Post Tagged with: "平板電腦"

日本喵星人企正「集中線」 現聖光Twitter熱傳
by / on 25/07/2017 at 7:07 am

日本喵星人企正「集中線」 現聖光Twitter熱傳

係聖光呀!日本呢隻喵星人唔覺意企咗上部tablet度,咁啱個畫面係集中線,而佢佢企咗喺中間,個樣仲要好似啱啱瞓醒咁,好可愛。主人跟住放咗幾張佢細個嘅相,由細到大都咁可愛,仲有之前扮白兔、戴草帽嘅相,一次過有得回帶。

Read more ›

iPad都用得!自拍神器支援平板電腦 挑戰人類極限
by / on 04/04/2015 at 1:41 pm

iPad都用得!自拍神器支援平板電腦 挑戰人類極限

利申,好怕人喺街拎部平板電腦出嚟影相,影乜都比旁邊啲人睇晒,除非咁啱你部手機無電,又無帶相機,又係遊客啦。不過總有人希望自己部平板電腦可以物盡其用,唔好話影相,最好可以用埋嚟自拍,挑戰人類極限。呢個AccessoryGeeks網站賣緊嘅自拍神器好明顯主攻呢類人士,可以裝埋iPad 2或者iPad Air 2,唔好話喺韓國,我諗去到世界各地都會成為人類嘅焦點,所費唔多,美金$18.99就可以理想達到!

Read more ›
新片速報 iPad突然變巨芒    魔術表演嚇餐飽
by / on 21/01/2015 at 7:10 am

新片速報 iPad突然變巨芒 魔術表演嚇餐飽

有無聽過Nabi?佢係美國嘅平板電腦牌子,專出巨型平板,目標對象係小朋友,啲機閒閒哋都24吋,最大仲去到65吋。最近佢哋想宣傳,諗倒搵魔術師Adam Trent去Apple嘅紐約分店搞搞震。當啲人買完iPad走出嚟,佢就借啲意問人借部機,之後1、2、3,將佢哋部iPad變晒做巨芒Nabi,唔知係咪我多心,我覺得啲人好似唔多願意咁,好多人都露出苦笑,鏡頭後有無人發脾氣?

Read more ›
38%兩歲以下小童玩手機   篤芒當食奶咀
by / on 12/11/2013 at 7:10 am

38%兩歲以下小童玩手機 篤芒當食奶咀

我認我保守,每次見倒小朋友拎住部手機或者平板電腦起勢篤,我都有啲擔心。外國網common sense研究發現,今時今日兩歲兒童用手機打機睇片嘅數字已經達到38%,即係每十個就有接近四個小朋友篤芒,你無聽錯,係兩歲!我當堂嚇一跳。研究仲話8歲以下嘅有成72%!睇完呢個數字,只可以話而家真係數碼年代,但係兩歲小朋友篤芒我真心接受唔倒,亦想勸吓家長們,唔好每次個仔喊就質部智能電話比佢玩,比啲耐性陪佢玩吓,手提電話唔可以吓吓當奶咀咁用o架!

Read more ›
新片速報   玩Win 8遇《Walking Dead》喪屍
by / on 16/10/2013 at 12:50 pm

新片速報 玩Win 8遇《Walking Dead》喪屍

Window 8同喪屍美劇《Walking Dead》有咩關係?原來佢哋係合作伙伴,3月份時拍過YouTube片宣傳第3季,最近又有新片宣傳《Walking Dead》第4季,片首見倒有個男人篤篤吓部Window 8 Tablet,點知轉頭居然見倒喪屍!入嚟有得慢慢睇,質素自己評價啦。除咗廣告片,官方仲出咗個叫AMC Story Sync嘅app比Window 8用家下載,有得睇吓獨家片段投吓票,叫做有啲誠意咁啦。

Read more ›
新片速報  坐吓有Tablet送   朱古力Kit Kat賣大包
by / on 22/09/2013 at 8:09 am

新片速報 坐吓有Tablet送 朱古力Kit Kat賣大包

食Kit Kat朱古力要鬆吓抖吓,但係估唔倒抖吓都有部Nexus 7平板電腦拎走咁爽皮!Kit Kat最近喺荷蘭街頭租咗幾塊廣告牌,上面離奇地有個座位,原來根據指示牌嘅時間坐上張椅抖吓,無幾耐就會有人送部tablet比你,就係咁簡單,易過中六合彩。睇片見倒路人即時飛撲上去坐定定,有啲仲兩個人迫埋一齊博有機會拎多部,睇落好緊張,唔太鬆吓抖吓,仲令我好葡萄o忝!

Read more ›

Galaxy Note出8吋   Samsung高層確認?
by / on 22/01/2013 at 10:45 am

Galaxy Note出8吋 Samsung高層確認?

記唔記得當年Samsung出Galaxy Note時,大家都笑啲人拎住咁大個芒傾電話傻的嗎?但今時今日,我行街見倒最多人用嘅,就係巨芒Note 2,難怪啱啱有風吹出,話下個月Mobile World Congress,Samsung將會宣佈推出8吋Galaxy Note,有關消息由韓國網iNews24傳出,話經Samsung巨頭JK Shin證實咗,信不信由你。我只係知,8吋呢,即係比iPad Mini嘅7.9吋大少少,又比5.5吋嘅Note II大好多,規格方面,行1.6GHz四核、1280 x 800像素,呢部嘢拎上面講電話我直情覺得係城市奇景!

Read more ›