fbpx

Tag: 底褲

日本喵星人性感扭蛋    一條底褲兩份著超可愛

日本喵星人性感扭蛋 一條底褲兩份著超可愛

日本扭蛋公司RE-MENT今次呢套扭蛋應該會令貓奴瘋狂。今次主題係偷著主人內褲嘅喵星人,總共有9個款式,內褲包括野性嘅豹紋、通爽嘅日式底底、卡通公仔,不過最正都係「I Love Dog」同埋兩隻喵星人一條內褲兩份著呢兩個款式。想買嘅要等到9月5日,作為貓奴,應該想儲齊一套啦!

Read more ›

【賊仔喵】喵星人專偷鄰居底褲 主人寫字條尋物主

【賊仔喵】喵星人專偷鄰居底褲 主人寫字條尋物主

外國嘅喵星人比較自由,經常可以出街玩,不過就好易出事。好似呢隻住喺紐西蘭嘅女喵星人Brigit,主人發現佢每次出街玩完都會帶啲男裝底褲同埋襪返屋企。最近佢哋準備搬屋,摷返晒Brigit嘅「戰利品」出嚟放上Reddit,好快就被瘋傳。主人Sarah Nathan寫咗張字條放喺每個鄰居嘅信箱,提佢哋留意吓自己有無唔見嘢,另一方面,佢哋將會搬去郊區,希望呢隻賊仔喵收心養性,唔好再犯案嘞!

Read more ›
【新片速報】女裝底褲「彈」奏巴哈名曲 音樂人變痴漢

【新片速報】女裝底褲「彈」奏巴哈名曲 音樂人變痴漢

巴哈名作《Air on the G String》大家讀書上音樂堂都聽過,G String其實仲有另一個解法,就係臀部得好細塊布嘅女裝底褲嘞。之前係詩人,而家涉足埋音樂界嘅創作人黃安祖(Andrew Huang)最近就將兩者合二為一,用女裝G String底褲「彈」奏名曲《Air on the G String》,估唔到效果出奇地正,唔睇畫面真係估唔出係用條底褲彈出嚟嘅,不過睇埋畫面,就覺得佢有啲似痴漢‥‥‥

Read more ›
【性感髮型】日本奇妙產品 底褲變紥頭橡筋

【性感髮型】日本奇妙產品 底褲變紥頭橡筋

日本好多奇妙產品,呢件更加係創意澎湃嘅好例子。表面睇佢係一條橡筋,實際上解開之後,原來佢係一條‥‥‥底!褲!仲要係喱士底褲,有粉紅、粉紅同黑三隻色,唔縛頭唔著住,都仲可以好似圖中示範咁掛喺手腕當裝飾。不過我好好奇,點解要將底褲同紥頭嘅橡筋合二為一?如果好熱發現自己無帶橡筋,係咪可以‥‥‥? 不過睇落呎吋咁細,應該著唔落。

Read more ›
唔著褲食飯   底褲餐巾男女合用

唔著褲食飯 底褲餐巾男女合用

食飯用餐巾我仲唔係好慣,因為經常食到中途會發現張餐巾跌咗落地下。設計公司Noki最近設計咗一款好搶眼嘅餐巾,舖上大脾之後,睇落好似無著褲,因為餐巾嘅圖案係底褲嘅款式,有男有女,男嘅係三角褲款式,女嘅就有粉紅色可愛褲仔款,咦,點解有塊樹葉?

Read more ›
超級英雄底褲晒冷   露底海報網上有價

超級英雄底褲晒冷 露底海報網上有價

想唔想挑戰吓自己對超級英雄嘅熟悉程度?如果單睇以下嘅超人底褲,你都可以嗡得出晒所有名,你一定係超級擁躉。呢堆底褲其實來自兩張海報,設計公司Design Different將英雄樣裁走晒淨返條底褲仔,考你眼力。張海報網上有得買,開價US$29.99。我自問只係認到十分一左右,你呢?

Read more ›

新片速報   Paul Smith底底廣告     阿爾卑斯山玩命

新片速報 Paul Smith底底廣告 阿爾卑斯山玩命

好少廣告我會咁認真睇,仲要連making of嘅汁都撈埋,時裝品牌Paul Smith最近幫佢哋嘅底底拍攝廣告,今次勁,地點係法國阿爾卑斯山,model赤膊上陣睇見都震,更震係喺山峯之間行鋼線,步步驚心。making of仲見倒佢玩花式,又倒立又邊行邊除衫,不過我掛住望佢隻腳掌,差啲忽略咗佢條底底,好彩底底貫徹Paul Smith風格,花lee碌碌,cap圖時好出色。

Read more ›
Bandai推出iPhone內褲 遮住Home掣唔走光

Bandai推出iPhone內褲 遮住Home掣唔走光

開頭睇到呢段news嘅時候,真係估唔到係大廠出品。呢幾條名為「SmartPants」嘅底褲,係俾iPhone著嚟遮住個Home掣嘅,當然,你部GS III或者Xperia想著都可以著,不過著咗你按唔到啲掣咁解啫。講番正題,一套8款,每條200円,會喺3月開賣,喺佢哋嚟到香港之前,相信會成為遊日嘅最佳手信!不過,我都係鍾意唔著褲通街走,奔放吖嘛!

Read more ›