Post Tagged with: "廁紙"

大便原來咁好玩 日本新穎廁紙幫小朋友學習
by / on 11/10/2019 at 7:46 am

大便原來咁好玩 日本新穎廁紙幫小朋友學習

嘩!估唔到大便都可以咁好玩!日本Clover出嘅呢款Poo Paint廁紙,專俾小朋友學用廁紙,每格廁紙有圖案之餘,仲可以將啲重要嘢放喺圖畫上面,邊玩邊學好似填色簿咁。啲廁紙封面仲可以叠埋變成一篤大便,好有創意,大人都想買返卷玩吓!網上有得買,500円一卷,入嚟有Link。

Read more ›

日本災難現場 喵星人玩廁紙疑似發現主謀
by / on 16/07/2019 at 7:34 am

日本災難現場 喵星人玩廁紙疑似發現主謀

喵星人睇少眼都好易出事,今次災難級嘅場面發生喺日本,有貓奴朝早起身見到客廳變成咁,成地廁紙,啲貓好似無事發生過咁扮無嘢瞓喺地,有網民發現瞓枱面嗰隻,坐姿仲好囂張,似乎係主謀。

Read more ›
【新片速報】日本喵星人玩廁紙斷正    Twitter熱傳網民出圖回應
by / on 05/06/2019 at 7:57 am

【新片速報】日本喵星人玩廁紙斷正 Twitter熱傳網民出圖回應

又係愚蠢喵星人嘅出場時間,唔少貓都鍾意玩廁紙,今次呢隻仲俾日本網民拍到佢嘅犯罪證據,睇片見佢出動貓貓拳不停抓不停抓,玩得好開心,唔少貓奴都話有同感,仲有人諗起JoJo嘅白金之星而出圖回應,入嚟有回帶,同埋可以睇返隻喵嘅生活照。

Read more ›
【新片速報】100卷廁紙佈置「喵天堂」 喵星人喪玩開心到癲
by / on 23/04/2019 at 7:26 am

【新片速報】100卷廁紙佈置「喵天堂」 喵星人喪玩開心到癲

喵星人最鍾意玩廁紙,外國YouTube頻道CatPusic最近竟然做咗個廁紙放題,將間房用100卷廁紙佈置成貓樂園,唔止個地下舖滿,連牆壁都係一條條吊住嘅廁紙窗簾,俾隻愛貓Pusic盡情玩!睇片見Pusic好開心衝完再跣嚟跣去,開心到忘晒形,之後玩到攰就成個撻底,簡直係喵界嘅天堂!雖然有啲唔環保,不過有網民就話如果可以令到隻貓開心,都唔算係浪費,而且佢哋用嘅係再循環廁紙,用完應該會循環再用嘅,入嚟有片睇。

Read more ›
如果《火鳳燎原》出廁紙 你撐唔撐?
by / on 18/05/2018 at 3:41 pm

如果《火鳳燎原》出廁紙 你撐唔撐?

係喎,時間過得好快,家陣已經係5月中,講吓講吓又就快書展。面書專頁「火鳳燎原」剛剛出Post,話惆悵緊唔知今年出乜精品好,原因係「《火鳳》讀者群年齡層比較大,所以精品種類唔可以太年輕化,加上佢哋有一定嘅消費力,又鍾意實際,所以每次都要搞盡腦汁去諗特別嘢」云云,之後反問讀者:「如果今年出司馬防次子廁紙同孫堅次子廁紙,有無得諗?」仲登咗張惡搞相出嚟畀大家睇睇辦。係呢,大家又想買乜精品?有乜好意見不妨PM佢哋喎。

Read more ›
【相集】廁紙變Barbie白色禮服    星加坡男士IG大量作品
by / on 04/04/2018 at 8:29 am

【相集】廁紙變Barbie白色禮服 星加坡男士IG大量作品

一張廁紙可以做到啲咩?呢位新加坡男士Jian Yang就用佢嚟做出一件件禮服,不過唔係俾真人著,而係俾Barbie著嘅。佢用旅行時住嘅酒店嘅廁紙做材料,設計出一件件超靚嘅白色禮服,唔止Barbie,仲有好多其他公仔,完成品超靚,入嚟有大量回帶。

Read more ›

日本一蘭超貼心 搣開告示隱藏廁紙以防萬一
by / on 30/10/2017 at 3:08 pm

日本一蘭超貼心 搣開告示隱藏廁紙以防萬一

日本一蘭拉麵對廁所嘅廁紙似乎有一份執著喺度。有日本網民就影咗幾張相放出嚟,就係一蘭嘅廁所入面有張紙,寫住佢哋會確保廁所有廁紙,每一個小時就會巡一次補充一次,但係如果萬一好似呢位網民咁好彩遇到冇側紙嘅情況,佢哋都有為你作最危急一手準備,就係搣開呢張告示,就會見到收埋咗幾格廁紙俾你應急……

Read more ›
聰明狗狗網上爆紅 去完廁所識用廁紙
by / on 02/12/2016 at 7:13 am

聰明狗狗網上爆紅 去完廁所識用廁紙

狗狗嘅學習能力好強,不過好似人咁識去完廁所用廁紙就真係好神奇。呢隻叫Pablo嘅狗狗最近喺網上爆紅,佢嘅主人Acelin Hampton係一位rapper,3個月前領養咗Pablo。可能見過好多次主人去廁所用廁紙,佢都暗暗學識咗。最近主人帶佢上朋友屋企,佢喺地下屙咗篤尿,居然識得用廁紙冚住!張相放上網後被瘋傳,大家都讚Pablo好叻仔,仲叫主人唔好怪佢,佢已經盡咗力。不過長期咁玩法都幾嘥廁紙,唯有帶多啲佢落街去廁所啦。

Read more ›
日本扭蛋Memo扮廁紙 超迷你一撕即寫
by / on 22/11/2016 at 7:10 am

日本扭蛋Memo扮廁紙 超迷你一撕即寫

呢款日本扭蛋真心想要,表面上係一個廁紙架,實際上拉出嚟嘅唔係廁紙而係Memo紙!由日本扭蛋公司J.DREAM出品,今次已經係第一彈,多咗個銀色廁紙架款式,另外仲有盒裝,好可愛,買嚟做手信啱晒!唯一缺點係呎吋細咗少少,盒裝闊52mm,捲筒裝就闊38mm,唯有寫少啲字,或者留低電話之後whatsapp囉。

Read more ›
【公廁有愛】日本司機豪捐1000卷廁紙 報答公廁救命之恩
by / on 16/01/2016 at 12:12 pm

【公廁有愛】日本司機豪捐1000卷廁紙 報答公廁救命之恩

唔係最新,不過呢排日本2ch網民討論緊,所以想同大家分享吓。日本愛知縣犬山市嘅公廁最近收到1千卷捐贈嘅廁紙,原來有個50幾歲嘅男司機有日揸車途中有便意去咗呢個公廁,見到入面有廁紙提供,即時好感動,為咗表示謝意,佢之後捐咗1千卷廁紙比呢個公廁,花費大約3萬円,連公園負責人都話無諗過會收到呢種方式嘅感謝,亦無諗過有人會捐廁紙。不過日本網民嘅留言仲精警:「會俾中國人偷走喎」、「韓國嘅話應該會捐一年大便」。講返轉頭,其實每次去日本旅行人有三急都好放心,佢哋嘅廁所唔止乾淨,好多時仲有埋廁紙供應,而且免費,絕對係世界級水準。只可惜一兩年遊客越嚟越多,好多主要景點嘅公廁都越嚟越污糟‥‥‥

Read more ›
有片:玩人反被玩!重口味屎揩人!
by / on 12/10/2015 at 2:00 pm

有片:玩人反被玩!重口味屎揩人!

《Toilet Paper Prank》,齋睇片名都估到大概點樣整蠱人,果然,預先喺洗手間擺好Hidden cam,偷拍朋友仔開完大撕唔開廁紙嘅窘態,真係好想問,邊度搵咁像真又撕唔開嘅廁紙呢?事情未完,朋友仔發覺偷拍,決定反客為主,既然唔俾廁紙我抹吖嘛,好,就同你攬住一齊……方法係──走出洗手間,用籮柚揩向偷拍者,偷拍者中招!上身啡啡黑黑一笪,好核突呀。

Read more ›

有片:大整蠱!我的大屋被廁紙掩沒了!
by / on 24/03/2015 at 9:00 am

有片:大整蠱!我的大屋被廁紙掩沒了!

呢個Prank會唔會玩得大咗啲呢?運嚟整整一貨車廁紙,眾人興奮落車,之後開箱,拆包裝,逐卷逐卷掟向大屋,屋頂呀、後園呀、窗口呀……整幢大屋瞬間俾廁紙掩沒,多到連大門口都差啲睇唔到,掟嘅興奮,難得屋主又唔嬲,呢下先令我最心悅誠服。不過我想問嘅係,一,掟五顏六色嘅廁紙會唔會壯觀啲?齋白色未夠震撼;二,如此玩法,會唔會浪費地球資源咗少少呢?三,掟就過癮呀,事後點樣清理好呢?如果有Making of睇埋就好咯……

Read more ›
嚇爆廁格的你 日本嚇鬼廁紙藝術
by / on 22/10/2014 at 4:57 pm

嚇爆廁格的你 日本嚇鬼廁紙藝術

去廁所嘅時候,如果你冇帶電話或者收唔到電話,的確係幾無聊。咁之前都見過有人將廁紙摺成紙鶴,又或者喺上面畫漫畫,但都唔及得佢,佢將廁紙整成兩條辮,仲要加埋個人樣!有日本人入到廁格就咁嚇咗一跳,之後影咗張相放上Twitter,1日就有成5萬個retweeted。我幻想到,如果去完廁所想攞廁紙先發現,應該仲驚,如果嚇到彈起……

Read more ›
熨金廁紙 每卷2萬5000円 高級生活態度
by / on 12/04/2014 at 5:40 pm

熨金廁紙 每卷2萬5000円 高級生活態度

真係威,燒著張美金用嚟點煙我以為已經好有霸氣,點知原來仲可以更霸,就係用鑲金嘅廁紙嚟抹……抹咩都好,都型。呢兩卷廁紙上面就熨咗24K金嘅圖案、字體喺上面,分別係「Happy Birthday」同皇冠圖案,每卷賣25,000円,即係千幾蚊港幣……不過睇番資料,原來外國仲曾經有全卷用22K金造嘅廁紙,賣1,37萬美金!抹落去唔知刮唔刮呢……

Read more ›
新片速報    聰明貓貓玩廁紙    識捲返轉頭
by / on 05/04/2014 at 2:01 pm

新片速報 聰明貓貓玩廁紙 識捲返轉頭

貓同廁紙係天敵,有養過貓嘅都知,千祈唔好比佢行近廁所嘅廁紙筒,佢會一手摧毀晒成卷廁紙,輕則全卷廁紙報銷,重則全屋都係廁紙碎有排執。不過呢隻叫Willlie嘅貓貓就唔同,佢拉晒成卷廁紙落嚟之後,居然識得捲返上去,最後卷廁紙好似新嘅一樣,而佢又可以再玩過,娛樂無窮。難怪Willie主人可以好得戚咁將條片嘅標題改做「Willie Is Better Than Your Cat」。

Read more ›