fbpx

Post Tagged with: "張萬有"

網圖分享:張萬有只敢認第二的電單車
by / on 31/12/2020 at 8:45 pm

網圖分享:張萬有只敢認第二的電單車

喺2020年最後一日,張萬有無出新年賀圖,取而代之係一幅睇到人嘩嘩聲嘅傑作,畫嘅係佢「港漫中只係敢認第二」嘅電單車,仲詳細講解埋氣氛營造、構圖線條、黑白用色等製作細節。佢好搞笑咁話:「睇完記得畀個like同我催谷吓,以示鼓勵!」兼閂埋後門,指明「不歡迎亦不需要任何形式致敬!請自重!」哈哈,係畫得好精雕細琢嘅,我諗無人會唔畀Like,抵佢咁招積。有時諗,不如張萬有出山畫番本港漫喇,呢個相信唔只我,仲係好多港漫迷嘅2021年願望之一。

Read more ›

網圖分享:張萬有的電單車
by / on 21/10/2020 at 3:15 pm

網圖分享:張萬有的電單車

張萬有喺面書自問自答:「電單車是否很難畫?是!很難畫!」雖然難畫,但佢依然選擇挑戰自己,作畫一幅公諸同好,以回應之前《新著龍虎門》封面向佢舊作致敬一事。Save as wallpaper,慢慢聞畫,越睇越嘩嘩聲,條條線都咁實淨,部電單車畫得好細緻,比例同透視無可挑剔。佢話打算「將電單車圖輯成一本畫冊,在漫畫生涯中作為一個紀念」,計我話,不如直接出本電單車畫冊喇,我諗好多港漫迷都會大呼過癮。

Read more ›
1053期《新著龍虎門》銀光版 王小虎揸電單車出場
by / on 14/07/2020 at 9:30 pm

1053期《新著龍虎門》銀光版 王小虎揸電單車出場

下期第1053期《新著龍虎門》,睇怕要買兩本了,因為除普通版外,仲有一個銀光特別版,將選取張萬有當年投稿嘅一幅「200分王小虎騎電單車殺出重圍圖」做封面。鄺志德剛剛喺面書登咗封面打稿,Wow,啲線條好密,王小虎又畫得幾英喎,頭髮填得好靚,仲有久違了的Nike眉,古早味出晒嚟,I like it。另,因書展同動漫節延期,鄺志德話原本準備好嘅精品唔知點處理好喎,幅王風雷畫板咁正,如果送畀我就好咯。

Read more ›
跟進番:張萬有x梁偉家Jam畫 蚩尤x天師完成
by / on 29/09/2017 at 8:43 pm

跟進番:張萬有x梁偉家Jam畫 蚩尤x天師完成

早幾日報導過張萬有畫咗幅蚩尤,特登留白上半部份畀梁偉家,家陣Jam畫大功告成,家家都係畫天師,兩個角色出現喺同一張畫紙,完全零違和。唔使上色,一樣咁有霸氣,係好值得畀掌聲兩位大師嘅,啪啪啪啪啪……

Read more ›
網圖分享:張萬有x梁偉家Jam畫
by / on 26/09/2017 at 8:30 pm

網圖分享:張萬有x梁偉家Jam畫

張萬有同梁偉家都係我好Like嘅漫畫家,所以見到佢哋Jam畫,我係真心Mode打從心底裡嘩咗一聲出嚟,好開心。靚唔靚?自己睇,嗰種八九十年代港漫Feel出晒嚟,我等港漫死忠好難唔受落。有一必有二,第一幅家家畫咗個天師,第二幅萬有就畫咗個蚩尤,等緊家家畫埋嗰一半,齋黑白稿都咁正,落埋色仲得了?大膽跪求兩位,不如落埋色喇。

Read more ›
網圖分享:港漫人出圖祝《遇見貴人》大賣 張萬有畫老祖宗
by / on 24/01/2017 at 9:00 am

網圖分享:港漫人出圖祝《遇見貴人》大賣 張萬有畫老祖宗

不喜勿插兼利申,我認我孤陋寡聞,真係未聽過新加坡賀歲片《遇見貴人》,更加唔識導演夏友慶,之所以認識呢個名字,全因有港漫人贈賀圖俾佢,預祝電影賣個滿堂紅。作為港漫迷,最開心莫過於又有靚畫睇喇,雪晴、趙汝德、鄺志德、Kent Chu同張萬有相繼出手,尤以張萬有幅老祖宗最有霸氣,睇完,我腦袋又閃番起呢幾個字──殺殺殺!殺性回歸!殺呀!

Read more ›

《漫畫賓治2》12月3日出版 課金支持唔好得個講字
by / on 30/11/2016 at 10:30 am

《漫畫賓治2》12月3日出版 課金支持唔好得個講字

都係嗰句,支持港漫唔係得個講字,要用實際行動,即係課金,難得有班有心人搞興個市,我哋係咪好應該擺低$88以示鼓勵呢。且看12月3日出版嘅《漫畫賓治2》陣容──陸志明、鄭少現、陳明、Yas、上官小威、上官小洪、張萬有、甘小文、謝志榮、少傑、鄧本邦、黃書慶、梁偉家、金城、郭小峰、Ah Wah、Cody、Joe Wong、李紅劍、周蔭龍、小魚毛等等,唔敢話個個都識,唔敢話個個手畫都啱你睇,但拎上手嗰種沉甸甸手感,正正係實體書先畀到你嘅睇公仔書味道。唔使諗,撐喇,好睇嘅,追買番第一期都唔過份。

Read more ›
網圖分享:白水《溫水劇場》五周年 張萬有出圖恭賀
by / on 13/09/2016 at 11:00 am

網圖分享:白水《溫水劇場》五周年 張萬有出圖恭賀

  唔敢話跟到好足全部睇晒,但我一向衷心佩服白水嘅《溫水劇場》,你估政治漫畫易畫架?踏入五周年,白水喺面書有嘢講:「一個無乜人睇嘅網絡漫畫都竟然無間斷畫咗五年,除咗戇X之外我自己諗唔到其他原因……我唔知仲有無下一個五年,今天嘅目標同一周年時都係一樣,希望可以搵到穩定合作嘅出版社同紙媒連載地盤。勿忘初衷。希望成為一個時政漫畫家。」呢條News,我係特登遲幾日先出嘅,因為我知道四方八面嘅賀圖會陸續有來。Now,多得白水好帶挈,我哋有好多幅靚靚賀圖睇,連張萬有都出手醒幅天下無敵老祖宗畀你,白水,你真係天大面子!努力加油呀!

Read more ›
網圖分享:張萬有的石黑龍十字追魂棍!齊晒!
by / on 18/01/2016 at 8:30 pm

網圖分享:張萬有的石黑龍十字追魂棍!齊晒!

張萬有話之前因為忙住供稿畀《黑漫畫》,所以唔得閒搞其他嘢,《黑漫畫》出到第四期成絕響,萬有即刻完成埋十字追魂棍最後兩招──八方風雨同十面埋伏,唔知大家有無好似我咁,Save起之前八招呢?家陣十招終於畫齊,恭喜晒!掌聲鼓勵!拍掌拍大力啲,萬有最鍾意人鼓掌,啪啪啪啪啪……

Read more ›
「邱福龍x黑漫畫」漫想世界展覽 買精品送限量印畫
by / on 26/12/2015 at 2:15 pm

「邱福龍x黑漫畫」漫想世界展覽 買精品送限量印畫

歡樂時光過得特別快,聖誕節眨眼又過咗咯,擒晚玩通頂家陣先訓醒?訓醒就唔該速速過灣仔動漫基地,「邱福龍x黑漫畫」漫想世界展覽仲有今明兩日咋。叫得你捧場梗係有筍嘢喇,凡購買任何精品,即送邱福龍、張萬有、馮志明親筆簽名印畫一張,非賣品仲要送完即止,大家識做喇。

Read more ›
抵到爛!$10一幅畫板!《10大名家傲畫集Boxset》唔買唔得!
by / on 10/12/2015 at 10:30 am

抵到爛!$10一幅畫板!《10大名家傲畫集Boxset》唔買唔得!

利申!本網站真係無收錢賣廣告,但乘住「邱福龍x黑漫畫漫想世界」展覽推出嘅《10大名家傲畫集Boxset》真係唔買唔得。原因有二,一,印象中,無一本畫集可以Gather到十個港漫人一齊參與,《10大名家傲畫集Boxset》就有齊邱福龍、馮志明、張萬有、梁偉家、葉明發、廖光祖、馬遜、梁瑋豪、戴慶賢同鄧達軒Total十人稿件;二,Boxset包42幅畫板,全部重新創作絕非舊作翻印,而價錢係$420,即係每幅畫板$10,$10呀大佬,仲唔係抵到爛?Boxset分限量50盒會場版同200盒展覽紀念版,價錢一樣,仲唔快快搶?

Read more ›

《黑漫畫4》12月17日見街 再見英雄
by / on 03/12/2015 at 8:12 pm

《黑漫畫4》12月17日見街 再見英雄

唔覺唔覺《黑漫畫》就快出第四期,第四期主題係「再見英雄」,依舊有葉明發、梁偉家、廖光祖、戴慶賢、鄧達軒同馬遜供稿,主打有馮志明嘅《霸刀戰無極》,邱福龍亦會客串畫番幾筆,鐵定12月17日見街。驚你流口水,所以登張萬有初稿畀大家先睹為快,儲開頭三期嘅固然要買,無買開嘅都好應該捧場,喂,福龍個封面畫得咁靚,$38,齋買個封面都抵喇。

Read more ›
《黑漫畫4》12月17日見街 老馮+福龍〈霸刀戰無極〉
by / on 03/11/2015 at 9:00 am

《黑漫畫4》12月17日見街 老馮+福龍〈霸刀戰無極〉

嘩,咁快手快腳,即係好賣喇!《黑漫畫3》都未翻睇第二次,話咁快就有《黑漫畫4》封面睇咯,封面依舊由福龍操刀,依舊係齋買封面都抵嗰隻。下期《黑漫畫4》主題係「再見英雄」,除張萬有、葉明發、梁偉家、廖光祖、戴慶賢、鄧達軒同馬遜外,內文故事有霸刀20周年頭砲〈霸刀戰無極〉,由老馮負責主編同起稿,福龍客串,如此陣容,諗吓都覺得熱血沸騰呀。有乜特別版暫時未知,淨係知鐵定12月17日見街,一億個拭目以待呀。

Read more ›
網圖分享:張萬有的石黑龍十字追魂棍
by / on 27/10/2015 at 8:15 pm

網圖分享:張萬有的石黑龍十字追魂棍

就嚟儲齊一套嘞!張萬有嘅石黑龍十字追魂棍系列再添四幅,分別係五馬分屍、六道輪迴、七月凶靈‧惡鬼噬魂同九子連環。係,第七式個名真係好有型,八個字嘅,爛Gag啲講,唔通呢招淨係七月至用得?真係想當面問問張萬有。尚餘第八式同第十式,都係嗰句,拍定手掌,拭目以待呀。

Read more ›
「英雄」主題 《黑漫畫3》10月31日見街
by / on 22/10/2015 at 3:00 pm

「英雄」主題 《黑漫畫3》10月31日見街

請記低以下日子,《黑漫畫3》鐵定10月31日見街,暫時所知有三個版本,繼「外星人」同「鬼」之後,今期改以「英雄」為主題,主筆陣容不嬲強勁,今期仲有張萬有供稿助拳添,畫作名為〈亂世英雄〉。唔該望望相,條線密麻麻,構圖勁複雜,淨係買邱福龍呢個封面,已經值回票價,我話嘅。

Read more ›