fbpx

Tag: 師傅

【有片】日本天婦羅師傅 徒手落滾油Twitter熱傳

【有片】日本天婦羅師傅 徒手落滾油Twitter熱傳

一向好鍾意食日本嘅天婦羅,薄薄哋嘅炸漿,配埋入面暖笠笠嘅食材,諗起都流口水。不過要整都幾辛苦,日本呢位師傅仲有獨門絕技,有日本網民拍到個師傅整「蛋黃天婦羅」時,竟然成隻手浸落滾油入面,有人話佢可能隻手已經無晒知覺,亦有人提出科學性嘅理論,話係「萊頓弗斯特現象」,當液體接觸到遠超過佢嘅沸點嘅物件時,液體表面會產品一層有隔熱作用嘅氣,令液體嘅沸騰速度大大減慢。不過睇吓好嘞,唔好亂試。BTW呢間天婦羅店叫「天錦」,位於靜岡縣,樓主話係佢最鍾意嘅天婦羅店,去開附近記住試吓,每碗天丼賣1000円,睇落超正,入嚟有地址。

Read more ›

【新片速報】紋身師傅專用義肢 改裝後似BioShock

【新片速報】紋身師傅專用義肢 改裝後似BioShock

呢段紋身片呢幾日喺網上熱傳,原因位紋身師傅用嘅係一隻改裝咗嘅義肢。段片最先喺Facebook專頁「Steampunk Tendencies」發放,之後轉載咗去YouTube,片中嘅師傅叫JC Sheitan,佢22年前無咗隻手,法國藝術家JL Gonzal將佢嘅義肢改裝,加咗打字機、鐵管、壓力計,成為咗一隻紋身專用嘅義肢。衞生起見所有零件都可以拆出嚟消毒,不過都幾複雜,所以呢隻義肢暫時唔建議日日用。入嚟有埋片睇,好型,有啲似Bioshock。

Read more ›
【甜到漏】IG超人氣巴黎甜品師    靚鞋襯甜品

【甜到漏】IG超人氣巴黎甜品師 靚鞋襯甜品

鍾意食甜品嘅入呢個IG前要小心,因為佢會令你好肚餓。今次介紹嘅呢位Tal Spiegel係一位巴黎甜品師傅,亦係一個設計師兼鞋痴。知道佢呢3個嚐好之後,就會明白點解佢會開呢個IG。入面每張相都係一幅甜品,每件甜品唔止靚,仲同佢對鞋襯到絕,相信佢屋企嘅鞋同佢鍾意嘅甜品一樣,數之不盡。就算唔鍾意食甜品嘅,當去欣賞吓巴黎嘅超靚甜品都係一件賞心樂事。

Read more ›
【新片速報】當黑喵遇上抹窗師傅      窗前練黐手

【新片速報】當黑喵遇上抹窗師傅 窗前練黐手

呢條片好好睇,貓奴實鐘意。片中嘅黑貓可能平時好苦悶,所以每次見到大廈外牆抹窗嘅叔叔就好興奮。坐喺窗邊嘅佢見有人喺外牆刷窗,就即刻跟住用手抓追住玩,而抹窗嘅叔叔相信都好鐘意佢,除咗全程笑騎騎之外,仲專登邊抹邊同隻喵玩,場面好溫馨,十足練習詠春黐手呀!

Read more ›
超靚喵星人紋身      韓國師傅多女性客

超靚喵星人紋身 韓國師傅多女性客

有無諗過將屋企隻喵星人紋上身?男女朋友關係會變,但係喵星人唔會喎,一世都跟住你。韓國紋身師傅Soltattoo就好擅長幫人紋屋企隻喵星人上身,手勢好好,仲要係彩色添,加上畫嘅喵星人像真得嚟又有少少cute,女仔實鍾意,除咗喵星人,佢紋花花圖案都好靚,難怪咁多女仔客。BTW,韓國法例規定,紋身師傅一定要係執業醫生,似乎穩陣好多。

Read more ›
有片   日本切青瓜神技   切到紙咁薄

有片 日本切青瓜神技 切到紙咁薄

好刀功!呢條片全程影住一條青瓜一把刀,但都吸引倒幾十萬人收睇,我都完全無飛過睇到尾。呢位日本師傅表演切青瓜技藝,可以將青瓜切到紙咁薄,又可以雕花,勁!BTW,佢把刀好鋒利,切到手肯定爆缸。

Read more ›

神級紋身師    似足黑白掃描畫

神級紋身師 似足黑白掃描畫

紋身我好少介紹,不過今次呢位師傅嘅手功真係靚到嚇死人,忍唔住要分享吓。嚟自瑞典,名為Niki Norberg,大部份作品都係黑白色,效果有啲似掃描畫,像真度極高,拍得住好出名嘅Jun Cha,有好多幅都睇到我眼定定。唔係鼓勵你紋身,不過入嚟當藝術品睇吓都值,痛吓又唔痛嘅。

Read more ›
新奇壽司東京有得學     名畫吶喊Facebook手指即製即食

新奇壽司東京有得學 名畫吶喊Facebook手指即製即食

日本壽司食得多,咁古靈精怪嘅壽司都係第一次見,呢堆有圖案嘅壽司出自日本師傅Tama Chan手,除咗有名畫吶喊,仲有貓呀、富士山呀,啤酒呀,連地球同埋facebook嘅經典like手指都有份,靚唔靚見仁見智啦,不過手工唔錯,佢仲喺東京表參道開班授徒,有日本記者親身上堂,仲成功整咗吶喊壽司同埋壽司三文治,睇落幾好味。

Read more ›
小學雞紋身師傅後續:見工先紋身

小學雞紋身師傅後續:見工先紋身

噚日睇新聞有個小學雞紋身師傅,幫人紋「生死由命富貴由天」,搞到我呢兩日見到紋身有關嘅新聞都當笑話睇。話說土耳其嘅Berrgetattoo請紋身師傅,廣告非常高科技,你要先將半透明嘅barcode上色,再用電話scan個barcode先可以send倒求職信,有創意之餘又考倒求職者功力,讚。小學雞師傅大可用嚟當練習,為日後晋身中學牛舖路。

Read more ›