床下底發現貓媽媽產子 外國導演突然成為貓爸爸

如果有一日你返上樓拎返件褸,點知發現床下底有隻貓媽媽啱啱生咗幾隻細貓,你會點?住喺英國嘅Paris Zarcilla就遇到呢個情況,本身係導演加編劇嘅佢,影咗相放上Twitter,之後超多人RT,最後佢取消晒當日行程,接受自己最新嘅「Cat Dad」身份。期間佢不斷出新圖,將自己嘅心路歷程講出嚟,本身係編劇嘅佢寫嘢又幽默又真誠,將初為人父嘅心路歷程表達晒出嚟,好好睇,加上又有片有相,所以吸引好多人留言。最新情況係有人提議佢要帶隻貓媽媽去做檢驗,又有人話可能隻貓係鄰居嘅,佢就話好唔捨得交返啲貓出嚟,不過都會接受命運嘅安排,睇佢嘅post可以感受到佢已經完完全全成為咗一個貓奴,阿門。入嚟有回帶。

Read more ›