Post Tagged with: "復仇者聯盟"

【識英雄】Marvel出圖賀《侏羅紀世界》      恐龍拎起《雷神》之鎚
by / on 21/06/2015 at 12:35 pm

【識英雄】Marvel出圖賀《侏羅紀世界》 恐龍拎起《雷神》之鎚

電影《侏羅紀世界》喺美國破埋《復仇者聯盟》嘅開畫票房紀錄,好威威。Marvel Studios唔介意之餘仲好大方,主腦Kevin Feige喺Twitter放咗張賀圖,一班《復仇者聯盟》嘅角色望實騎住恐龍T-Rex嘅男主角Chris Pratt,標題形容《Jurassic World》係「KING!」。睇真啲,隻恐龍手上面仲揸住咗雷神之鎚!張圖由Marvel嘅Andy Park設計,其實以往好多電影人都會識英雄重英雄,出賀稿賀對手套戲收得,入嚟有得回帶睇埋當年史提芬史匹堡賀《星球大戰》大賣嘅廣告稿,好正。

Read more ›

復仇者融入家中       12件居家粉絲必備擺設
by / on 31/05/2015 at 12:37 pm

復仇者融入家中 12件居家粉絲必備擺設

《復仇者聯盟2》仲未出碟,想珍藏都要再等多排。咁作為死忠Fans,屋企點都要有返啲復仇者嘢招呼吓朋友嘅,外國網就搜羅咗12件家居擺設,大至超正嘅重型書枱、細至黑膠碟時鐘,仲有砧板、LEGO、衣櫃、燈掣,梗有一款中你死穴,最好梗係最尾嗰張圖咁,全屋都係復仇者主題做裝修,我都想做Iron Man添,那有錢?話時話,點解無美國隊長盾牌背囊架?

Read more ›
【網圖分享】亞洲明星版復仇者聯盟 零違和感
by / on 28/05/2015 at 8:00 pm

【網圖分享】亞洲明星版復仇者聯盟 零違和感

之前都介紹過呢個中國微訊用戶「青紅造了个白」嘅修改圖,呢一輯亞洲明星版復仇者聯盟在更加令人擊節讚賞,幅幅都零違和感,我尤其鍾意王寶強版Hulk,搞到佢塊面青BB,真係好鬼死Cutie;何潤東版Thor一頭白髮,亦極具霸氣。都係嗰句,PS高手在民間,真係唔到你唔服。

Read more ›
又係時候幫襯七仔 換復仇者聯盟公仔
by / on 07/04/2015 at 9:00 am

又係時候幫襯七仔 換復仇者聯盟公仔

《復仇者聯盟2:奧創紀元》4月23日先正式上映,相關宣傳已經浪接浪,家陣燒埋七仔嗰疊。聽日開始,憑6個印花加$20或16個印花,即可換購一個復仇者聯盟公仔連地台,一套十個包括Iron Man、Captain America、Hulk、Thor、Hawkeye、Black Widow、Nick Fury、War Machine、Ultron同Hulkbuster。為數十個,話多唔多話少唔少,望過相,老實唔算絕頂精緻,但擺入飾櫃絕唔失禮,值得入手。有網友話Thor個樣似元華,唔知大家又點睇?

Read more ›
網圖分享:八仙過海版復仇者聯盟
by / on 28/03/2015 at 8:30 pm

網圖分享:八仙過海版復仇者聯盟

好難想像中國嘅八仙過海可以同Marvel嘅復仇者聯盟拉上關係,兩者明明風馬牛不相及,但喺擅畫中國畫嘅插畫師夏阿筆下,居然可以二合一。喺同一幅畫裡面,一個超級英雄配對番一個神仙,分別係Nick Fury變蒲扇鍾離權、Loki變葫蘆李鐵拐、Hawkeye變花籃藍采和、Black Widow變荷花何仙姑、Iron man變寶劍呂洞賓、Thor配竹笛韓湘子、Captain America變魚鼓張果老、Hulk變玉板曹國舅,如此零違和感,不得不讚。

Read more ›
馬來西亞畫師作品 暗黑復仇者聯盟
by / on 05/03/2015 at 10:30 am

馬來西亞畫師作品 暗黑復仇者聯盟

  喺馬來西亞插畫師Daniel Kamarudin筆下,復仇者聯盟各角色盡數妖魔化,多咗份暗黑味,感覺奸狡咗、陰險咗、邪惡咗……Loki似勾魂奪魄嘅地獄使者、Captain America似異形上身、Hulk似喺青山走出嚟嘅傻佬、Hawkeye似死神、Black Widow似食人族妖女、Thor似大發雷霆嘅癲佬、Iron Man似殺人唔眨眼嘅暴君,獨獨Nick Fury似番個人,唔知大家又Like唔Like?

Read more ›

星戰 X 復仇者聯盟   fans有排驚
by / on 09/05/2014 at 7:10 am

星戰 X 復仇者聯盟 fans有排驚

5月4日星戰日之後,日日都繼續有《Star Wars》新聞,今次係《Star Wars》聯乘《復仇者聯盟》,各位fans唔駛驚,雖然迪士尼收購咗Marvel同埋Lucus Films,不過呢幾張插圖只不過係藝術家Jonathon Bolerjack手痕之作。美國隊長、雷神、Iron Man、變形俠醫同埋箭手改流星戰血,講真有啲難接受,希望Marvel唔好嚟真!話時話,講起我又想翻睇第一集《復仇者聯盟》,好彩今日係星期五,Yeah!

Read more ›
新片速報   蜘蛛俠突入復仇者聯盟?   《Disney Infinity 2.0》秋天推出
by / on 03/05/2014 at 1:19 pm

新片速報 蜘蛛俠突入復仇者聯盟? 《Disney Infinity 2.0》秋天推出

迪士尼收購Marvel後,我覺得最傷心係推出遊戲《Disney Infinity》,超級英雄全部變晒cute版,不過小朋友似乎幾buy,因為迪士尼宣佈秋季會有新一集《Disney Infinity: Marvel Super Heroes (2.0 Edition)》登場,網上有新trailer睇。今集唔玩毛毛大眼仔胡迪,全部變晒超級英雄,由於齊晒腳,十足復仇者聯盟卡通版。最驚喜係片尾見倒蜘蛛俠突入!睇嚟要見倒蜘蛛俠同復仇者聯盟同場,可能都係要靠喺《Disney Infinity》入面先見倒。遊戲將會喺PS4/PS3/Xbox One同Xbox 360平台推出。

Read more ›
女版復仇者聯盟  變形俠醫超殺氣
by / on 29/01/2014 at 11:16 am

女版復仇者聯盟 變形俠醫超殺氣

呢位網名Quirkilicious嘅插畫師Drake Tsui係忠實美國漫畫fans,好鐘意復仇者聯盟。我最鐘意係佢呢幅名為We Can Do It嘅作品,將復仇者漫畫出過嘅角色一次過晒冷,不過全部只限女性,Iron Woman、美國女隊長、Spider-woman、X-23都有份,連變型俠醫Hulk都唔放過‥‥‥入嚟仲有其他作品回顧,幾高質。

Read more ›
《復仇者》過檔《星戰》  變形俠醫變尤達?
by / on 13/10/2013 at 11:33 am

《復仇者》過檔《星戰》 變形俠醫變尤達?

如果《復仇者聯盟》原班人馬做《星球大戰》會係點?相信係天價,有生之年都未必睇倒,不過有網友就將復仇者嘅figure換晒星球大戰服飾,當係哈佬喂特備節目,一樣做到幾可亂真嘅效果。鬼咩,Hot Toys出名頭雕極像真嘛。咁多個角色入面,最難搞嘅係邊個?咪就係Hulk變形俠醫囉,又大隻又青BB,Cos邊個好,最後創作者決定幫佢Photoshop加對耳仔扮尤達,well done!

Read more ›
復仇者 x 汽車品牌    Hulk變Honda勁夾
by / on 29/09/2013 at 1:00 pm

復仇者 x 汽車品牌 Hulk變Honda勁夾

有得諗喎!Hulk變形俠醫原來同汽車品牌Honda嘅logo又幾夾!外國網Etsy有賣家Geekerie設計咗一系列復仇者車系,玩盡Iron Man、雷神、Loki、黑寡婦、美國隊長等等,食返每個車牌嘅logo,睇落幾有心思。呢套設計仲有得賣,各個汽車品牌唔知有無興趣贊助返套《復仇者車王聯盟》呢?

Read more ›

終於來了   復仇者成人玩具   變形俠醫太露骨
by / on 14/08/2013 at 11:35 am

終於來了 復仇者成人玩具 變形俠醫太露骨

要嚟嘅始終都要嚟,講嘅唔係尤特 (佢係要走始終要走),而係一套六款嘅復仇者性玩具,由外國設計師Balazs Sarmai諗出嚟嘅一式六款成人玩具,唔係官方授權,仲係概念階段,有齊美國隊長、Iron Man、雷神、鷹眼、黑寡婦,咦,得5款,仲有一款係咩?無錯,就係大家好期待嘅Hulk變形俠醫,佢的確好震憾,有12吋,由於太露骨,為免小朋友睇完發惡夢,編輯部商議後決定抽起,夠18歲嘅自己入去Balazs Sarmai網站發掘真相吧。

Read more ›
鷹眼同黑寡婦拍拖?      最八卦Marvel網站爆料
by / on 27/06/2013 at 10:52 am

鷹眼同黑寡婦拍拖? 最八卦Marvel網站爆料

鷹眼同黑寡婦拍拖?復仇者班底上New York Magazine封面?其實呢堆相全部來自一個外國網站MediAvengers,自稱係地球最全能最八卦嘅blog,入到去,你就要當自己生活喺Marvel嘅漫畫世界入面,所有報紙雜誌封面當然全部都係熟口熟面嘅英雄人物。網主仲整咗條宣傳新片叫大家留言比吓意見。記住,入面嘅嘢全部都係假嘅,咪咁認真。

Read more ›
重口味Cosplay     女版復仇者聯盟睇到飽
by / on 12/06/2013 at 7:41 am

重口味Cosplay 女版復仇者聯盟睇到飽

我知呢呢個女版變形俠醫好重口味,但係本住最緊要同大家分享嘅精神,我唔覺意睇倒,相信你都唔會介意陪我睇‥‥‥啩。出自外國人Hector Lopez手筆,佢最鐘意玩Body Painting同埋改圖,復仇者聯盟之中,變形俠醫最高難度最有挑戰性,點可以唔玩?網站HELOZ充斥大量重口味作品,飽呀喂呢次,得喇,BAM吖嘛。     網站:http://www.heloz.com/    

Read more ›
復仇者handmade頸鍊      忍者龜李小龍都有份
by / on 08/06/2013 at 2:26 pm

復仇者handmade頸鍊 忍者龜李小龍都有份

美國網店NerdFashion專賣動漫、遊戲角色嘅 人手製首飾,外國人最鐘意嘅復仇者聯盟當然有份,Iron Man、變形俠醫、美國隊長全部可以掛上身,而且係漫畫版唔係真人咁恐佈。除咗復仇者,連冷門嘅忍者龜都有份,仲有齊咁多個角色,估你唔倒。差啲唔記得,仲有外國人好鐘意嘅李小龍,不過好有廟街遊客手信feel。價錢方面,每條賣港幣HK$160,貴在每幅圖畫都要鑲入玻璃內,可以防水喎, 大汗都唔怕。

Read more ›