Tag: 康怡

新片速報 成龍60大壽 靚女出動64000對筷子砌頭像

成龍呢排好紅,噚晚睇電視唔覺意見到佢現身自己嘅藝術展玩驚喜。唔講唔知,今年係成龍60歲大壽,長居內地嘅女藝術家「康怡」都好識做,用咗64000對筷子砌成一幅成龍頭像嘅嘅掛畫同佢賀一賀,除咗有品味之外我都唔知講乜好。成日講錯嘢嘅成龍今次客串拍埋短片,片中嘅成龍唔講國語講英文,一開始仲同靚女用筷子格劍。BTW呢位藝術家康怡之前用瓜子砌過艾未未頭像、用咖啡砌過周董、用襪併合過張藝謀,入嚟有回帶,今次揀中成龍,證明佢已經被內地文化同化咗。

Read more ›

靚女亂玩化妝品 唇膏變賀年藝術品

邊個咁大膽拎阿媽啲化妝品嚟玩?年初六,打工仔收拾晒心情返工,不過網上仍然睇倒好多賀年嘢,好似呢位來自馬來西亞嘅靚女藝術家康怡,就用唇膏、胭脂、眼影之類大量化妝品,變成一幅幅好有中國新年氣氛嘅藝術作品。大家睇吓好喇,唔好返去亂試,否則下場會好慘。

Read more ›

有片 神級畫作 瓜子艾未未 / 咖啡周董 / 襪仔張藝謀

畫畫唔一定要用水彩油漆,馬來西亞華僑靚女「康怡」現居上海,鐘意用估你唔倒嘅物料創作中國名人畫像,例如用瓜子砌成嘅艾未未頭像、藍球碌出嚟嘅姚明畫作、咖啡漬整成嘅周杰倫、用書砌成嘅facebook創辦人Mark Zuckerberg、甚至用襪都可以拼湊出張藝謀,全部似層層,除咗人像,仲有用花瓣整成嘅鸚鵡,好勁,大部份仲要有片睇,真正大開眼界。

Read more ›