Post Tagged with: "復刻"

上官小威復刻馬榮成四作品 大堆頭多嘢送開訂$80
by / on 10/12/2019 at 7:30 pm

上官小威復刻馬榮成四作品 大堆頭多嘢送開訂$80

我份人好簡單嘅啫,最緊要多公仔書睇,《隱形怪客》、《馬榮成專欄集》、《博命單刀》同《異形》,四本訂購價Total $80。照舊由上官小威復刻,亦照舊例牌多嘢送,送四張A4卡、A2《五兄弟》海報同四張小卡。咁大堆頭,仲要係馬榮成作品,講真係好有吸引力嘅。

Read more ›

上官小威復刻《迷離世界》 送16張創刊號封面貼紙
by / on 29/11/2019 at 8:21 pm

上官小威復刻《迷離世界》 送16張創刊號封面貼紙

上官小威復刻《迷離世界》,我舉腳贊成,想當年細細個又要驚又要睇嘅日子,真係非常回味。好喇,家陣正式開訂,一次過訂購8期,即送3D立體畫版、A2創刊海報同16張貼紙。呢16張貼紙都好有心思,係16本漫畫嘅創刊號封面,到時拎上手,又睇吓記唔記得自己睇過邊本?

Read more ›
上官小威復刻《超級漫畫》+《鬼夜2》
by / on 18/11/2019 at 9:00 pm

上官小威復刻《超級漫畫》+《鬼夜2》

上官小威繼續復刻,先有《超級漫畫》,100頁,送截拳道第四式海報、《李小龍》第71同72期貼紙,訂購價$48;再有《鬼夜2》,都係100頁,送截拳道第五式海報、《李小龍》第73同74期貼紙,訂購價都係$48。暫定12月中推出,很好,又多兩本漫畫睇。

Read more ›
復刻停不了 《龍虎風暴》珍藏本開賣
by / on 04/11/2019 at 8:17 pm

復刻停不了 《龍虎風暴》珍藏本開賣

懷老好的舊,都係復刻,都係咁想買,一期完珍藏本《龍虎風暴》,屬《龍虎門》外傳故事,全書370頁。分三個版本,一,九死邪功豪華硬皮版,送王小虎3D立體畫,$188;二,穹蒼寶鑑豪華硬皮版,送王小龍3D立體畫,$188;三,書屋普通版,$128。「收藏家港漫專區」獨家發售,老祖宗Fans有買趁手。

Read more ›
上官小威復刻漢民大作 美好回憶返晒嚟
by / on 19/09/2019 at 8:46 pm

上官小威復刻漢民大作 美好回憶返晒嚟

細個嗰陣,阿媽唔畀睇公仔書,想睇,我呢個屋村仔要等屋企人訓晒覺熄晒燈,走去大門口借走廊燈光睇,所以睇漢民《怪異集》係真心驚嘅。呢種又要驚又要睇嘅美好回憶,一世難忘。上官小威剛剛喺面書留言曰:「久違了的鬼故大師,久違了的經典人物,三四十年前的作品再度重現眼前。」出埋宣傳圖大大字寫住「漢民」二字,究竟復刻漢民邊本作品呢?好緊張,拭目以待。

Read more ›
上官小威復刻《鬼夜》 齋書價$48
by / on 14/08/2019 at 9:19 pm

上官小威復刻《鬼夜》 齋書價$48

死火,呢本真係聞所未聞,Anyway,多本公仔書睇始終係好事,所以都幾有興趣睇吓乜料。上官小威復刻嘅《鬼夜》,由上官小寶加倫裕國合作推出,全書100頁,齋書售$48。老例,提供埋贈品版,售$68,包紀念證書、上官小寶截拳第二式A2海報、李小龍貼紙同心意卡。報告完畢,請多多支持。

Read more ›

撐!上官小威復刻《漫畫樂園》!
by / on 06/08/2019 at 6:15 pm

撐!上官小威復刻《漫畫樂園》!

復刻停不了,上官小威重推《漫畫樂園》,全書100頁,齋書售$48,贈品版貴廿皮。贈啲乜呢?包括截拳道第一式A2海報、小醉仙四色心意彩卡、小醉人雙面明信片、洪拳情意卡同李小龍67-68期貼紙兩張。懷老香港的舊,大家有無興趣?

Read more ›
繼續復刻 上官小威出《小威鬼故精選》
by / on 21/06/2019 at 8:45 pm

繼續復刻 上官小威出《小威鬼故精選》

復刻停不了,上官小威喺面書公開透露,打算自《香港猛鬼集》、《魔幻集》同《迷離世界》精選故事,出一本《小威鬼故精選》。想當年,我都好鍾意睇鬼漫畫,嗰陣讀緊小學,阿媽唔畀睇公仔書,我惟有半夜三更襯老竇老母瞓晒,匿喺被竇拎電筒照住偷偷睇,好多時都睇到驚。於我,係回憶,買《小威鬼故精選》,好大程度係因為想買番美好的回憶。

Read more ›
上官小威復刻《鐵橋》開訂 六漫畫五精品$120超值
by / on 28/01/2019 at 9:30 pm

上官小威復刻《鐵橋》開訂 六漫畫五精品$120超值

Good嘞,終於有詳細資料,上官小威復刻《鐵橋》正式開訂,包全套六期漫畫、磁力貼、上官小寶連環八腿八張卡、趙汝德全新彩畫、紀念證書、12張貼紙,超抵價$120。預計3月面世,咁抵玩,好難唔買。

Read more ›
上官小威復刻《鐵橋》 趙汝德送靚畫贈品
by / on 30/11/2018 at 8:31 pm

上官小威復刻《鐵橋》 趙汝德送靚畫贈品

「《鐵橋》,趙汝德精心傑作,售價每冊二元」,齋望封面都聞到嗰陣濃濃八九十年代港漫味。上官小威復刻《鐵橋》在即,為宣傳梗要整番啲贈品益街坊。贈品係靚畫一大張,有黑白有彩色,由趙汝德重新繪畫,好正。

Read more ›
上官小威復刻第三輯《壽星仔》開訂
by / on 24/10/2018 at 8:29 pm

上官小威復刻第三輯《壽星仔》開訂

最新消息,上官小威復刻第三輯《壽星仔》剛剛開訂,包9至12期,送紀念證書1張、書簽兩張,向「收藏家港漫專區」訂購者,獨家送多兩張貼紙添。報告完畢。

Read more ›

上官小威繼續復刻 至尊金版《馬榮成短篇集》$150
by / on 17/10/2018 at 11:08 pm

上官小威繼續復刻 至尊金版《馬榮成短篇集》$150

繼續復刻,今次上官小威推出嘅至尊金版《馬榮成短篇集》,超限量200本,附1至200編號紀念證書、貼紙兩張,每本$150,估計應該好多老港漫迷會鍾意,所以要搶,「收藏家港漫專區」開訂。上官小威放埋風,遲啲仲有個銀版,等得嘅,睇定啲先入手都唔遲。

Read more ›
上官小寶《洪拳》復刻 每本廿皮仲有嘢送咁抵玩?
by / on 02/10/2018 at 8:26 pm

上官小寶《洪拳》復刻 每本廿皮仲有嘢送咁抵玩?

復刻停不了,上官小威又打算復刻上官小寶《洪拳》,仲登咗張標示「HK$20」嘅疑似漫畫書封面相。佢喺面書留言曰:「另外送上小寶當年在《喜報》所贈的『連環八腿』貼紙及懷舊粉卡……還有,還有,除了懷舊禮物,還有最新製作的李小龍磁力貼……」如果咁多嘢送都只不過賣廿皮,又真係好難唔撐。話時話,以前啲封面雖然構圖簡單,但大黃底襯綠藍紅字,男主角擺開拖架式置中,左右畫多隻飛鶴同老虎,虎鶴雙形乎?簡單得嚟又確係搶眼喎。

Read more ›
上官小威復刻《蟋蟀仔》 黃國興加推「123店」版送贈品
by / on 05/06/2018 at 10:00 pm

上官小威復刻《蟋蟀仔》 黃國興加推「123店」版送贈品

唔講大話,我何只未睇過黃國興《蟋蟀仔》,就連有呢本漫畫都未知,但如今上官小威話將之復刻,我有興趣入手喎,一來,豬老闆好好人,點都要撐撐;二來,因為家陣港漫已經買少見少,於我《蟋蟀仔》直頭可以當新書咁睇,何樂而不睇?為谷一谷氣勢,黃國興決定推出「123店」版,佢係「123漫畫精品專門店」老闆,即係獨家喇,賣幾錢未知,但贈品有自由豬卡同復刻紀念海報各一,咁當然唔少得親筆簽名喇。

Read more ›
邱福龍復刻元祖版《鐵將縱橫》 港漫迷開心到癲
by / on 18/04/2018 at 2:51 pm

邱福龍復刻元祖版《鐵將縱橫》 港漫迷開心到癲

好消息,邱福龍決定復刻《鐵將縱橫》,留意番,係三十年舊著嗰套元祖版,佢喺面書留言話只出自己編寫部份,清兒接手嗰Part無份:「原汁原味另加新封面,舊封面也會出,一本書有新舊封面」云云,仲登埋兩幅新創作草圖封面畀大家睇睇添。留言一出,港漫迷齊聲讚好,Stanley Yim咁話:「咪就係經典足廿幾三十年囉!龍哥!」、Wing Fung Wong又咁話:「新舊鐵縱橫對比,見證龍哥三十多年後的畫功精進不少。」、Ka Ka Chan咁話:「睇返舊,都應該幾過癮。」係,真係好過癮,呢單News,令我好興奮。

Read more ›