有片:港中大戰「踢出我天地」 今晚齊齊同香港隊打氣

唔知你係咪同我一樣,依家已經無乜心機做嘢,只想快快到今晚八點,坐定定睇世界盃外圍賽港中大戰。全城熱話,YouTube頻道「覺醒配音組」都製作條片幫香港隊打氣,片係卡通《踢出我天地》,主題曲係周國賢主唱嘅《黃金入球》,內容重新配過音,變成──陳七同鄭智爭波、高梵傳中畀陳七頂頭槌、王大雷一抱入懷、張健峰俾楊旭截去皮球、鄭智抽射俾葉鴻輝僅僅手指尖拍到、金判坤嚇到鼻哥窿無肉、徐德帥引球推進、張健峰拼老命傳球、陳七補時射球,究竟入定唔入呢?綜觀成條片,我最Like以下三句對白──「今次全靠英輝爆Seed的表現,香港隊才守得住。」、「沒錯,未到最一秒,都不要放棄。」同埋「因為我們所有人都相信,最後出線的會是香港。」香港勁揪,千其咪令我哋失望呀。

Read more ›