Post Tagged with: "廁所"

【凌凌漆級數】日本「香蕉攜帶型廁所」 集資超額完成
by / on 13/02/2019 at 7:08 am

【凌凌漆級數】日本「香蕉攜帶型廁所」 集資超額完成

表面上佢係一條蕉,點估到打開佢之後其實係一個流動廁所?由韓國品牌Juju出產,最近傳到去日本集資,反應好熱烈,打開條蕉就變成一個圓形坐廁,下面有個兜,加個袋就可以用嚟裝排泄物,當然都係要自己倒返,適用於戶外活動例如露營、音樂節、坐長途車同埋訓練小朋友去廁所。重320克,最高負重80kg,仲有5隻色揀,而家已經集資成功,本來目標係5萬円但已經去到130萬円,入嚟有多啲資料同埋示範片睇。

Read more ›

【新片速報】日本聖誕「LED電球」 廁所變舞台Twitter熱傳
by / on 12/12/2018 at 7:52 am

【新片速報】日本聖誕「LED電球」 廁所變舞台Twitter熱傳

聖誕節就到,有無諗過幫個廁所加啲氣氛?有日本網民喺amazon搜尋「LED電球」搵到呢盞燈泡,裝咗之後好似去咗Party咁,忍唔住令人想起身跳舞!之後佢仲試裝埋去浴室,效果一樣正。BTW,閃得咁勁,應該好難專心去廁所。入嚟有link,賣999円。

Read more ›
日本刺猬仔超可愛 邊去廁所邊睇報紙
by / on 30/10/2018 at 7:56 am

日本刺猬仔超可愛 邊去廁所邊睇報紙

呢隻日本嘅刺猬仔實在太可愛嘞!最近俾主人發現佢匿埋喺廁所度一邊辦工一邊睇報紙,仲因為老花戴咗副眼鏡,超搞笑!入嚟有多啲佢嘅得意相睇,仲可以follow埋佢IG。

Read more ›
【家長注意】日本網民鬧爆 廁所小童椅近開門掣
by / on 22/09/2018 at 8:37 am

【家長注意】日本網民鬧爆 廁所小童椅近開門掣

會帶埋小朋友去日本嘅朋友要注意。最近呢個月Twitter好多人討論呢款廁所兒童椅,有網民發現佢嘅設計好有問題,因為旁邊嘅開關掣居然係小朋友可以伸手觸及嘅!即係放個小朋友上去坐定定,但係佢一多手撳製就會開門……

Read more ›
日本網民新居Wally主題廁所 邊如廁邊搵Wally
by / on 09/09/2018 at 3:38 pm

日本網民新居Wally主題廁所 邊如廁邊搵Wally

英國插畫家嘅《Where’s Wally》全球都有好多fans吖,日本呢位網民嘅家姐都係其中一個,佢仲將新居個廁所用Wally做主題,除咗有紅白間條之外,牆紙仲係人山人海入面搵Wally嘅經典圖片,一邊去廁所一邊搵Wally,似乎係唔錯嘅娛樂,好忙。樓主就話佢最終用咗20分鐘喺入面搵Wally,唔知有無影響如廁嘅速度呢。

Read more ›
日本Sharp推出智能貓廁所 紀錄尿量/逗留時間
by / on 15/06/2018 at 7:21 am

日本Sharp推出智能貓廁所 紀錄尿量/逗留時間

你睇隻貓個樣幾驚?要監視住屋企隻喵星人嘅健康狀況,可以由廁所入手。最近日本SHARP公佈呢個貓廁所,可以紀錄貓嘅尿量、次數、逗留時間、體重等等資料,仲有溫度調節,最多可以對應3隻喵(會有頸圈俾貓帶住識別)。如果發現佢尿量多咗、逗留時間長咗,主人就要帶佢去睇醫生嘞。對應手機App,體積380×576×188mm,售價24800円,7月30日推出,可惜無拍片功能,其實我好鍾意睇佢哋去廁所好認真個樣。

Read more ›

日本廁所品牌超強紙模型 免費下載紙樣網民狂玩
by / on 16/05/2018 at 7:12 am

日本廁所品牌超強紙模型 免費下載紙樣網民狂玩

TOTO呢個日本品牌主力做廁所設備,不過佢哋網站原來好好玩,因為有個紙品系列!有齊產品嘅紙樣可以自己print出嚟整迷你版,仲有晒步驟圖可以跟住做。有日本網民砌咗個紙廁所出嚟,超像真。其他人仲提議可以俾屋企嘅模型公仔坐。除咗廁所,網站入面仲有浴室連浴缸設計圖,甚至洗面化妝台嘅紙模型,每個都有標明難度同埋製作時間,超吸引,入嚟有得慢慢睇。

Read more ›
廁所牆身穿咗窿 日本職員超創意補窿法
by / on 06/04/2018 at 7:39 am

廁所牆身穿咗窿 日本職員超創意補窿法

如果公司個廁所多咗個窿,你會點樣做?日本呢位職員就受命要搵張海報遮住個窿,而佢就發揮少少創意,喺個窿入面再加張圖!咁如果去去吓廁所,張海報貼唔實跌咗落嚟嘅話‥‥‥

Read more ›
日本網民廁所坐墊Twitter熱傳 超窄設計要瞄準
by / on 07/01/2018 at 12:32 pm

日本網民廁所坐墊Twitter熱傳 超窄設計要瞄準

冬天想去廁所嘅時候暖啲,好多人都會買個廁板墊。日本有網民啱啱都買咗,不過裝咗上去似乎怪怪哋‥‥‥張相喺Twitter好多人RT,有人話可以玩小便瞄準小遊戲、有人出手改圖,仲有人祝樓主個屁屁好運,都有正經啲叫佢上下調轉嘅,入嚟有得睇。

Read more ›
日本明星喵被出賣 去廁所連環圖Twitter熱傳
by / on 11/11/2017 at 11:55 am

日本明星喵被出賣 去廁所連環圖Twitter熱傳

呢隻日本明星喵「どんぐり」我哋都介紹過唔少次,又出LINE貼紙又出月曆,儲埋好多貓奴fans。不過最近佢作出終極犧牲,主人竟然將佢去廁所嘅連環圖都放埋上網!睇佢辦緊大事個樣超認真,之後仲怒啤主人,睇嚟今次佢都嬲嬲哋。入嚟有多啲佢嘅近照同埋新片睇,對貓奴嚟講真係有排睇,鍾意佢嘅記住follow埋佢哋嘅Twitter嘞。

Read more ›
【圖集】喵星人古怪行為合集 倒吊/爛瞓/玩廁所
by / on 05/06/2017 at 7:39 am

【圖集】喵星人古怪行為合集 倒吊/爛瞓/玩廁所

又到星期一,打工仔心情真係跌到落谷底,唯有睇吓啲得意貓圖平衡吓心理啦。喵星人唔駛返工,日日喺屋企有時都會忍唔住做出匪夷所思嘅動作。外國網站搜羅咗大量圖片,無啦啦倒吊自己、扮人類坐梳化,喺洗手盤瞓著、偷用電腦上網‥‥‥全部都好好笑,入嚟有得慢慢睇。

Read more ›

日本機場宣傳片 教外國人去廁所的藝術
by / on 16/12/2016 at 10:56 pm

日本機場宣傳片 教外國人去廁所的藝術

日本廁所好乾淨,但係機場嘅廁就話特別污糟,唔係針對某國人,可能大家去廁所嘅文化唔同啦,同埋某國人其實都未必要去廁所先解決到……咁日本人有咩辦法?拍咗條宣傳片教大家喺日本去廁所要點做,有和式、洋式,原來仲有大象式同馬尾式……

Read more ›
聰明狗狗網上爆紅 去完廁所識用廁紙
by / on 02/12/2016 at 7:13 am

聰明狗狗網上爆紅 去完廁所識用廁紙

狗狗嘅學習能力好強,不過好似人咁識去完廁所用廁紙就真係好神奇。呢隻叫Pablo嘅狗狗最近喺網上爆紅,佢嘅主人Acelin Hampton係一位rapper,3個月前領養咗Pablo。可能見過好多次主人去廁所用廁紙,佢都暗暗學識咗。最近主人帶佢上朋友屋企,佢喺地下屙咗篤尿,居然識得用廁紙冚住!張相放上網後被瘋傳,大家都讚Pablo好叻仔,仲叫主人唔好怪佢,佢已經盡咗力。不過長期咁玩法都幾嘥廁紙,唯有帶多啲佢落街去廁所啦。

Read more ›
日本東京年輕人租咩房? 廁所零間隔旁邊煮食
by / on 27/10/2016 at 7:14 am

日本東京年輕人租咩房? 廁所零間隔旁邊煮食

香港年青人想搬出嚟住都唔夠錢,日本呢?有網民將東京年青人居住嘅房放咗上2ch一齊討論,睇相同平面圖會發現間房零間隔,坐廁就咁放喺房入面,無門,而旁邊就係洗手盤同洗衣機,有人留言問:「係咪監獄?」、「廁所唔隔開,仲要廚房喺旁邊」、「電視同衫放喺邊呢」、「想知幾錢,如果一萬円內想住」、「可以一邊去廁所,一邊煮飯洗衫。」BTW,呢間房位於新宿區早稻田,係地產公司「アールエイジ」旗下嘅一個租盤,你接唔接受到?

Read more ›
【連環圖】日本最強喵喵拳 為爭廁所出拳怒喵
by / on 24/10/2016 at 7:14 am

【連環圖】日本最強喵喵拳 為爭廁所出拳怒喵

有無見識過喵喵拳?今次日本Twitter呢幾張連環圖好正,隻黑喵唔只出拳有力,個樣仲交足戲。以為佢哋為爭嘢食而大打出手?唔係喎,原來係爭廁所用。喂我好急呀你行開先啦,咩呀?個廁所係我o架!係我o架!係我o架!BTW,後面嗰隻好怕事,全程逃避零眼神接觸,扮睇唔到。

Read more ›