fbpx

Post Tagged with: "年曆卡"

《漫畫賓治》+《漫畫Buddy》=《賓治Buddy漫畫集》創刊開訂 送鄭健和年曆卡
by / on 12/01/2021 at 9:45 pm

《漫畫賓治》+《漫畫Buddy》=《賓治Buddy漫畫集》創刊開訂 送鄭健和年曆卡

唔使混亂,成件事好簡單,《漫畫賓治》聯乘《漫畫Buddy》等於即將創刊嘅《賓治Buddy漫畫集》,預計1月尾見街,家陣開訂。暫時所見,有陸志明、志筆在始、金城、吳嘉恩、梁偉家等港漫人參與,44頁全彩色,售$30。網購者醒多張和仔大人製作嘅牛魔王年曆卡一張,限量300張。老土都係咁講,支持本地有心人熱血創作,多多捧場Please。

Read more ›

至Goal Club送2021年曆卡 歡迎免費索取
by / on 21/12/2020 at 9:45 pm

至Goal Club送2021年曆卡 歡迎免費索取

又一年,烏煙瘴氣嘅2020年快啲走唔該,「至Goal Club」維持優良傳統,今年繼續免費派年曆卡與眾同樂,2021年希望大家都可以過一個好年。物輕情意重,我覺得係一份心意來的,得閒就上去攞番張喇。另,負責人開Post話:「日前突然間忽發奇想,想定期每星期定一日休息,暫停營業,…….除咗因為我哋有感身心疲累,事實上真係時間唔夠用,好多同客人聯繫、宣傳、採購、找數、稅務等等瑣碎工作,根本唔夠時間處理!」其實唔使考慮喇,人唔係鐵鑄,休息好應份。一於周休一日喇,有得回氣,先有力Keep住向前衝,係咪咁講先?

Read more ›
草日掛曆+月曆開訂 消費滿$200送年曆卡
by / on 22/10/2020 at 8:30 pm

草日掛曆+月曆開訂 消費滿$200送年曆卡

埋嚟睇吓呀喂,草日推出嘅2021年月曆有實物睇喇,有兩款俾大家記擇。一,喵喵Acrylic掛曆$108;二,喵喵座檯月曆連貼紙套裝$120,10月28日截單,頭200位消費滿$200送年曆卡一張。收到未?

Read more ›
買《山海逆戰》孖寶版 加送年曆卡
by / on 28/02/2020 at 4:30 pm

買《山海逆戰》孖寶版 加送年曆卡

今日169+170期孖寶版《山海逆戰》出版,大家買咗未?如果幫襯「收藏家港漫專區」的話,除咗原先話會送嘅「全民抗疫」貼紙外,再加送3D立體年曆卡一張,都係限量50張。多謝龍哥,多謝晒。

Read more ›
至Goal Club派甘小文年曆卡
by / on 19/02/2020 at 8:45 pm

至Goal Club派甘小文年曆卡

開心!真心講句多謝!「至Goal Club」今年繼續免費派甘小文2020年曆卡。留意番,畫嘅係化身記者嘅哨牙珍、化身勇武嘅肥婆四……大家,千祈唔好當佢哋Condom呀,無咗記者,無人發掘真相,無咗勇武,香港晨早已經成為疫區。勿忘初心,抗完疫,要繼續抗爭呀。

Read more ›
塵阿力年曆卡 同路人有必要擁有
by / on 31/12/2019 at 10:00 am

塵阿力年曆卡 同路人有必要擁有

有人話近呢大半個月,逆權運動有漸漸熄火趨勢,我覺得唔係下下都要有人送頭先叫抗爭嘅,繼續做文宣同支持黃色經濟圈,都係Keep it alive手段一種。之所以呢張塵阿力正式授權製作嘅2020年曆卡,同路人有必要擁有。唔係靠佢睇日子,而係將之攝喺銀包或擺喺檯頭當眼處,提醒自己抗爭未完,未來日子仲有大把路要走,咪麻木,咪氣餒。

Read more ›

至Goal Club甘小文年曆卡  2019年繼續免費派發
by / on 09/01/2019 at 8:00 pm

至Goal Club甘小文年曆卡 2019年繼續免費派發

Good呀,「至Goal Club」秉承優良傳統,今年繼續派年曆卡,而年曆卡亦繼續搵甘小文賜圖印製,美少女戰士版肥婆四加哨牙珍賀2019年,醒神喇喂。一如以往,免費派發,咁當然,有幫襯的話成件事會更圓滿喇。

Read more ›
買《山海逆戰》送2018年曆卡
by / on 25/01/2018 at 9:45 pm

買《山海逆戰》送2018年曆卡

先替廣大港漫迷多謝邱福龍,再要多謝「收藏家港漫專區」Dicky,事關依家上舖頭幫襯任何期數或版本嘅《山海逆戰》,即送2018年曆卡一張,物輕情意重,送完即止,想要唔該快手。

Read more ›
馬來西亞版利志達《刻毒》 送年曆卡多8頁睇
by / on 08/12/2017 at 9:25 pm

馬來西亞版利志達《刻毒》 送年曆卡多8頁睇

利申,我已經買咗港版利志達《刻毒》,所以呢本馬來西亞版唔係我杯茶。遲買原來有著數,除咗封面唔同變咗黑白、隨書多附送2018年用曆卡一大張外,利志達仲為裡面其中一個故事《C》畫多8頁,全書總共144頁,而價錢依舊係$98,抵喇喂,「至Gaol Club」有售。

Read more ›
Pariz Wong出月曆+年曆卡 大頭靜陪你減肥
by / on 31/10/2017 at 6:36 pm

Pariz Wong出月曆+年曆卡 大頭靜陪你減肥

不嬲有追開朋友仔Pariz Wong面書,知道佢推出2018年座檯月曆同年曆卡,梗係要Hardsell吓,價錢屬經濟實惠嗰隻,月曆每個$78,年曆卡每張$12,二合一套餐$85。點解要撐?一為支持本地創作,二來主角大頭靜畫得著實Cutie,三來句Slogan我非常Like──「減肥是重要的」。嗯嗯……2018年,我目標係減10磅,10磅啫,唔算好妄想吖呵?

Read more ›
多謝甘員外 至Goal Club送2017年曆卡
by / on 08/01/2017 at 8:45 pm

多謝甘員外 至Goal Club送2017年曆卡

你可以話無乜大不了,但我就好鍾意呢種對顧客嘅窩心關懷,「至Goal Club」唔係送啲乜嘢矜貴嘢,薄薄一張2017年曆卡啫,但拎到上手感覺確實Warm,誇啲講句,直頭Feel到人間有情呀。當然,都要多謝甘員外喇,今年又創作咗四幅新畫印成年曆卡,一套四款,又一值得收藏港漫精品也。行開旺角,記得上舖頭問老闆攞番張,多謝老闆,多謝甘員外!

Read more ›

跟進:利志達《大圓天》送年曆卡 今日至Goal Club開賣
by / on 07/01/2017 at 3:36 pm

跟進:利志達《大圓天》送年曆卡 今日至Goal Club開賣

望穿秋水,今日大家終於可以去「至Goal Club」撲利志達本《大圓天》嘞,每本$98,附送剛剛印好嘅年曆卡一大張。而動漫基地呢,周日亦分到十本Quota,不過就無年曆卡,所以每本$80,報告完畢。

Read more ›
《古惑仔》新春孖寶號 隨書附送年曆卡
by / on 01/02/2016 at 9:30 pm

《古惑仔》新春孖寶號 隨書附送年曆卡

牛佬真真好人,之前嗰劑Post相鬥呃Like贏電腦彩稿親筆畫搞唔成,就張剩低落嚟嗰兩張親筆畫輯印成年曆卡,一張係太子x浩南,一張係大飛,隨下期《古惑仔》新春孖寶號送畀免費大家。卡仔小小一張並非厚禮,但絕對睇出有份心意在,不枉我咁撐你呀牛佬,下期買書記得拎番張卡仔喇。

Read more ›
至Goal Club有嘢送!免費索取甘小文年曆卡
by / on 27/12/2015 at 9:30 am

至Goal Club有嘢送!免費索取甘小文年曆卡

「至Goal Club」抵讚呀,因為呢間漫畫店又有免費嘢送喇,繼上年之後,今年繼續送甘小文年曆卡,一卡兩款,唔使幫襯都可以免費索取,係咪抵讚先?呢啲咁好嘅漫畫店,以後要多多幫襯喇。

Read more ›
《古惑仔》送年曆卡 HeHe味濃
by / on 07/03/2015 at 11:00 am

《古惑仔》送年曆卡 HeHe味濃

奇怪,家陣都3月喇,牛佬仲係繼續不定期送年曆卡,今期《古惑仔》又送嘞,構圖簡簡單單,得甘尚武And徐世飛半身拍埋一齊咁大把,但見甘尚武拉開衣襟靈出一身結實肌肉,同徐世飛頭哄頭,唔知點解硬係覺得HeHe哋咁,唔知大家又點睇?

Read more ›