Tag: 張君豪

支持本地創作 張君豪《火伙貳》6月24日見街

支持本地創作 張君豪《火伙貳》6月24日見街

呢本封面靚靚嘅《火伙貳》,張君豪將之定性為「漫畫·插畫綜合作品集」,有成20人參與,唔同媒體界別嘅創作人,總共貢獻272頁高質作品,唔係吹水,我想盡快拎上手慢慢揭、細細聞。有心捧場的話,睇吓以下邊個Package啱你心水,單書買$250、特典版$1800(包蛋散君Figure、《火伙貳》、手提袋、手繪真跡原畫)、手提袋套裝$380(包《火伙貳》、手提袋)、合併套裝$420(包《火伙》、《火伙貳》),6月24日出版、單買蛋散君Figure $200。唔廢話嘞,請支持本地創作,請支持呢班對港漫仲有熱血嘅有心人。完。

Read more ›

率先看 張君豪畫集《火伙貳》陣容

率先看 張君豪畫集《火伙貳》陣容

Keeping going,唔好停,唔好俾團火熄,要做就做到最好,我相信張君豪就係憑住上述信念出版畫集《火伙貳》。齋睇人名,今次陣容比上次更鼎盛,有鄺志傑、洛奇、JC+、鷄尾、宋嘉恩、浪白濤、Goodbye Victoria、張君豪等唔同媒體創作人參與,另有10位嘉賓玩埋一份,仲有張小偉專訪同幾個專欄介紹,Total夾埋有約250頁,未曾真箇拎上手都估計到份量十足。畫集估計六月見街,依家可以睇住十幅八幅靚畫當熱身,啱睇就記得到時買番本,支持吓呢班熱血有心人。

Read more ›
張君豪推出蛋散團隊第二彈 蛋散君不日推出

張君豪推出蛋散團隊第二彈 蛋散君不日推出

無吹水,屋企隻油占哥Figure仲放喺飾櫃當眼處,有時無聊都會拎出嚟撚兩嘢過吓手癮。Now,蛋散團隊繼續實體化,第二彈有請蛋散君出場。張君豪今次推出3吋純色版本,好得很吖,今日我係二打六,他朝能成大英雄,3吋高嘅大英雄,細細隻易收藏,我Buy。

Read more ›
中秋節有嘢送 張君豪送Postcard

中秋節有嘢送 張君豪送Postcard

多謝張君豪先,佢想大家開心,所以搞咗個節日限定送禮活動。只要大家Post一張《火伙》畫集相片,PM佢通知佢地址,即送呢張2021年新版蛋散仿電影海報Postccard。正呀喂,開心喇?

Read more ›
網圖分享:蛋散版龍虎三皇

網圖分享:蛋散版龍虎三皇

坊間勁傳《新著龍虎門》再次易手,仲話未來揸旗者係鄺彬強,一日未Sure都繼續買定花生半噸喇。張君豪好快手,來了一個蛋散版龍虎三皇,畫得好過癮,好正。

Read more ›
機會來了! 拎《火伙》畫集搵蛋散簽名!

機會來了! 拎《火伙》畫集搵蛋散簽名!

有無買《火伙》畫集?話說作者之一嘅張君豪都會現身「《獨讀》Duk6 Duk6獨立敘事讀物節」,歡迎大家拎書上去搵佢簽名吹水。張君豪仲好搞笑咁話:「到咗大嗌蛋散我就會飛過嚟,我哋喺入口第一檔。」咁大家去到記得嗌:「蛋散!蒲頭!」

Read more ›

樓十八《九龍皇帝傳奇》 張君豪畫封面+港漫好手插畫

樓十八《九龍皇帝傳奇》 張君豪畫封面+港漫好手插畫

個名係幾型嘅,但真係唔識誰是樓十八,不過都有興趣買番本《九龍皇帝傳奇》望吓,事關封面由我非常喜嘅張君豪繪畫。故事根據真人改編,而內頁插圖則有倫裕國、鄭健和、何志文、鄺彬強、牛輝、柏迪、林業慶、張君豪、曹志豪同葉明發等多位港漫好手主理。誇張講句,於暫時未買書的我來說,對插畫仲有興趣過內容。

Read more ›
5月29日格子首發 重金屬+油占哥Mini Figure

5月29日格子首發 重金屬+油占哥Mini Figure

5月29日大家會去格子買《火伙》畫集架呵?最新消息係,當日會首發兩隻Mini Figure──重金屬同油占哥,重金屬有紅黑二色,油占哥則有黑金二色,各以盲盒形式出售,散抽$200;如果孖埋畫集購買呢,就$400。唔只Figure本身,我覺得連個包裝盒都靚,大家識做喇?

Read more ›
必撐!《火伙》畫集5月下旬見街!

必撐!《火伙》畫集5月下旬見街!

等到頸長,《火伙》畫集終於鐵定5月下旬見街,無得唔撐呀喂。呢本畫集收錄過百幅插畫同四篇漫畫,除火伙團隊外仲有18位畫手坐鎮,淨係睇呢個幾禮拜鋪天蓋地嘅宣傳圖,幅幅精采,就已經Feel到有幾高質。全書312頁,四封面全收錄,普通版$220,另有手繪封面版,手繪封面版再分A同B餐,A餐可選雞尾、Derek或張君豪是但一人畫封面,限定30本,售$980;B餐三人合力繪畫同一封面,限定20本,售$1600。真心Mode,好期待,好想可以快啲拎上手慢慢聞。

Read more ›
獨一無二 張君豪蛋散景搜手繪原畫開賣

獨一無二 張君豪蛋散景搜手繪原畫開賣

好得很,張君豪又推出蛋散景搜手繪原畫喇,分別係《蛋散集結》$1800、《狗爺火咀飛仔平》$1200、《蛋散之日常》$1400、《大炮A3》$1200、《蛋散們》$800同《大炮A4》$800,價錢全部包框,張張獨一無二。有興趣者,可以直接PM佢本尊。

Read more ›
支持本地創作 張君豪加推黑魂版油占哥Figure

支持本地創作 張君豪加推黑魂版油占哥Figure

估唔到黑起上嚟都可以咁Bling Bling,嗰種立立令色澤都幾討好,講緊嘅係張君豪新加推嘅黑魂版蛋散哥Figure,高約6吋,普通版$650,特別版$700送多塊小畫板。家陣開訂,有興趣可以PM佢本尊,凡預購再送多張限定油占黑魂特別卡,全香港製造,請支持本地創作,報告完畢。

Read more ›

格子市集 張君豪首賣景搜Postcard每張$20

格子市集 張君豪首賣景搜Postcard每張$20

嚟緊禮拜尾舉行嘅「辛丑年畫揮春賀年市集」,張君豪都會出席,屆時會首賣景搜Postcard,每張$20,一套5張$100加送1張蛋散集結限定卡。And,到時見到佢本尊的話,記得問佢攞番張馨雅遇著油占哥賀年卡,大家開開心心。

Read more ›
張君豪手繪原畫六幅 每幅$800

張君豪手繪原畫六幅 每幅$800

張君豪又有手繪原畫出,今次一來六幅,分別係《大班與大炮》、《飛仔平、火咀、爆谷》、《懷舊香港》、《九龍城》同《果欄》,A4 Size,包畫框,各$800。因為係手繪,所以獨一無二,唔知依家賣晒未,有興趣PM佢喇。

Read more ›
睇咗當買咗 張君豪《蛋散·景搜》手繪原畫

睇咗當買咗 張君豪《蛋散·景搜》手繪原畫

遲咗報呢條News,應該賣晒的了,不過唔緊要,可以睇咗當買咗。講緊嘅係張君豪推出嘅《蛋散·景搜》手繪原畫,Total有9幅,幅幅都獨一無二,A4 Size,連畫框每幅$800。係畫得好靚嘅,等吓喇,相信君豪兄有時間會再畫架喇,到時再搶過。

Read more ›
張君豪放相 蛋散油占哥Figure有色你睇

張君豪放相 蛋散油占哥Figure有色你睇

因為鍾意,尤其鍾意棚哨牙,所以我對於張君豪個蛋散油占哥Figure好上心,家陣有著色版睇住先喇。留意番,呢次只屬第一次試色階段,嚟緊仲有好多Detail位會再執靚啲。唔知幾時公開訂購詳情呢?很期待。

Read more ›