Tag: 店舖

日本良心店舖Twitter熱傳 燕子築巢6年零租金

日本良心店舖Twitter熱傳 燕子築巢6年零租金

仲記唔記得日本Lawson便利店「L」字事件?因為有燕子喺熄咗燈嘅L字上面築巢而引起網民熱烈討論,仲激讚Lawson係良心企業,入嚟有回帶。最近網上熱傳有呢間地產店,佢哋店前嘅燈上面都有燕子築巢,旁邊仲有個告示牌,寫明租金0蚊,而且個巢喺平成25年(2013年)建成,已經有6年歷史,老闆一直無趕佢哋走俾佢哋住,好有愛呀。

Read more ›

【搵食攻略】東京13間人氣泡芙店 超邪惡好想食

【搵食攻略】東京13間人氣泡芙店 超邪惡好想食

鍾唔鍾意食日本嘅泡芙(Puff)?唔單止好味,個樣仲好靚,經過聞到陣味都忍唔住停低。最近日本媒體嚴選咗13間東京人氣Cream Puff店,由池袋到代官山到築地,佢哋仲好邪惡咁劏開每個包,俾你睇入面嘅奶油,太過份喇,好想試晒佢!

Read more ›
【人間有情】土耳其出現大風雪 店舖開放招待流浪貓狗

【人間有情】土耳其出現大風雪 店舖開放招待流浪貓狗

土耳其伊斯坦堡出現大暴雪,過百航班取消,交通癱瘓,不過另一方面就睇到人間有情。有雜貨店老闆開放自己舖頭俾流浪貓狗,仲開著埋暖爐等大家圍爐取暖。唔少店舖都打開大門招待流浪貓狗,令佢哋開心到喺地下狂碌,甚至商場都開放接待動物。至於瞓街嘅動物,都有好多有心人帶備紙箱、毛毯同食物俾佢哋,好感動。嚟緊天氣開始凍,大家都記住多啲關心屋企附近嘅流浪貓狗嘞。

Read more ›

營業時間「起身後」到「瞓覺前」 日本店舖Twitter熱傳

去親日本都會特別留意舖頭嘅關門時間,因為好多地方都收得好早。有日本網民最近喺Twitter分享咗呢間舖嘅營業時間,吸引好多人RT,佢嘅營業時間係由「起身後」到「瞓覺前」,至於定休日就係「去玩嘅日子」,好型,但係計落返工時間咪好長?

Read more ›

獵奇迷彩雪糕 三色混合乜嘢味?

唔好笑我見識少,雪糕食得多,迷彩雪糕都係第一次見。唔單止外形靚,睇落仲幾好味。呢杯名為First Class Camouflage嘅雪糕由連鎖雪糕店Baskin-Robbins出品,唔單止雪糕球,連窩夫筒都係迷彩設計,好細心。味道方面,三隻色分別係朱古力、鹽味焦糖同埋蛋糕口味,有網友試過話幾好味,唔知遲啲會唔會有雪地迷彩、海洋迷彩或者城市迷彩呢?

Read more ›

周杰倫潮牌 x Gundam 黑人陳建州設計高達

我認八卦,最先吸引我嘅居然係周杰倫而唔係Gundam。作為周董fans應該知佢有個潮流品牌PHANTACi,最近品牌就宣佈由今個星期五起,喺台北開設《機動戰士鋼彈》期間限定店,雖然個人認為台灣叫法「鋼彈」唔係幾潮,都係「高達」順耳啲。講返正題,今次聯乘會推出T恤,背心、帽、風褸共4種單品,主題係太空版高達,除咗賣產品,仲會舉行為期一個月嘅展覽,展出50款以上嘅特別版高達,大量名人紅人幫手改造,香港人比較熟悉嘅黑人陳建州同埋熱狗都有份參與。

Read more ›