Post Tagged with: "帽"

【新片速報】日本人氣吉祥物又自殘 打吹氣棒帽都飛甩
by / on 08/03/2018 at 7:50 am

【新片速報】日本人氣吉祥物又自殘 打吹氣棒帽都飛甩

又係呢隻鍾意自殘嘅日本吉祥物「ちぃたん」,出身於秋葉原,係高知縣須崎市嘅觀光大使,最鍾意喺Twitter拍片做危險動作,仲因為經常自殘而俾網民狂鬧,好有爭議性。不過佢似乎無諗住改變,最新片段就試玩練習打拳嘅吹氣棒,仲打到帽都甩埋,又起飛腳搞到成個跌咗落地。但係段片短短兩日已經有超過4百萬點擊,睇嚟佢越受傷大家越鬧又越鍾意睇。

Read more ›

【狗狗都有】日本扭蛋出狗狗帽 戴起變一年級生超可愛
by / on 06/03/2018 at 7:24 am

【狗狗都有】日本扭蛋出狗狗帽 戴起變一年級生超可愛

唔係喵星人先有頭套有帽戴嘅,日本扭蛋公司奇譚都會造福狗群,最近就有呢個狗狗戴帽系列「かわいい かわいい 犬の一年生」,一式五款,戴起就好似個一年級學生咁,超傻超可愛,可以去郊外旅行嘞!而家已經推出咗,好想買返頂俾隻狗狗威吓呀。

Read more ›
瑪利奧「食人花」帽 自信大叔戴得好有型
by / on 09/12/2017 at 9:05 am

瑪利奧「食人花」帽 自信大叔戴得好有型

冬天天氣凍,戴返頂冷帽都好合理吖。Think Geek最近就有呢款食人花帽 (Piranha Plant Beanie),一睇就知係超級瑪利奧入面好煩嗰朵食人花。不過我最欣賞其實係示範嗰位model,自信嘅表情令頂帽睇落好引!賣美金$19.99,啱晒參加聖誕party用嚟做禮物。

Read more ›
【圖集】日本喵星人冬天著斗篷 戴埋帽仔超可愛
by / on 24/11/2017 at 7:14 am

【圖集】日本喵星人冬天著斗篷 戴埋帽仔超可愛

呢隻日本嘅白喵好可愛,主人仲成日幫佢轉造型。最近天氣凍,主人就買咗件粉紅色嘅斗篷俾佢。好處係容易著,簡單扣前面兩粒鈕就得。件衫仲連埋頂帽仔,好可愛。入嚟有多啲佢嘅其他造型,全部都好靚,BTW,雖然佢肥肥哋,但都算係一個好稱職嘅model!

Read more ›
日本穿窿新帽 露出可愛雙馬尾
by / on 11/05/2017 at 8:49 pm

日本穿窿新帽 露出可愛雙馬尾

如果又想雙馬尾又想戴帽咁點算?日本嚟緊就會有呢系列新帽推出,帽度會有窿,俾妹子放馬尾出嚟,造型個可愛程度都好高。不過都知除非有病否則夏天都未必戴冷帽,所以會喺今年秋天先推出,價錢2500円至3980円,可以留意番官方公佈。

Read more ›
【圖集】日本貓奴用貓毛惡搞     特朗普新髮型好無奈
by / on 19/11/2016 at 11:48 am

【圖集】日本貓奴用貓毛惡搞 特朗普新髮型好無奈

作為一個專業貓奴,日本攝影師Ryo Yamazaki嘅IG一定要follow。佢最鍾意就係用梳出嚟嘅貓毛,織成唔同嘅帽送返俾喵星人戴,貓毛出自貓身上,效果好好笑。最近佢就玩咗特朗普嘅經典髮型,前排又有萬聖節主題。屋企三隻喵都俾佢玩勻,不過睇啲喵嘅表情,似乎唔係幾欣賞佢嘅傑作喎。BTW,最近轉天氣,係時候趁星期六日幫佢哋梳吓毛嘞!

Read more ›

有片:無聊飛帽Trick shot!Chok樣唔笑呢下勁!
by / on 10/10/2016 at 10:00 pm

有片:無聊飛帽Trick shot!Chok樣唔笑呢下勁!

戴帽都有Trick shot?就係有!仲要好多添!遠近距離飛帽兼成功戴穩頂帽已經係小兒科,一手掟幾頂帽、開完門頂帽跌落嚟剛剛笠實個頭、疊羅漢戴帽、加用腳剔帽傳帽等等,更加係創意與技術缺一不可。此片一必睇五位大男孩自信滿滿嘅Chok樣表情,可以咁認真對待如此無聊玩意,要讚;二必睇Making of,其中一個五人合作高難度表演,既要擒高擒低,又要坐定定擺Pose,埋尾仲要打開櫥櫃喺唔准望嘅情況下掟本書入去,仲要挑剔到要見到書脊!呢個Trick,最少NG咗916次,單係呢份毅力,已經值得畀Like。

Read more ›
日本變種蜜瓜包  變銀包/帽/手袋亂咁嚟
by / on 10/12/2014 at 7:09 am

日本變種蜜瓜包 變銀包/帽/手袋亂咁嚟

從來無諗過蜜瓜包可以咁好玩,利申,我鐘意食菠蘿包唔鍾意食蜜瓜包,上維基先知,原來蜜瓜包起源地係日本,唔怪得日本人將佢發揚光大,變做銀包、手袋、耳筒同埋咩話?帽?成個蜜瓜包笠上頭,好大膽。

Read more ›
一眼睇穿實力 《龍珠》菲利精英軍團戰鬥帽
by / on 18/03/2014 at 7:13 am

一眼睇穿實力 《龍珠》菲利精英軍團戰鬥帽

「好強嘅戰鬥力呀!」戴住呢頂帽出街,我驚我喺條街忍唔住爆咗呢句說話出口引嚟奇異目光。呢頂帽係日本cospa嘅新產品,造型參照精英軍團嘅戰鬥服,厲害在於可以將塊綠色膠片放落嚟扮睇人戰鬥力!見勢色唔對咪將塊綠色膠片收返入帽入面囉,能屈能伸,幾實用!

Read more ›
Star Wars搭上米奇老鼠    戴帽同遊迪士尼
by / on 12/07/2013 at 7:25 am

Star Wars搭上米奇老鼠 戴帽同遊迪士尼

自從迪士尼收購咗Lucas Arts之後,我哋心裡面知道米奇老鼠終有一日會入侵Star Wars,外國設計師Jessica Danker都係咁諗,所以先下手為強,自己用米老鼠個頭加入Star Wars元素,整成一頂頂唔同角色嘅帽。我最鐘意係Boba Fett同埋周身毛嘅Chewbacca,因為佢無整到黑武士同埋尤達大師。呢套手作仔帽喺外國網Etsy有得賣,開價港幣三百蚊有找,戴住佢去迪士尼,係人都知你係Star Wars擁躉。

Read more ›