Tag: 彩虹

【嗒彩虹】影到彩虹盡頭 網絡熱話傳說破滅

細個唔知睇咩童話話彩虹盡頭有箱金,行長水遠去盡頭攞箱金又要搬又要車走又要賣,其實都幾煩。好喇,網上最近就有人影到一張「彩虹盡頭」嘅相,《英國鏡報》都有報道,話越近就越睇唔到彩虹,即係其實咩都冇。之後傳到去日本,有人話佢都影到過,亦都有人分享自己影到彩虹嘅相。

Read more ›

全日本首現 「滋賀縣」10月9日「虹予報」新服務

每逢天空出現彩虹,喺社交網絡都會有大量靚圖睇,咁到底彩虹有冇得預計到幾時有?日本「滋賀県」就係全國首個地方會有「虹予報」,由10月9日開始,喺「滋賀県観光物産情報」網站就會每日公開「彩虹指數」,由0-7表示唔同地區出現彩虹嘅可能性。首日仲會搵嚟天氣女郎「皆藤愛子」喺「JR東京駅前イベント広場」發表。香港咁多乜指數物指數,唔爭在加埋吖?

Read more ›

罕見「火彩虹」奇景 童話式奇觀人人爭影

雙彩虹、三彩虹之前都見過,呢款火彩虹都係第一次見。早幾日喺美國南部北卡羅來納州 (Carolina)出現咗呢條彩虹, 歷時1小時,好多居民都忍唔住影低放上twitter分享。原來呢個有啲似龍捲風嘅彩虹,學名叫circumhorizontal arcs, 有人叫佢火彩虹,正式名稱叫日承,好少被拍到,因為要出現呢種火彩虹,需要太陽處於高空位置,而卷雲層嘅冰晶數量要足夠,再配合埋太陽咁啱喺58度嘅角度照射住卷雲層先會出現,聽到都覺得超罕見,難怪大家形容佢係好似童話一樣嘅奇觀,入嚟有得睇返世界各地其他出現過嘅火彩虹,堅靚!希望我人生都有機會見到一次。

Read more ›

網上熱傳 紐約出現四條彩虹 專家分析有疑點

好日都見唔倒一條彩虹,更可況兩條、甚至四條?!最新外國女士Amanda Curtis喺紐約嘅LIRR Station影倒同一時間天空竟然出現四條彩虹!呢個奇景當然要即刻影低放上Twitter分享,即刻有好多人RT同埋好多傳媒借用。最新消息係有專家話其實天上當時只得兩條彩虹,另外嗰兩條係因為揸機嘅時候旁邊有水反射而造成嘅假像,不過唔緊要啦,最重要都係大家睇完呢張相後心情靚晒!

Read more ›

Samsung芒砌出巨大彩虹 Galaxy Tab S靚色晒冷

影彩虹係Facebook最常見嘅呃like方法之一,最近Samsung都玩彩虹,不過係自製,仲要係用最新款嘅Galaxy Tab S砌出嚟,目的都係曬吓自己個芒有幾出色。呢道三叔彩虹都幾巨型幾靚,喺倫敦嘅Southbank展出,斷估你同我都唔會去睇,睇片當去咗啦。

Read more ›

新片速報 日本石川縣現二重彩虹暈 第二次衝擊開始了!

  香港今日好多人都影咗彩虹放上網Share,原來日本都有,而且係二重彩虹,更加係圍住太陽一個圓形!好多人放相上Twitter,仲有日本網友就話係《Evagleion》嘅第二次衝擊開始了!石川縣今日出現呢個奇景其實叫「日暈」現象,維基話:「是由於懸浮在大氣中的冰晶把太陽光或月光折射或反射而形成的光學現象。」而喺早一日,北海道都出現咗呢個現象,有片睇。

Read more ›

「月虹」奇景 群馬縣出現晚間彩虹

之前分享過日本神戶喺打風後出現雙彩虹,今日就睇到有報道,原來喺16日嘅群馬縣高山村,天文台仲拍到晚間出現嘅彩虹。其實講晚間,係下午6時20分,據講都係因為打風暴雨過後大氣中嘅水蒸氣反射滿月所形成,係自2006年10月以嚟再次喺日本出現嘅罕有景色。而喺世界好多唔同地方,之前都出現過「月虹(げっこう)」呢個景象。

Read more ›

新片速報 日本颱台後 神戶現靚絕雙彩虹

日本呢排好多風,啱啱又有台風26號為大地帶嚟雨水。不過風雨過後,就係超好天色!喺神戶就有人拍到出現極為少見嘅雙彩虹,喺唔算多高樓大廈嘅風景下睇到雙彩虹,真係超靚,係,我認,日本落雨我都覺得靚,言葉之庭吖嘛!另外仲有一條彩虹片,係關東橫濱嘅!我又好想去日本旅行喇,我堅係唔驚輻射喎!

Read more ›

《寵物小精靈》之彩虹冬甩 數到頭暈眼花

截至5月,《寵物小精靈》嘅物種已經達到649種,仲未計X.Y版新公布嘅10種寵物小精靈喎。講完歷史,講返今次呢幅圖,由Pokemon迷ChaosLex設計,呢個寵物小精靈冬甩,粗略估計有幾百種,認真,有幾多隻你識而又嗡得出名?另外,想讚吓設計者刻意舖排嘅漸變顏色,真係好有心機好die hard。如果你好想認真逐隻睇,按入網站連結有大圖,可以有排數。

Read more ›

手機新Game:疑似怒憤鳥撞烏鴉

拿,可能我多心啦,又可能我小心眼啦,硬係覺得「Airy WoodyDaPecker」隻主角雀仔造型同Angry Bird有九成似,

Read more ›

手機新Game:永不調頭向前衝!

免費Game嚟講,「Rainbow Team Lite」算Very good,至少畫面簡單色彩豐富,我就至怕啲用黑白灰做基調色嘅懶型Game,越玩越濛查查,越睇越恰眼瞌,玩嚟把鬼咩?

Read more ›