Post Tagged with: "廣告牌"

牙醫診所都萌? 東京戶外廣告牌Twitter熱傳
by / on 17/12/2018 at 7:58 am

牙醫診所都萌? 東京戶外廣告牌Twitter熱傳

日本人一向「萬物皆可萌」,包括牙醫診所。最近喺東京荻窪車站附近出現呢個廣告牌,大家以為有新動畫上映,其實佢係一間牙醫診所嘅廣告。搵咗動畫《KILL la KILL》負責角色設計嘅人氣設計師sushio_石崎壽夫親自設計,難怪個角色熟口熟面。網民嘅留言都好正面,有人話最憎睇牙醫,不過睇完呢個廣告想去參觀吓;有人話由今日開始唔刷牙,等自己可以去吓呢間牙醫診所,係咪媒嚟架?

Read more ›

【有片】日本超強廣告牌書法家    大學表演影片Twitter熱傳
by / on 05/11/2018 at 7:56 am

【有片】日本超強廣告牌書法家 大學表演影片Twitter熱傳

中國有好多書法家,日本都有。好似呢位サインズシュウさん喺大阪經營看板店,最近就去咗「多摩美術大學藝術祭」,仲即席揮毫幫塊告示牌寫字,唔駛起稿,但寫出嚟又工整又靚,好強!入嚟有多角度嘅影片回帶睇。只可以講,睇佢寫字都係一種享受。

Read more ›
【係愛呀】日本網民愛的表現 廣告牌發現性感紅唇印
by / on 08/04/2017 at 10:07 am

【係愛呀】日本網民愛的表現 廣告牌發現性感紅唇印

點樣表達自己對心愛角色嘅愛?有日本網民發現《刀劍神域》戶外廣告牌嘅細節,原來有粉絲錫咗主角桐人個嘴仔一啖,仲留底咗個好性感嘅紅唇印,係愛呀!

Read more ›
內地生日男廣告牌惹爭議     網民熱論日本網報導
by / on 22/12/2014 at 7:34 am

內地生日男廣告牌惹爭議 網民熱論日本網報導

內地有錢人點過生日?呢個16歲男孩慶祝生日嘅廣告牌就夠晒另類,仲成為最近內地網上熱話,紅到日本網都報導!話說微博嘅福州生活資訊最近舖咗張街道相,相入面見到晋江嘅街道舖滿16歲男仔嘅個人廣告,上面寫住:「歡迎參加我的16歲生日Party!」網民議論紛紛,有人話佢屋企太招搖,有人懷疑係廣告。最後記者人肉大搜查,搵倒佢阿爸施生,佢直認廣告牌係佢哋為咗請親戚朋友一齊慶祝阿仔生日而設計嘅,而所有廣告牌都係屬於阿爺間公司,生日宴過咗就會轉返做平時嘅廣告。話時話,揀相時有無問過阿仔?呢張托腮相,分分鐘成為佢人生嘅黑歷史。 

Read more ›
食得嘅廣告牌    過萬個蛋糕砌成廣告牌
by / on 09/09/2014 at 11:19 am

食得嘅廣告牌 過萬個蛋糕砌成廣告牌

Mr Kipling係英國最大嘅蛋糕、批及焗製品製造商,最近佢哋就喺倫敦咗個大型廣告牌,勁在全個廣告牌都食得,因為係用咗13,360個蛋糕砌成。而且好有心,因為擺好之後8個鐘,即係早上11時開始,佢哋就將啲蛋糕拆返落嚟派比途人食,唔好嘥嘛。又環保又可以宣傳,醒。

Read more ›
神奇廣告牌    指示飛機目的地
by / on 24/11/2013 at 3:00 pm

神奇廣告牌 指示飛機目的地

以前啟德舊機場經常有飛機喺頭頂飛過,而家就要入到赤鱲角先有飛機睇,每次我都好想知頭頂架飛機會飛去邊。最近英國航空針對大家嘅好奇心,喺Chiswick地區嘅公路整咗塊大型廣告牌,每當有飛機飛過,就會有細路行出嚟指住個天空,話你知架機飛去邊。係咪好神奇?原來用嘅係傳統方法,檢查航班飛行紀錄再喺廣告牌播出,不過睇嘅人就會覺得好神奇。BTW,就算佢講錯,其實都無人可以求證倒,我係咪好陰謀論?

Read more ›

新片速報  坐吓有Tablet送   朱古力Kit Kat賣大包
by / on 22/09/2013 at 8:09 am

新片速報 坐吓有Tablet送 朱古力Kit Kat賣大包

食Kit Kat朱古力要鬆吓抖吓,但係估唔倒抖吓都有部Nexus 7平板電腦拎走咁爽皮!Kit Kat最近喺荷蘭街頭租咗幾塊廣告牌,上面離奇地有個座位,原來根據指示牌嘅時間坐上張椅抖吓,無幾耐就會有人送部tablet比你,就係咁簡單,易過中六合彩。睇片見倒路人即時飛撲上去坐定定,有啲仲兩個人迫埋一齊博有機會拎多部,睇落好緊張,唔太鬆吓抖吓,仲令我好葡萄o忝!

Read more ›
廣告牌大人小童兩面睇    防虐高科技廣告
by / on 07/05/2013 at 7:56 am

廣告牌大人小童兩面睇 防虐高科技廣告

一個廣告牌可以同時間顯示兩個不同嘅畫面?聽落匪夷所思,原來係靠廣告牌偵測倒看者嘅高度再投射出不同畫面。西班牙一個防止虐待兒童機構,最近使用咗呢種高科技廣告牌,令受虐兒童就算同虐待佢嘅成人一齊,都可以睇倒機構發出嘅訊息:「如果有人傷害你,我哋會幫助你。」只要身高低於1.3米(約10歲以下)就會睇倒,而成人只會睇倒另一個不同嘅訊息。何謂善用科技?我覺得呢個係最佳例子。

Read more ›