fbpx

Tag: 復刻

孫威軍《封神演義》電子復刻版 不日上架

孫威軍《封神演義》電子復刻版 不日上架

話說孫威軍同Penana平台合作,將舊作品《封神演義》重新上架。為此,佢為電子化復刻版重新繪畫新封面,仲搞鬼哋攞咗兩個角色出嚟,比較吓前後廿年畫風變化,大家記得多多支持。

Read more ›

司徒劍僑問讀者 復刻《天人》定《八仙道》好?

司徒劍僑問讀者 復刻《天人》定《八仙道》好?

早幾日,司徒劍僑開Post,話想整番個民意調查,問廣大讀者如果搞復刻,想復刻《天人》定《八仙道》?大家不妨留言畀吓意見,不過計我話,兩本都復刻咪唔使煩囉。Or,If可以的話,出本新書又得唔得,我諗讀者會更開心。

Read more ›
肥良拍片Sell 3D打印海虎Figure 動漫節送復刻手稿

肥良拍片Sell 3D打印海虎Figure 動漫節送復刻手稿

話說肥良都好積極地參與今年動漫節,會推出海虎3D打印1:12元祖復刻版Figure,每隻有獨立編號,首批截訂日期7月26日,講明45日後取貨,售$1680。另外,為咗谷起個勢,佢唔單止搞笑地扮魚將自己Key入宣傳片,仲搞咗個小抽獎添,獎品係三張復刻手搞,7月24號截止,得獎者可以喺7月26日動漫節攤位領取獎品。Very fine,好事,硬係覺得有番肥良呢一號人物,港漫界將會熱鬧起來。

Read more ›
一鋒動漫節產品一覽 復刻上官小威作品

一鋒動漫節產品一覽 復刻上官小威作品

今年動漫節都有一鋒的份兒,產品唔多,有三種。一,一套四款《逆轉英雄》同《降神之雨》封面A4文件夾,售$100;二,一套六款明信片,售$70;三,上官小威經典復刻作品,究竟邊本呢?為保持神秘暫時唔講得住喎,小威呢三幾個月好似停止咗搞作,見到佢推出作品都係開心事,拭目以待呀喂。

Read more ›
繼續復刻 上官小龍三鬼書不日推出

繼續復刻 上官小龍三鬼書不日推出

上官小威又來復刻了,今次復刻嘅係前輩上官小龍作品三本,包括《冤魂》、《鬼屋怪影》同《隔世陰魂》,全部都係一期完,各售$20。雖則唔明點解要大大隻字標榜「全無暴力,絕無色情,只有離奇」,但於我呢,都OK有興趣嘅,因為莫講話睇,呢三本書我就連聽都未聽過,睇吓呢類古早鬼書可以懷吓舊,當新書睇唔錯吖。

Read more ›
上官小威復刻終極版《正宗壽星仔》$38 加$10送《新年特刊》

上官小威復刻終極版《正宗壽星仔》$38 加$10送《新年特刊》

上官小威又來復刻喇,終極版《正宗壽星仔》售$38,送贈品3D畫板、磁力貼同靚卡四揀一;如果加多$10,送多本《新年特刊》另加贈品一份。咁大堆頭,係好抵睇嘅。

Read more ›

上官小威首本武俠漫畫 復刻《方世玉》不日推出

上官小威首本武俠漫畫 復刻《方世玉》不日推出

上官小威復刻停不了,今次輪到復刻自己嘅第一本武俠漫畫《方世玉》。太古早了,呢本漫畫莫講話睇,我連聽都未聽過。望望登喺面書嘅宣傳畫,啲公仔線條都好實淨吓,感覺好高清,暫定十期完結,如無外應該會入手。

Read more ›
上官小威復刻黃國興《蟋蟀仔》 加送海報+雙面卡

上官小威復刻黃國興《蟋蟀仔》 加送海報+雙面卡

上官小威復刻黃國興《蟋蟀仔》,本身已經有兩張A6心意卡隨書附送,最新消息係,如果直接去「123漫畫精品專門店」幫襯黃國興本尊,即送多張A3雙面海報同A4雙面卡。張雙面卡都幾盞鬼,一邊印上彩色第一期封面,另一邊印上第二期複製原稿,限量30張,手快有手慢無。

Read more ›
邱福龍復刻版《龍神》開訂

邱福龍復刻版《龍神》開訂

印象中之前有買過,但借咗畀人無還定唔知點,總之家陣書櫃肯肯定無邱福龍鉅作《龍神》,若有所失。Fine,家陣話復刻,我當然舉腳贊成。復刻版《龍神》分兩個版本,一,精裝版,豪華硬皮封面,送龍神雷射卡,售$168;二,普通版,珍珠紙封面,送神中神雷射卡,售$128。「收藏家港漫專區」開訂,無得唔買,我一定買。

Read more ›
上官小威復刻《人鬼神》 不日見街

上官小威復刻《人鬼神》 不日見街

上官小威又有復刻計劃,今次復刻嘅係鄧本邦、何志文、柏迪、陳偉文同梁偉家都有份參與嘅《人鬼神》。死火了,呢本鬼古漫畫我有無睇過呢?真係唔記得,但啲封面又好似有啲印象。點都好,如無意外我應該會捧場嘅。

Read more ›
繼續復刻 上官小龍四古早漫畫$68

繼續復刻 上官小龍四古早漫畫$68

又來了,又來復刻了,今次上官小威復刻嘅係上官小龍嘅四本漫畫──《女學生》、《風流毒吻》、《斯文爛仔》同《怨婦》。呢四本漫畫,莫講話睇,我連聽都未聽過,不過都有興趣望吓六十年代港漫究竟是何模樣。價錢方面,套餐價$68,包四書、A3李小龍海報兩張同價值$50嘅3D畫板一塊。大堆頭多嘢送,係抵睇嘅。

Read more ›

《復刻李小龍》就快周刊化 認真復刻抵讚

《復刻李小龍》就快周刊化 認真復刻抵讚

普通版套裝《復刻李小龍》今日出版,包第15期至18期兼送6張Postcard,售$80,計番即係每期$20,都幾抵也。而打後連續兩個周三,都會以呢個形式出版,直至第27期先會以周刊形式逐期出,大家要留意番了。另,鄺氏今次復刻得好認真,開Post解釋復刻50年舊作難處,並以第15期為例,要幾經轉折問某馬來西亞讀友借出Scan版本封面,先可以順利複印出版。好事嚟嘅,呢種態度真係要讚。此復刻非伏黑,大家真係要多多支持。

Read more ›
面書專頁「鄺氏漫畫」登場 復刻《李小龍》A1海報曝光

面書專頁「鄺氏漫畫」登場 復刻《李小龍》A1海報曝光

首先要宣佈呢,係鄺氏開咗個面書專頁「鄺氏漫畫」,大家記得畀讚喇。另外呢,之前話隨復刻《李小龍》附送嘅A1 Size海報,三個復刻版本嘅三幅海報都有相睇喇,保證原稿複製100%忠實還原咁話喎。大家識做喇,點識做法?買齊三個版本攞齊三幅海報囉。

Read more ›
復刻《李小龍》分三個版本 加送超大A1 Size海報

復刻《李小龍》分三個版本 加送超大A1 Size海報

原來呢,鄺世傑係搵上官小威幫手復刻《李小龍》嘅,暫時所知會分動漫節會場金版、漫畫屋銀版同原味靚版,限量幾多、價錢等資料自己睇表。值得一提嘅係,為搞大件事,有關方面會送《李小龍》大海報,A1 Size,即係840mm x 594mm,即係好大好大張囉,擺出嚟應該會好有氣勢囉。

Read more ›
鄺世傑動漫節復刻《李小龍》 由創刊號開始

鄺世傑動漫節復刻《李小龍》 由創刊號開始

擒日報導鄺世傑今年動漫節有搞作,今日佢再開Post報料──為賀50週年,決定由第一期開始復刻《李小龍》,仲解釋點解之前出嘅珍藏本會由第27期開始,原來係因為上官小寶嫌「……不夠好看,而且是單元故事,不是連續故事,覺得會影響銷路。」復刻鉅著固然開心,但我留意到佢仲話:「有很多人留言及PM問我很多問題,但要準備的事情實在太多,而且還有新書推出,恕我不能逐一回覆。」睇清楚未,係仲有「新書推出」呀,不久嘅將來,書報攤又多一本港漫,我很開心,也很感恩。

Read more ›