短篇電影《江湖夢裡人》首播 尹光唱腔一絕

睇完由尹光、Ming仔同阿Phat擔綱主演嘅短篇電影《江湖夢裡人》,感覺阿導演張子丰幾有心思,劇情係幾緊湊嘅,夾番之前首《潮神》,一啲都唔覺突兀。片長28分幾鐘,絕對唔會有睇到中途就想熄機嘅感覺。不過老實,咁究竟刀王光係咪一早已經死咗嘅呢?陳果辛又有無真係拍緊戲呢?可能我悟性差,個Ending有少少睇唔明。另,尹光把聲真係好正,唱腔絕對超班,唔睇字幕都知佢唱緊乜歌詞,粒粒字都唱得清清楚楚,呢啲咪真正唱家班實力囉。

Read more ›