Post Tagged with: "庵野秀明"

庵野秀明60歲生日 預告超人登場
by / on 23/05/2020 at 2:58 pm

庵野秀明60歲生日 預告超人登場

《Evangelion》新劇場版最終作本下個月就有得睇,不過因為疫情延期啦。咁監督庵野秀明呢,噚日5月22日就係60歲生日,佢仲著咗件Tee扮超人,係咪已經開工製作《真‧Ultraman》喇?佢仲話雖然已經60歲但依然會努力,支持,生日快樂。

Read more ›

又係你?《Evangelion》新劇場版字體都係庵野秀明親筆寫
by / on 22/04/2020 at 3:50 pm

又係你?《Evangelion》新劇場版字體都係庵野秀明親筆寫

早幾日先報完,有人對比番《Evangelion》監督庵野秀明親筆信,話舊TV版入面「葛城美里」嗰張福利照片上面嘅字跡,其實都係出自庵野秀明之手,令好多人幻想破滅!啱啱官方Twitter仲有嘢講,又原來新劇場版呢個「Evangelion」字,都係庵野秀明親筆寫!

Read more ›
庵野秀明寫親筆信 網民記起原來係「葛城美里」字跡
by / on 18/04/2020 at 3:26 pm

庵野秀明寫親筆信 網民記起原來係「葛城美里」字跡

噚日有個壞消息啦,就係《Evangelion》劇場版最終回宣佈延期,咁監督庵野秀明亦都寫咗封親筆信。有日本網民就出圖比較番,話動畫中「葛城美里」呢張福利照片上嘅字跡,其實都係出自庵野秀明之手!不過之後就有網民指正,話只有舊電視版先至係,對比番,咦……咁咪「葛城美里」原來係庵野秀明,諗起一個鬍鬚佬寫呢啲字仲有心心……唔知真嗣知道之後會有咩感覺?

Read more ›
站姿有點呆?庵野秀明《真‧Ultraman》首張圖片設計公開
by / on 14/12/2019 at 8:05 pm

站姿有點呆?庵野秀明《真‧Ultraman》首張圖片設計公開

搞掂最搵錢嘅《Evangelion》結局下年6月上映之後,庵野秀明又玩番啲自己最鍾意嘅嘢,繼之前《真‧哥斯拉》,今次輪到《シン・ウルトラマン》,2021年公開,今日12月14日喺円谷プロ史上最大祭典「TSUBURAYA CONVENTION 2019」發佈設計圖。而呢套《真‧Ultraman》企画・脚本係庵野秀明負責,監督就係樋口真嗣,好拍檔。

Read more ›
官方確定 庵野秀明/樋口真嗣開拍《真‧Ultraman》
by / on 01/08/2019 at 9:02 am

官方確定 庵野秀明/樋口真嗣開拍《真‧Ultraman》

之前一直有傳,今次終於由円谷及khara確認,就係庵野秀明會負責企画・脚本,而監督就會係樋口真嗣,預定2021年上映。今次《シン・ウルトラマン》會係改編1966年放送嘅《ウルトラマン》,演員就會有斎藤工、長澤まさみ、西島秀俊。不過Evangelion迷可以放心,因為khara都確定庵野會完成《シン・エヴァンゲリオン劇場版》之後先開始製作真咸蛋超人!

Read more ›
庵野秀明版超人《真‧Ultraman》即將開拍?傳演員陣容有長澤正美
by / on 29/07/2019 at 4:27 pm

庵野秀明版超人《真‧Ultraman》即將開拍?傳演員陣容有長澤正美

雖然之前傳過,円谷都暫時否認咗,但消息就繼續嚟。今次又係《日刊大眾》嘅報道,話59歲庵野秀明繼《真‧哥斯拉(シン・ゴジラ)》後,準備會開拍《真‧Ultraman シン・ウルトラマン》,預定今年10月或11月公開情報,演員陣容會有西島秀俊、斎藤工同埋長澤まさみ(之前傳係岡田准一、土屋太鳳)!就算係真,我諗下年6月上嘅Evangelion《シン・エヴァンゲリオン劇場版:||》冒頭10分鐘都有喇,到時都搞掂晒啦呵?我係咪太過樂觀?

Read more ›

EVA終章點算?傳庵野秀明開拍《真‧Ultraman》
by / on 06/03/2019 at 9:41 pm

EVA終章點算?傳庵野秀明開拍《真‧Ultraman》

嘩唔係啩,之前又設定資料集,新年會又拉Banner有聲優緒方恵美等到場,Evangelion新劇場版《シン・ウルトラマン》講咗2020年春上映啦?但啱啱《日刊大眾》就報道,話庵野秀明將會監督真人電影《Ultraman》,繼《真‧哥斯拉》之後,整套《シン・ウルトラマン》,仲話演員預定係岡田准一、土屋太鳳……仲話可能《Evangelion新劇場版》最終章可能會延期?唔好咁啦!入嚟重溫吓庵野秀明嘅陳年「咸蛋超人」作品先。

Read more ›
庵野秀明「ぼんぼり祭」 寫「2018~2020・21・22 常在戦場」咩意思?
by / on 06/08/2018 at 10:23 pm

庵野秀明「ぼんぼり祭」 寫「2018~2020・21・22 常在戦場」咩意思?

近年鎌倉鶴岡八幡宮舉行嘅「ぼんぼり祭」,《Evangelion》監督庵野秀明都會出手。今年就係今日(6日)開始,庵野秀明監督就親筆寫咗:「2018~2020・21・22 常在戦場」。咁佢啱啱公佈「Evangelion新劇場版」完結篇《シン・エヴァンゲリオン劇場版》會喺2020年公開,由今年至2020年常在戰場都明,但「21・22」係咩意思?係咪上映日期?仲有喎,早兩日先話會拍岩井俊二新戲《Last Letter》演松隆子丈夫,咁有時個戰場係咪去咗片場……?

Read more ›
【有片】庵野秀明賣啤酒 仲有EVA客串?
by / on 28/06/2018 at 6:12 pm

【有片】庵野秀明賣啤酒 仲有EVA客串?

正常嚟講,製作緊《Evangelion》新劇場版最後一集嘅監督庵野秀明近排應該好忙,不過喺百忙之中,佢都抽到時間拍廣告喎。呢條「黒ラベル 大人EV 58歳 お金とは篇」同妻夫木聡共演之餘,仲有疑似EVA客串……

Read more ›
【有片】庵野秀明今次玩車 拍Honda新廣告
by / on 31/07/2017 at 4:57 pm

【有片】庵野秀明今次玩車 拍Honda新廣告

睇呢張圖,我仲以為庵野秀明返番去14歲揸EVA……其實佢係揸緊Honda。本田最新嘅Civic廣告,搵嚟佢同埋樂隊ONE OK ROCK合作拍攝,主題係「Go, Vantage Point.」。好喇,玩完好返去做嘢喇。

Read more ›
【勵志】「庵野秀明」84年的人生 年收入104萬円
by / on 05/09/2016 at 10:28 pm

【勵志】「庵野秀明」84年的人生 年收入104萬円

104萬円,即係7萬蚊港幣左右,一年搵呢個數,平均每個月只有唔夠$6000,需知道80年代日本泡沫經濟好勁,呢個人工……呢個人工就係o依家嘅動畫大師、啱啱《真‧哥斯拉》又收到笑嘅「庵野秀明」當年收入。張圖係84年12月喺《Comic Box Jr.》出嘅,當時佢24歲。到底呢一年佢點過,入嚟睇埋,即係呢一刻唔成功,只可能係未成功啫,唔好放棄!

Read more ›

新片速報 庵野秀明監修 「日本アニメ市」第二彈動畫宣傳片
by / on 06/03/2015 at 4:43 pm

新片速報 庵野秀明監修 「日本アニメ市」第二彈動畫宣傳片

上次條《evangelion:Another Impact》,睇到我哋班EVA迷全線暴走,經過第1彈12話之後,嚟緊就有第2彈喇。第1條片會喺日本時間3月9日晚10點niconico發佈。呢條宣傳片中,好似見到啲EVA元素,但睇真又好似冇,到底有咩搞,都要到時先知喇。第2彈嘅監督照舊係庵野秀明、音楽鷺巣詩郎、編集堀内隆,入嚟仲有其他陣容睇。

Read more ›
豪華陣容 《EVA》庵野秀明 + 木村拓哉 + 柴咲幸拍日劇 10月開播
by / on 15/08/2013 at 9:28 pm

豪華陣容 《EVA》庵野秀明 + 木村拓哉 + 柴咲幸拍日劇 10月開播

嘩勁咯,雖然近年木村拓哉嘅日劇收視神話已經破滅,但係我依然有捧場,上兩季《Priceless》其實我覺得幾好睇。嚟緊10月TBS日曜劇場又有木村,加埋柴咲幸,我諗起《Good Luck!》都開心,點知!仲有《Evangelion》監督庵野秀明參與!因為呢套劇《安堂ロイド~A.I. knows LOVE?~》係講木村分別演大學教授天才物理學家沫嶋黎士(伽利略!?),另外亦會做100年後未來嚟到現代嘅機械人「安堂ロイドと」,所以庵野秀明就有份做設定!再勁啲嘅係仲有《Spec》嘅西荻弓繪做編劇,聽落相當妥當,令人期待!

Read more ›
新片速報 庵野秀明《風立ちぬ》配音實況 現身賣au廣告
by / on 20/07/2013 at 3:58 pm

新片速報 庵野秀明《風立ちぬ》配音實況 現身賣au廣告

日本個天真係好藍!好靚!今朝post咗條《風立ちぬ》中文字幕預告片,好多人like好多人期待,動漫迷都知,呢套宮崎駿新作嘅男主角會由《Evangelion》嘅監督庵野秀明做聲優,我相信喺香港上嘅時候,係從未有咁多人想睇日文版嘅!而庵野監督最新仲幫日本電訊商au拍咗條片宣傳「au loves ジブリ(吉卜力)」,現身表演做熱身運動再配音!另外搭單亦有一條Kyary Pamyu Pamyu做主角嘅au廣告,有冇趣?

Read more ›
極級俾面 宮崎駿《風立ちぬ》搵庵野秀明做聲優
by / on 10/05/2013 at 12:37 pm

極級俾面 宮崎駿《風立ちぬ》搵庵野秀明做聲優

有邊個叫得郁《Evangelion》嘅庵野秀明?有,就係宮崎駿!1984年《風之谷》之後,先前庵野秀明用咗「巨神兵」嚟玩咗段短片,而嚟緊7月20日上映嘅宮崎駿新作《風立ちぬ》,竟然搵嚟庵野做男主角堀越二郎嘅聲優!庵野用咗4日配音,除咗講嘢外仲要唱歌,仲有其他外語嘅對白,喂玩完好返去搞《Eva》結局喇!

Read more ›