影相好多時要搵個靚背景，外國專教化妝嘅網紅make.up.chicks就分享咗個技巧，之後有日本網民分享埋去Twitter，方法好簡單，只需要一部手提電腦、一塊鏡就得。將電腦搵到嘅背景透過鏡做反射，想影嘅物品只要放喺鏡上面就得，完成品好靚，不過影嘅物品就唔可以太大件，或者要搵塊大啲嘅鏡先得嘞。

疫情下大家要保持社交距離，不過有時睇相未必等於真實，住喺哥本哈根嘅日本人Kenske L.K就喺Twitter分享咗啲相，攝影角度不同會將實際距離模糊化，例如排隊啲人企到好密，另一角度睇原來企到好遠，入嚟有多啲例子睇。

如果屋企發生呢個情況都真係好驚，有日本網民影咗張相放上Twitter，佢焗麵包居然焗到著晒火，而且火勢相當猛烈，最勁嘅係佢居然仲有時間拎部電話出嚟影相。睇真啲火焰上面仲好似有隻惡魔，好多網民忍唔住出手改圖，入嚟有回帶。

一個人都可以影放閃圖？有日本網民去咗海邊，仲借咗一對呀妹嘅黑色boots， 之後影咗左邊張放閃圖，效果幾可亂真。之後有網民回帶睇返，之前都有人試過咁玩，入嚟有回帶。

呢個貓臉影相APP好多人都玩過，有日本網民分享咗段片，入面精選咗主人變臉後同貓貓嘅片，啲貓見到主人變咗貓臉都好驚，有貓甚至嬲到出爪，超好笑，入嚟有片睇。不過試唔試用貓奴們就要再諗清楚，可能破壞咗人貓關係喎。

今時今日食飯梗係影相行先，有日本網民去咗食燒肉，影完相發現好似Hello Kitty去咗食燒肉咁，原來因為佢用咗個超巨型嘅Kitty電話套，效果好出色。有網民仲畫埋構想圖回應，好高質，入嚟有埋link可以跟樓主買返個一樣款嘅電話套。

有無玩緊PS4隻《Marvel’s Spider-man》？入面有超多支線任務，加上仲有影相模式，好容易會令人流連忘返唔想做主線任務。日本呢位玩具攝影師hot.kenobi啱啱就分享咗佢用影相模式影嘅作品，黃昏嘅紐約景，配埋高空鳥瞰嘅角度，超正！佢平時影嘅玩具寫真都好高質，入嚟有佢IG，可以follow埋。

呢隻倉鼠仔超得意，最近仲喺Twitter好高人氣，因為佢居然識擺V字手勢影相，好搞笑呀！之後有其他網民分享佢哋嘅倉鼠相，原來啲倉鼠好鍾意玩手指嘅，入嚟有片睇。

有大佬照嘅細路真係特別幸福，講緊係日本呢隻流浪貓貓。有日本網民分享咗幾張連環圖，首先發現路邊有隻啡黑色嘅貓發緊呆，舉機影佢，點知有隻黑貓出現嘞，先打橫擋住隻貓仔，之後仲喵喵叫兇呢位影相嘅人，好Man呀！唔通係情侶關係？

喺日本Daiso一百円店買嘅一塊鏡可以有咩用途？有日本網民就用佢作為影相道具，放置喺草地上面，倒照返藍天白雲，效果超靚！側側哋影仲可以做到「天空之境」嘅效果。頭兩張都係用手機影嘅，而最尾果張就係用360鏡頭拍攝，效果好特別！

大家都記得日本嘅攝影發燒友有幾強勁，只要有cosplayer出現嘅地方，佢哋就會瞓晒身低炒，估唔到今年有啲唔同，今次佢哋圍住嘅主角係一隻喵！相同之處係佢哋都係笑笑口、瞓晒身低炒，隻喵應該心諗：「你班奴才跪晒喺地膜拜我，好煩呢！」

日本有好多靚景，睇完櫻花仲可以去埋日本呢個「天空之鏡」！位於四國嘅三豐市，呢個叫做「瀨戶內海」嘅地方喺當地好出名，每年夏天都有好多日本人專程去影靚相。嗰度有長達1公里嘅沙灘，最正係日落前後30分鐘會有天空之鏡嘅倒影效果，成班朋友去影相超靚！至於交通方面，由JR大阪站搭車過去最快兩個鐘就到，如果喺東京機場就要再轉內陸機，都係兩個零鐘到，下次去開日本可以考慮吓呀。

其實呢個影相APP已經出咗一段時間，不過最近有日本傳媒報導，如果你好似我咁未試過，記住下載嚟玩吓。佢可以將實景變成好型好高科技嘅霓虹燈效果，屋企、辦公室呢啲熟悉嘅地方即時唔同晒。香港嘅App Store都有得免費下載，而且得3.1MB唔算嘥位。個App仲支援埋影片功能，睇住日本熟悉嘅景色變成咁都幾特別呀，入嚟有片睇。

日本藝人遠藤憲一大家都好熟悉啦，最近佢喺Twitter放咗咗相後被狂RT。原來佢犯咗好多人都會犯嘅錯誤，就係顧住影相無留意手上碟嘢傾斜咗流晒出嚟，滴汁仲要啱啱好吊喺碟邊，好有藝術感。之後網民回帶睇返之前都有好多人中過招，死因都係貪靚掛住影相，最過份應該係拉麵，成碗湯倒晒出嚟‥‥‥入嚟有回帶。

坐私人飛機影相放上網，通常都係有錢人嘅專利。不過俄羅斯嘅Private Jet Studio就有租借私人飛機影相嘅服務，無錯，只係影相，唔包駕駛嘅。每兩個鐘收費美金$244，包埋攝影師。不過要放上網呃like，建議都係無咁專業嘅質素，自己用手機影像真啲，而且平啲，美金$191就得嘞！