Post Tagged with: "影片"

新片速報  街霸Blanka突入現實生活   瘋狂撞人
by / on 13/07/2013 at 11:50 am

新片速報 街霸Blanka突入現實生活 瘋狂撞人

星期六,最啱睇吓笑片開心吓,由Youtube頻道ParodiePub.fr製作嘅呢條短片,主角有街霸嘅Blanka,重點係將日常生活啲人唔小心仆親、跣底嘅畫面,加咗Blanka入去,變成被Blanka突襲而跌底,加埋啲特別聲效,真係好爽!短短幾日已經有30萬人睇過,入嚟仲有得回帶睇返6月出嘅第一集,而家已經有90幾萬點擊,原來大家都好鐘意睇人PK。

Read more ›

新片速報  Honda晒冷魔術片  四日點擊過百萬
by / on 06/07/2013 at 10:26 am

新片速報 Honda晒冷魔術片 四日點擊過百萬

今日,喺YouTube睇倒名為「Honda Hands」嘅最新廣告,四日有過百萬人睇過,原來係晒冷Honda呢65年嚟嘅發明,特別在於全程影住一對男人手,對手左按右按,好似變魔術咁,將一粒螺絲變成電單車、汽車、飛機以至前兩日介紹過嘅Honda最新款機械人,好好睇,成功將Honda呢個汽車品牌變潮,入嚟仲有Honda機械人回帶睇!

Read more ›
新片速報  Jellybeans砌乜都得
by / on 25/06/2013 at 7:36 am

新片速報 Jellybeans砌乜都得

你怕唔怕聽人長篇大論講道理?我好怕,尤其上得網多專注力不足,真係聽見「道理」兩個字都恰眼瞓。不過呢個由Ze Frank拍嘅短片講嘅道理,我又好認真咁睇晒,仲覺得好有型。影片將Jellybeans軟糖比喻為人生,再用指定數量嘅Jellybeans砌成不同圖案,代表不同年齡嘅經歷。結尾嘅問題令人反思,不過好似好沉重,我淨係想食返粒糖平衡返。

Read more ›
新片速報 超強網站俾你玩 Google街景變動畫
by / on 04/05/2013 at 6:14 pm

新片速報 超強網站俾你玩 Google街景變動畫

超勁!呢個網站真係超勁!Hyper-lapse photography,即係用好多張相砌埋一條影片,咁你有冇諗過用Google嘅街景圖,逐張砌埋還原做一條影片?即係等於你坐咗喺架拍緊街景嘅Google街景車上面望出去,睇到360度嘅動態景像!入呢個『Teehan+Lax』網站,你可以自設路線,之後佢就會製作一條影片俾你睇,唔只外國,日本、香港都得!我即刻入去試咗一段龍翔道,堅Work!不過正如佢所講,定一條短啲嘅路線,條片會順好多,快啲入去玩吓!我已經去咗日本東京秋葉原行咗轉!爽皮!

Read more ›
新片速報 九把刀第2部電影《功夫》前導影片
by / on 11/04/2013 at 12:30 am

新片速報 九把刀第2部電影《功夫》前導影片

有睇九把刀作品嘅,要熱血嘅,有《第八銅人》,要現代啲又熱血嘅,有呢本《功夫》。《那些年,我們一起追的女孩》票房狂收,九把刀話如果那些年係佢嘅夢想,咁第2部電影一定係大家嘅夢想,所以揀咗《功夫》嚟拍,而呢條前導影片,就見到男主角淵仔同阿義喺招牌上練輕功嘅經典場面,不過兩個都戴咗面具,因為男主角人選未公佈嘛!仲有,呢條3分幾鐘影片話用咗400幾萬台幣拍攝,都有啲特技睇吓,2015年上映,期待!更期待淵仔、阿義同黃駿師父用內力打邊爐一幕!不過個結局可唔可以改改佢……收口!再講劇透!

Read more ›
新片速報 超強主觀鏡短片 黑幫仇殺泳衣索女
by / on 19/03/2013 at 3:04 pm

新片速報 超強主觀鏡短片 黑幫仇殺泳衣索女

呢條Ilya Naishuller製作嘅短片真係勁,人多勢眾黑幫仇殺開鎗飛車爬樓,之後仲撞到三點式索女……成套片製作認真,而且充滿《落水狗》式黑西裝味!不過講到最勁都係主觀鏡拍攝手法,無論跳車、跳樓等高難度動作都係主觀鏡,極有打機感覺。

Read more ›

新片速報 完全崩壞 台灣真人版《Slam Dunk》
by / on 10/12/2012 at 1:28 pm

新片速報 完全崩壞 台灣真人版《Slam Dunk》

我本來好嬲,竟然搵呢套神作《Slam Dunk》嚟玩?簡直係一種褻瀆!但係,當我睇到片中嘅櫻木花道、流川楓,我真係嬲佢哋唔落。拍片單位係台灣嘅「瘋神無雙」,背景音樂用番原裝,成條片,基本上得個籃球同晴子小姐正常少少……不過,整睇係好笑過香港鄭伊健嗰套《男兒當入樽》……

Read more ›
獵奇新片 掂一掂 拆樓射火箭
by / on 06/10/2012 at 9:34 am

獵奇新片 掂一掂 拆樓射火箭

勉強都關遊戲事,你哋細個有冇玩過骨牌?有冇試過自己整機關,等體牌跌到唔知去邊又唔知彈啲咩出嚟再撞跌啲咩又射啲咩出嚟咁……唔明?睇完條片你就明,基本就係小小一個動作,搞到無限變大變大,逐個機關啟動,最後……我深表佩服!

Read more ›