Post Tagged with: "建築物"

日本福岡地標ACROS建築物 階梯花園設計25年後被淹沒
by / on 13/07/2020 at 7:00 am

日本福岡地標ACROS建築物 階梯花園設計25年後被淹沒

有去過日本福岡嘅有無參觀過「ACROS縣立國際大廳」?佢係當地嘅地標之一,最近Twitter熱傳佢25年前後嘅對比照,有網民話1995年呢座建築物起好嘅時候,佢同朋友去咗參觀,朋友仲話60年後座嘢應該會變咗森林,事隔25年,可以見到當年大樓南側嘅獨特階梯花園已經被叢林淹沒,唔知再過多30年後仲見唔見到座大樓呢?之後仲引到好多網民出圖回應。

Read more ›

【新片速報】超宏偉建築物模型倒塌 日本Twitter過200萬瀏覽
by / on 15/09/2019 at 10:47 am

【新片速報】超宏偉建築物模型倒塌 日本Twitter過200萬瀏覽

間唔中都會到呢啲破壞影片,不過今次特別宏偉,兩座建築物模型一塊塊散開,最後一秒成座倒塌,好壯觀!段片喺Twitter唔夠一日已經超過200萬瀏覽,之後有網民幫手整咗段還原片,入嚟有片睇。

Read more ›
【有片】日本超爆笑遊戲 柴犬拖主人撞冧建築物
by / on 16/05/2019 at 7:55 am

【有片】日本超爆笑遊戲 柴犬拖主人撞冧建築物

呢隻日本遊戲超正,最近喺Twitter好多人RT,個名叫「Play Dog Play Tag」,由獨立遊戲廠商ProjectPegasus開發。玩家扮演隻好曳嘅柴犬,拖住主人不斷橫衝直撞,摧毀附近嘅建築物,玩法好簡單,睇落仲好爽,有養狗嘅朋友應該勁有共鳴。有網民話究竟邊個先係主人,有人話平時自己拖狗散步時就係咁,入嚟有片睇。遊戲會喺6月1至2日喺京都嘅BitSummit 7 Spirits展出,到時應該會有更多情報嘞。

Read more ›
《超人》建築物扭蛋 破損大廈配玩具
by / on 14/08/2018 at 7:05 am

《超人》建築物扭蛋 破損大廈配玩具

日本「特攝之神」圓谷英二拍攝嘅科幻影集《超人系列》唔經唔覺已經超過50年歷史,之前Bandai旗下嘅Gashapon出過發光扭蛋,仲出埋對應嘅場景建築物,最近佢哋推出建築物嘅第二彈,破捐嘅建築物包括大廈、民居,仲有埋挖土機、貨車同埋紅白煙囪,今個月推出,鍾意特撮同埋超人玩具嘅記住留意返嘞。

Read more ›
18楝中國騎呢建築物   五粮液大戰茶壺大樓
by / on 26/10/2014 at 6:11 pm

18楝中國騎呢建築物 五粮液大戰茶壺大樓

間中都有呢類型專題,我特別鍾意鬼佬眼中嘅中國古怪建築物,呢啲咪外國勢力囉。今次專題列出總共18楝騎呢建築物,除咗大家見慣見熟嘅福祿壽大酒店,仲有幾楝我未見過嘅,例如成個巨型茶壺變成嘅大廈,又或者一大支五粮液隊喺你面前嘅大樓,18款入面梗有啲你未見過嘅,當溫故知新或者開拓吓眼界啦。

Read more ›
超型建築物    正方體外星屋奪設計獎
by / on 14/10/2014 at 7:06 am

超型建築物 正方體外星屋奪設計獎

呢張唔係劇照,呢楝名為Kežmarské Hut嘅建築物真有其事,位處喺斯洛伐克嘅High Tatra Mountains,正方體嘅外形,面層一塊塊反光鋁材搭配玻璃窗,加埋側側哋插入地底嘅設計,型到震!難怪可以贏倒大量國際性嘅建築比賽。而且入面真係住到人,仲以木色作主題設計,好靚好舒適,最重要係唔係斜嘅,企得穩。

Read more ›

外國人眼中的香港樓景    超強壓迫感
by / on 21/09/2014 at 8:13 am

外國人眼中的香港樓景 超強壓迫感

外國人眼中香港除咗夜景靚,密麻麻嘅建築物都好值得留影。澳洲攝影師Peter Stewart呢輯香港相集「Stacked」,焦點放喺一楝楝港式建築物之上,五光十色,角度特別,大部份都係低炒,原來香港嘅樓景都幾宏偉,仲好有壓迫感。有得揀,我都係想住喺空曠嘅郊外多啲。

Read more ›
日本古怪建築物圖集   尖頂不規則梯形鑽石形
by / on 11/09/2014 at 8:05 am

日本古怪建築物圖集 尖頂不規則梯形鑽石形

日本怪人多,古怪嘅建築物都多。不過只可以話藝術嘅嘢我哋識條鐵咩,但起碼睇落唔似強國嗰啲咁驚嚇。法國攝影師Jérémie Souteyrat最近就影咗輯日本建築物嘅相集,走去日本少見嘅地方影低不同嘅建築物外形,尖頂、不規則梯形、鑽石形甚至嗡唔出咩形狀嘅都有,只係無新宿涉谷呢啲經常去嘅日本名勝地,但就睇到日本當地居民嘅另一面真實生活寫照,btw啲建築物真係好奇特,真係住到人嗎?

Read more ›
日本超窄建築物   靚裝唔慘情
by / on 29/11/2013 at 12:01 pm

日本超窄建築物 靚裝唔慘情

香港地樓價貴到飛天,吋金呎土,有瓦遮頭已經要感恩。日本地一樣,最近喺日本神戶市有間超級窄身嘅建築物落成,大約只得36.95平方米,由藤原‧室建築設計事務所負責,要讚吓日本設計的確唔同啲,雖然迷你,不過住喺入面一啲都唔慘情,睇相見倒天井位透光,成間屋都好光猛,加上裝修簡潔整齊,十足無印良品示範單位咁款,我都好想搬入去住。

Read more ›