Post Tagged with: "廚房"

【新片速報】日本壽司店廚房短片出事 垃圾筒執魚生超污糟
by / on 07/02/2019 at 10:22 am

【新片速報】日本壽司店廚房短片出事 垃圾筒執魚生超污糟

人類總要重複同樣的錯誤,今次中招嘅係日本有好多分店嘅連鎖壽司店「くら寿司」,最近Twitter熱傳一段片,估計下載自IG Stories,片中見到該店職員切咗半條魚生,然後轉身掉入後面半滿嘅垃圾筒,之後同班friend爆笑,無幾耐又喺垃圾筒執返嚿魚生放上枱。段片已經有超過300萬人瀏覽,片中仲清楚睇到嗰位職員個名。官方好快都發咗聲明回應,致歉之餘,話嗰位員工係兼職同事,而調查後知道嚿魚生最後都係掉咗無送去俾客人嘅,不過你信唔信?出事嘅壽司店位於大阪守口市,相信呢段時間生意一定會受影響。入嚟有片睇回帶。

Read more ›

京都超古怪民宿房間 廚房搭張床2500円一晚
by / on 10/11/2017 at 7:05 am

京都超古怪民宿房間 廚房搭張床2500円一晚

日本嘅酒店以至民宿都出名細,不過呢間嘅情況就比較特殊。有日本網民上載咗張圖,話佢老公最近去東京嘅時候,入住嘅房間竟然係咁!網民睇完都嚇一跳,仲熱烈討論同分享。有人話呢個根本係廚房,有人仲發現枕頭底有幾塊石磗。之後樓主再出Post,話呢間係民宿,每晚大約2500円。不過最令人最擔心其實係安全,因為張床中間好似唔係幾穩陣。

Read more ›
日本貓奴人妻廚房用品 全部都係貓超可愛
by / on 13/10/2017 at 9:33 am

日本貓奴人妻廚房用品 全部都係貓超可愛

日本呢位人妻係正宗貓奴,屋企好多用品都見到貓影,細緻到連廚房嘅百潔布同埋個托都係貓!佢嘅老公將兩樣產品連成一體,放上Twitter後勁多人RT。好多人都話見過貓形百潔布,但係個托真係比較少見,咁得意又實用,妤多人都想買返個!

Read more ›
【必去】吉卜力美術館「食物」主題展覽 重現經典食物/餐廳/手稿
by / on 27/05/2017 at 11:36 am

【必去】吉卜力美術館「食物」主題展覽 重現經典食物/餐廳/手稿

宮崎駿迷必去嘅東京「吉卜力美術館」最近有新項目加入!有睇開動畫都知入面嘅食物一向勁吸引,每次都睇到人好肚餓。最近呢個展覽「食べるを描く。」就以食物做主題,例如《天空之城》嘅煎蛋多士、《千與千尋》嘅烤雞、《魔女宅急便》朱古力蛋糕,仲有香噴噴嘅麵包、飯團、咖喱,全部都好似真嘅一樣!現場仲有模擬餐廳同廚房,當然唔少得大量嘅手稿。由今日開始至2018年5月有得睇,去睇前記住記住要預先買飛!

Read more ›
台灣超可愛「壁咚」擺設     裝鹽裝胡椒廚房驚喜
by / on 23/05/2017 at 7:30 am

台灣超可愛「壁咚」擺設 裝鹽裝胡椒廚房驚喜

「壁咚」都玩咗好耐,不過最近有日本網民去咗轉台灣,仲喺陶器博物館買咗呢套裝鹽裝胡椒嘅壁咚擺設,放上Twitter後好多人轉發。老實,擺呢套嘢喺廚房,煮飯見到都特別驚喜。不過啲鹽喺對眼度噴出嚟,會唔會有啲唔慣?

Read more ›
日本「魔法棒」廚房必備 烹調出魔法料理
by / on 28/04/2017 at 7:45 am

日本「魔法棒」廚房必備 烹調出魔法料理

日本動漫迷真係多嘢玩,表面睇呢兩支係魔法棒,其實佢哋係廚房必備嘅調味孖寶。一支鹽一支黑椒啱啱好,可以烹調出魔法料理,樂天市場有得買,1100円一對,唔算貴喎。

Read more ›

【相集】日本喵星人廚房「怒企」 不滿表情Twitter熱傳
by / on 17/02/2017 at 7:22 am

【相集】日本喵星人廚房「怒企」 不滿表情Twitter熱傳

喵星人有咩唔鍾意都擺晒喺塊臉度,好似呢隻日本喵星人嘅不滿表情最近就喺Twitter熱傳。話說佢喺廚房等待中,相信都係等嘢食嘞,不過可能主人掛住影佢,搞到佢企都企都攰,仲露出超不滿嘅表情。BTW,呢隻喵星人好鍾意企,入嚟有多啲佢嘅靚相睇,可愛程度達到宇宙級。

Read more ›
【慎入】日本家庭廚房發現青蛙 網民:「越睇越可愛?!」
by / on 23/05/2016 at 7:13 am

【慎入】日本家庭廚房發現青蛙 網民:「越睇越可愛?!」

呢排雨季,屋企好容易會出現曱甴,不過日本呢個屋企仲勁,出現咗隻青蛙!有網民喺2ch放咗幾張相,話屋企廚房無啦啦出現咗隻青蛙,而且係隻大嘅日本雨蛙。有人話好核突,亦有唔少人讚可愛,仲話好似喺JoJo漫畫入面見過呢隻青蛙喎。我就覺得有啲恐怖嘞。樓主之後將隻青蛙放咗入透明膠箱,睇嚟諗住養大佢‥‥‥

Read more ›
恐怖屋威到出書      廚房廁所連成一體
by / on 14/12/2014 at 1:49 pm

恐怖屋威到出書 廚房廁所連成一體

香港出名多縮水樓,仲有好多唔合邏輯嘅設計,例如放唔到床嘅睡房、企唔到人嘅露台等等,外國呢?一樣都有,有啲仲幾驚嚇。例如廚房入面有馬桶,大廈正門有四個出口‥‥‥全部都係來自外國Tumblr網站有個叫「Terrible Real Estate 」嘅主題相集,最近仲結集出書,喺amazon有得買。買幾本送比香港嘅買樓苦主下吓火都好。

Read more ›
美國隊長殺入廚房    切菜盾牌生活智慧
by / on 08/06/2014 at 9:35 am

美國隊長殺入廚房 切菜盾牌生活智慧

平時無入開廚房嘅,間中想玩吓煮飯仔,點知一個唔小心,切嘢時切親手,噢,諗起都掃興。呢個初學者專用嘅廚房盾牌,套隻手指入去之後就好似美國隊長拎住塊盾牌一樣,點衝都唔駛驚,切嘢時就可以盡情啲切快啲,以後扮勁無難度。簡單嘅設計但係相當實用,買嚟送比女友,曲線鼓勵佢多啲入廚都唔錯。Amazon有得賣,開價美金$11.75。

Read more ›
多士爐叉電器   專叉iPhone
by / on 20/11/2013 at 8:20 am

多士爐叉電器 專叉iPhone

叉電器見得多,呢個專為廚房而設嘅多士爐叉電器Foaster,得意得嚟又幾實用。十足多士爐咁有兩個窿位,可以同時叉兩部電話,將部手機插入去就用得,不過只限iPhone5、5C同5S,好自私。我欣賞佢唔叫iToaster,加咗少少分。另外佢可以單手完成整個充電動作,有乜用?型囉。Kickstarter集資中,美金$79有交易。

Read more ›

入廚科技豬   壓實煙肉唔怕捲
by / on 19/05/2013 at 2:51 pm

入廚科技豬 壓實煙肉唔怕捲

分享呢件廚房高科技產品純粹個人喜好,因為的確好細心,隻豬又幾生鬼。話說有試過入廚煎煙肉嘅,都試過好苦惱塊煙肉成日捲埋彈起,呢隻豬形嘅鐵壓就完全解決倒以上煩惱,煎時將隻豬壓實塊煙肉,仲唔怕佢再彈起,而且仲有好似街霸joystick嘅木製手把,等你按壓時唔怕熱親,真係居家入廚必備呀!

Read more ›