唔關事嘅相喺度?唔通係位Coser個細佬?又點知再睇真啲,原來呢個o靚仔就係相中嘅靚女Coser!睇番啲輪廓,除咗對眼之外真係一樣,最令人嬲嘅係可唔可以post張好樣少少嘅原樣出嚟呢?呢單嘢又紅到去日本,網友們嘅反應都係覺得好神奇,發咗場夢咁。

Read more ›