「童星點心麵」主角2016年引退 感謝大家30年嚟支持

由細到大都好鍾意食童星點心麵,估唔到今朝一早就見到佢哋嘅吉祥物引退嘅消息。呢兩個著住中式唐裝嘅男仔「ベイちゃん」(10歲)同女仔「ビーちゃん」(8歲),喺東京出世,啱啱喺網上公佈2016年會引退。睇返歷史,1959年童星點心麵開始發售,1988年佢哋首次出現喺包裝上,咁多年香港見到嘅版本,主要都係男仔做包裝封面,由當初嘅雞肉味演變到炒麵味同多種唔同味道,仲出埋粗麵裝,不過我最鍾意都係原味。呢兩個主角當年分別係10歲同8歲,今時今日都做唔到「童星」嘞。BTW,好彩今次只係轉代言人而唔係停產,不過諗起嚟緊食麵見唔到呢個細路仔,總係有啲唔慣。

Read more ›