fbpx

Tag: 徐大寶

梁偉家加入《天妖玄奇》 孖徐大寶做美術主筆

梁偉家加入《天妖玄奇》 孖徐大寶做美術主筆

剛喺茶餐廳坐咗兩粒鐘,啜住凍檸茶一口氣睇晒本周港漫,好爽皮。睇今期第30期《天妖玄奇》,姬發入魔問天死完又死,故事進度繼續緩慢,驚喜位卻在書末,不見了徐大寶卻換上梁偉家新專欄「家油站!」,原來佢已經孖住徐大寶一齊擔任「美術主筆」一職。家家咁寫:「……首先特別多謝黃生同家寶兄邀請我加入黃玉郎集團呢個大家庭,諗唔到又可以投入香港漫畫嘅懷抱……」我有追開家家面書的,不嬲都好鍾意佢滿滿港漫味嘅畫風,加油呀,有家家加盟,希望《天妖玄奇》可以越做越好喇喂。

Read more ›

《天妖玄奇》換徐大寶做美術主筆 加兩Part床戲得唔得?

《天妖玄奇》換徐大寶做美術主筆 加兩Part床戲得唔得?

其實早幾個禮拜都已經吹緊風了,今個禮拜終於塵埃落定。今期第23期《天妖玄奇》書末專欄,已經由「彬彬有禮」改為「妖‧徐便講」,「徐」者,徐大寶是也,即係話美術主筆一職,正式由徐大寶頂替鄺彬強。Fine,久違了的徐大寶揸旗,唔知會唔會加番兩三番Part床戲呢?計落,嗯……海奇同姬發呢Pair唔錯,玄舞同問天就擺明會發展成情侶,尤其剛剛出場嘅九尾孤仙,直頭係淫娃妖精潛力股,有得諗喎。

Read more ›
上官小威復刻《金漫畫》 星級陣容每本$98

上官小威復刻《金漫畫》 星級陣容每本$98

早前報導話上官小威正準備復刻《金漫畫》,依家有進一步消息。《金漫畫》將以12期作為一個總結,保證完滿出版所有故事,售$98。一舊水可以睇到啲乜呢?可以話係星級陣容,包括上官小寶、上官小威同馮志明,最喜出望外係徐大寶同黃國興都有份供稿,真真久違了。可以睇番佢哋嘅漫畫,我諗好多港漫迷都會好Happy。

Read more ›
大渡2016年出新書 頭炮鄺彬強《龍‧太陽》

大渡2016年出新書 頭炮鄺彬強《龍‧太陽》

好咯,大渡終於有新書出咯,仲要係我好Like嘅鄺彬強,書名叫《龍‧太陽》,書名好老土?又好幾期貨仔?喂喂喂,作為港漫死忠Fans,我哋唔得咁架,家陣書都未出,懇請唔好咁快柴台。至於故事係乜?大渡喺面書專頁拋低以下簡介:「科技日新月異的世代之下,人類早已忘記生命何以能夠跨越幾億萬年環境變異不斷進化。22世紀末,世界上出現了一群頂尖的人類~~~『龍』,他們不斷强化、進化、優化自身的原始力量,目的只為應付史上最殘酷、最致命、最龐大的「天敵」來臨!」睇個勢應該屬科幻技擊,家陣有幾幅原稿畀大家先睹為快,畀心機彬強呀,支持你呀。又,懇請大渡舵手,千其咪好似徐大寶本《孟蘭猛鬼》咁,出晒廣告最後又無影呀。

Read more ›
七月十四出鬼書 徐大寶《盂蘭猛鬼》

七月十四出鬼書 徐大寶《盂蘭猛鬼》

好嘢!徐大寶終於有書出嘞,8月27日就係農曆七月十四盂蘭節,大渡食正當日出鬼書《盂蘭猛鬼》,由擅長寫鬼書嘅徐大寶擔大旗,講明出四期,每本$15。我自細睇《迷離境界》、《怪異集》大,對鬼書情有獨鍾,徐大寶手畫不嬲掂,畫女亦有一手,呢個仲唔係全智賢?

Read more ›
一個月後 徐大寶出鬼書?

一個月後 徐大寶出鬼書?

望望月曆,今日係農曆六月十三日,仲月一個月先到鬼節,大渡話咁快已經出定News賣廣告,拋低留言曰:「今年盂蘭節,鬼書重現香江!鬼王徐大寳,約定陪你~~~過~~~節~~~」不過臨尾都補多句:「密切留意出版日期!!」暫時連書名都無,真心Mode希望出得成喇,鬼古書,我不嬲都Like,徐大寶支筆,我更加Like,大渡面書仲登咗兩張疑似靚女稿圖,都畫得幾靚架。

Read more ›

四封面版本+海報  《集結號》創刊繼續玩影射

四封面版本+海報 《集結號》創刊繼續玩影射

    擒日下晝三點,踎茶餐廳煲剛創刊嘅《集結號》,我睇得好留心,煲咗足足一粒鐘。點解咁留心?因為《集結號》一如肥良接手嘅《新著中華英雄》繼續玩影射,不過今次影射嘅係大渡八大主筆本身,淨係估邊個主角影射緊邊個主筆,已經好過癮。好唔好睇?我中肯答──OK好睇,唔討厭,表達嗰股誓死搞好港漫嘅熱血豪情,作為死忠港漫迷,係撐得過嘅。

Read more ›
八大主筆聯合編繪 大渡出一周年紀念特刊

八大主筆聯合編繪 大渡出一周年紀念特刊

唔覺唔覺大渡原來已經成立咗一年,為此專登推出一周年絕念特刊《集結號》,7月4日創刊,創刊第一回叫〈鬼哭神號〉,賣點係集齊八大主筆聯手創作,Sell人強馬壯,有啲睇頭咁款喎。

Read more ›
《亡魂之書》創刊 徐大寶一貫水準

《亡魂之書》創刊 徐大寶一貫水準

大渡出書六連環數到落第五本,《亡魂之書》創刊,久違了的港產鬼漫畫,新鮮感有,徐大寶畫風非常啱睇,屬保持到一貫水準之作,不過唔知點解,我都係鍾意佢畫《金瓶梅》多啲。

Read more ›
《渡漫雜誌》第二期 送親筆畫+戲飛

《渡漫雜誌》第二期 送親筆畫+戲飛

無懼面書專頁嘅柴台留言,《渡畫雜誌》繼續以「集合日本、美國、香港最新動漫畫資訊綜合雜誌」掛帥,資訊新唔新,無謂講嘞,反正今期有親筆畫同戲飛送,呢十蚊雞,都值得繼續畀嘅。

Read more ›
《大渡畫集》第二期 終於有漫畫睇

《大渡畫集》第二期 終於有漫畫睇

咪好囉,咁咪乖囉,咁先似番本公仔書吖嘛,《大渡畫集》第二期終於唔見咗「人物設定集」幾粒字,六個主筆六個故事統統以序章形式見街,實牙實齒有漫畫睇,咁先係路嘛。

Read more ›

《大渡畫集》創刊 人物設定圖夾雜成書

《大渡畫集》創刊 人物設定圖夾雜成書

用六本即將推出嘅港漫人物設定圖結集成書,呢招都算破天荒咯。成本《大渡畫集》,裡面淨係得六頁有真正漫畫睇,其餘內容全屬作者的話、角色造型設定圖同訪問稿,搞乜鬼呀?

Read more ›
《大渡畫集》創刊號玩六封面版,出書新策略?

《大渡畫集》創刊號玩六封面版,出書新策略?

好奇怪呀,聽日出版嘅《大渡畫集》創刊號附加咗個幾隻字──「人物設定集」,六個特別版六個封面,內容就本本都一樣有齊六個故事,我純粹靠估,呢招係大渡出書新策略。

Read more ›
十蚊震撼價《大渡畫集》 睇六大主筆作品

十蚊震撼價《大渡畫集》 睇六大主筆作品

真係唔知乜嘢葫蘆賣乜嘢藥,大渡居然以$10震撼價推出《大渡畫集》,以為舊稿炒埋一碟,睇個勢又唔似,皆因大渡隆而重之搞埋發佈會暨漫畫家簽約儀式。十蚊喎,條數點為皮呀?諗唔明。

Read more ›